Dutolonomi 3:28 - Baibo Busansulushi Bwa Libuku Ili

²⁸ Upe Joshuwa milasho akumuyumyayumya mukwiinga ulaakutanjilila bantu kwaamba ayi bakabwese cishi nceshi ubone.’

Dutolonomi 3:28 Marejeleo ya Msalaba

1 Makani 22:6

Lyalo Defedi wakeeta mwanaakwe Solomoni akumwaambila ayi akayake Ŋanda yakwe Lesa, Lesa wa bene Isilaeli.

1 Makani 28:20

Mwaami Defedi wakaambila Solomoni mwanaakwe ayi, “Ulyeelete kuyuma akulishoma alimwi ukacite mulimo uyo. Utakaloondi nabi kutyongola mukwiinga Mwaami Lesa, Lesa wangu, uli awebo. Teshi akakulekelesheewo, sombi ulaakunooli awebo kushikila ukamanishe kuyaka Ŋanda yakwe.

Joni 1:17

Mukwiinga Lesa wakapa Milawo kwiinda muli Mose, sombi luse alushinisho shakesa kwiinda muli Jesu Klistu.

Milimo ya Batumwi 7:45

Kuswawaawo, bamashali besu bakulukulu bakashiilwa Tente kuswa kubamashali babo. Mpeeke bakalinga kwiinyamuna ndibakalinga aJoshiwa, pakubwesa cishi ico Lesa ncaakatandamo mishobo imwi kunembo lyabo. Bakekala aTente iyo kushikila amunshiku shakwe Defedi

Dutolonomi 1:37

Ceebo ca ndimwe, Mwaami Lesa wakakalalila anebo akwaamba ayi, ‘Awebo Mose teshi ukenjileemo mucishi ico.

Dutolonomi 1:38

Sombi shikukucafwa, Joshuwa mwanaakwe Nani ulaakwinjila mucishi ico. Umuyuminishe mukwiinga ulaakutanjilila bene Isilaeli kuya mukucibwesa.’

Dutolonomi 31:23

Lyalo Mwaami Lesa wakaambila Joshuwa mwanaakwe Nani ayi, “Uyume akulishoma mukwiinga ndiwe weshi utanjilile bene Isilaeli kuya mucishi ncendakabashomesha cakulumbila, anebo nemwiine nanooli awebo.”

Dutolonomi 31:3

Mwaami Lesa, Lesa wanu mwiine ngweshi akanooli kunembo akunyonyoola mishobo iyo ili kooko kwaamba ayi mukabwese cishi cabo. Joshuwa ngweshi abe mutanjilili wanu kweelana abwakaamba Mwaami Lesa.

Dutolonomi 31:7

Lyalo Mose wakeeta Joshuwa akumwaambila pameenso abene Isilaeli boonse ayi, “Uyume akulishoma, ceebo ndiwe weshi utole bantu aba mucishi ico Mwaami Lesa ncaakashomesha cakulumbila kupa bamashali babo. Ulyeelete kubabaanya cishi ico ayi cikabe cinebo.

Bene Ebulu 4:8

Joshiwa naakalengesha ayi bantu bookeshe kweelana akushomesha kwakwe Lesa, naakwiinga pesule, Lesa taakwe kwaamba shabushiku bumwi alimwi.

Joshuwa 1:2

“Mose musebenshi wangu wafwa. Ono webo nyamuka abene Isilaeli boonse, musubuke Mulonga wa Joodani akuya mucishi ico ncentoopa bantu bangu.