Dutolonomi 30:17 - Baibo Busansulushi Bwa Libuku Ili

¹⁷ Sombi na mukabule kucita boobo, mukayungoolwe kuya mukufukamina akulambila balesa bamwi,

Dutolonomi 30:17 Marejeleo ya Msalaba

Bene Ebulu 3:12

Nobamakwesu, amucenjele kwaamba ayi mutabi muntu nabi womwi mulikoto lyanu, ucite moyo ubiibi alimwi utashomi, weenga wamukusha kuli Lesa muumi.

2 Timoti 4:4

Balaakufutata kwaamba ayi batanyumfwi shalushinisho akukonkela tulabi.

Tushimpi 1:32

Bantu batacite maano balafwa ceebo cakusuula busongo. Baluya balanyonyoolwa ceebo cakulishoma beene.

Bene Ebulu 12:25

Paceebo ceeco, amucenjele kwaamba ayi mutakaki kunyumfwila wooyo utokwaamba amwebo. Boonse abo bakakaka kunyumfwila wooyo wakabacenjeshaako pacishi ca panshi pano kwiinda mumakani akwe Lesa, tabakwe kupuluka. Ono na twakaaka kunyumfwila wooyo utokwaamba kuswa kwiculu, ncakwiila aswebo teshi tukapulukeewo.

Tushimpi 14:14

Mucita shibi ulaakulambulwa kweelana amilimo yakwe, alakwe muntu ululeme ulaakulambulwa kweelana amilimo yakwe ibotu.

1 Baami 11:2

Wakabeeba nakubi kwaamba ayi Mwaami Lesa wakakasha bene Isilaeli kweebana abaswamashi kuloondesha kwaamba ayi inga balengesha bene Isilaeli kulambila balesa bamwi.

1 Samwelo 12:25

Sombi na mwatolelela kucita shibiibi, nkokwaamba ayi mwebo amwaami wanu mulaakunyonyoolwa.”

Dutolonomi 17:17

Mwaami uyo teelete kweeba banakashi baanji mukwiinga inga bamulengesha kuswa kuMwaami Lesa. Teelete kuba asilifa alimwi agolodi uunji bunene, sobwe.

Shakubelenga 32:15

Ncakwiila na mwebo nomukowa wakwe Lubeni awakwe Gadi mukake kumunyumfwila bulya, bene Isilaeli boonse aba utoobashiya beenka muluyanga muno. Anu mwebo ndimwe mweshi mulengeshe ayi banyonyooke.”

Dutolonomi 30:16

Ceebo ndamulwiita ayi musune Mwaami Lesa, Lesa wanu, kweenda munshila shakwe akukonkela milawo, milasho yakwe alimwi akwiisha kwakwe kumwi koonse. Na mukacite boobo, Mwaami Lesa, Lesa wanu ulaakumufusha akumupa coolwe mucishi ico ncemutooya mukubwesa akwikalaamo.

Dutolonomi 30:18

ntoomulwiitila limwi sunu ayi ncakwiila mulaakunyonyoolwa. Teshi mukekaale ciindi cilaamfu mucishi ico cili kwitala lya Joodani ncemutooya mukubwesa akwikalaamo.

Dutolonomi 11:16

Mutakalisuminishi kuyungoolwa kuswa kuMwaami Lesa akutalika kulambila balesa bamwi akubasebensela.

Joshuwa 22:15

Lyalo ndibakashika kuGilyadi kubamumukowa wakwe Lubeni, Gadi alimwi amusa wa mukowa wakwe Manase, bakabaambila ayi,

1 Samwelo 12:21

Mutakonkeli shibumbwabumbwa shitacite mpindu. Tashikoonshi kumucafwa nabi kumufuna mukwiinga taaku mboshibete.