Dutolonomi 30:10 - Baibo Busansulushi Bwa Libuku Ili

¹⁰ Ici cilaakucitika na mukanoonyumfwila Mwaami Lesa, Lesa wanu akukonkela milawo amilasho yakwe yoonse ilembetwe mulibuku ili. Mulyeelete kuboola kuMwaami Lesa, Lesa wanu amyoyo alimwi abuumi bwanu boonse.

Dutolonomi 30:10 Marejeleo ya Msalaba

Neyemiya 1:9

Sombi na mukasandukile kuli ndime akukonkela milawo yangu, ndaakumuboosha mumusena ngondakasala ayi noolambililwa nabi bantu banu bamwi bali mushishi sha busha shili kulaamfu.’

Esekelo 18:21

“Sombi na mucita shibi wasanduka kuswa kushibiibi shakwe shoonse isho nshaacita, watalika kulama milasho yangu yoonse, akucita shintu shakutanyengelela ashiluleme, muntu uyo ulaakuba abuumi. Ncakwiila teshi akafweewo, sobwe.

Esekelo 33:11

Balwiite kwaamba ayi, ‘Ndushinisho kweelana ambocibete lushinisho ayi nebo neMwaami Lesa ndi muumi, nebo nshisangalali kubona mucita shibi kaafwa? Sombi ndasangalala kumubona kaasanduka kuswa kunshila shakwe shibiibi akuba abuumi. Amusanduke! Amusanduke kuswa kunshila shanu shibiibi! Ceebonshi mutooyanda kufwa mwebo nobene Isilaeli?’

Esekelo 33:14

Inga ndaambila mucita shibi ayi, ‘Ndushinisho webo ulaakufwa,’ ono lakwe wasanduka kuswa kushibiibi shakwe akucita shintu shakutanyengelela alimwi shiluleme,

Esekelo 33:19

Na muntu wasanduka kuswa kushibiibi shakwe akucita shintu shakutanyengelela alimwi shiluleme, muntu uyo ulaakuba abuumi ceebo cakucita boobo.

Sekaliya 6:15

“Bantu bekala kulaamfu balaakwisa mukucafwa kuyakulula Ŋanda yakwe Lesa iyo. Na ikamane kuyakululwa ndyeshi mukeshibe ayi anu nguMwaami Lesa Shinkusu shoonse ngowakantuma kuli ndimwe. Shintu ishi shilaakucitika na ncakwiila mukanyumfwile milawo ya Mwaami Lesa, Lesa wanu.”

Milimo ya Batumwi 26:20

Ndakataanguna kushimikila muDamasikasi, muJelusalemu amucishi coonse ca Judeya alimwi akubaswamashi bakunsengwe. Ndakabashimikila ayi balyeelete kusanduka kuswa kushibiibi shabo akushoma muli Lesa alimwi akucita shintu shibonesha ayi bakasanduka cancinencine.

Milimo ya Batumwi 3:19

Anu amusanduke kuswa kushibiibi shanu, musandukile kuli Lesa kwaamba ayi shibiibi shanu shikushikwe. Na mucite boobo,

1 Bene Kolinto 7:19

Ceebo kupalulwa nabi kutapalulwa taaku mbocibete. Cinene nkulama milawo yakwe Lesa.

Dutolonomi 29:21

Mpeeke Mwaami Lesa ulaakumulengesha ayi abe citondesho kumikowa yoonse ya bene Isilaeli akumuletela mapensho, kweelana amashingo oonse ali mucipangano ayo alembetwe mulibuku ili lya Milawo.

Dutolonomi 30:11

“Anu mulawo ngontoomupa sunu teshi uyumu alimwi toobete kulaale sobwe.

Dutolonomi 30:2

Na mwebo alimwi abamulunyungu lwanu mukasandukile kuMwaami Lesa akukonkela milawo yakwe njentoomupa amyoyo alimwi abuumi bwanu boonse,

Dutolonomi 30:8

Lyalo mulaakunoonyumfwila Mwaami Lesa alimwi, akukonkela milawo yakwe yoonse njentoomupa sunu.

Dutolonomi 4:29

Ono uko mulaakunoolangoola Mwaami Lesa, Lesa wanu, lyalo na mukanoomulangoola amoyo woonse alimwi abuumi bwanu boonse, mulaakumucana.

Dutolonomi 6:5

Suna Mwaami Lesa, Lesa wako amoyo wako woonse, abuumi bwako boonse alimwi ankusu shako shoonse.