Dutolonomi 29:8 - Baibo Busansulushi Bwa Libuku Ili

⁸ Twakabwesa cishi cabo akwaabanya mukowa wa bene Lubeni wakwe Gadi alimwi amusa wa mukowa wakwe Manase.

Dutolonomi 29:8 Marejeleo ya Msalaba

1 Baami 2:3

Kocita cakulwiita Mwaami Lesa wako. Kokonkela nshila shakwe, milawo amilasho yakwe mbuli mboshilembetwe muMilawo yakwe Mose. Ucite boobo kwaamba ayi kuli koonse kweshi ukaye ukaswitilile mushintu shoonse nshoocita.

Kulumbaisha 135:12

Shishi shabo wakashipa kubantu bakwe ayi nshabo, ee, wakashipa kubantu bakwe bene Isilaeli.

Shakubelenga 32:32

Tulaakusubuka Mulonga wa Joodani kwiinda mubutanjilili bwakwe ayi tukenjile mucishi ca Kenani akutalika kulwana, kwaamba ayi cishi cili kwicwe lya Joodani kuno cibe cinesu cancinencine.”

Shakubelenga 32:33

Mpeeke Mose wakapa mukowa wakwe Gadi awakwe Lubeni alimwi amusa wa mukowa wakwe Manase mwanaakwe Josefu, cishi coonse ca mwaami Sioni wa bene Amoli alimwi aca mwaami Ogi wa kuBashani. Wakabikaawo amandabala acishi cakalinga kushingulukite.

Dutolonomi 5:32

“Nobene Isilaeli amushinishe kwaamba ayi mulaakunookonkela shoonse Mwaami Lesa, Lesa wanu nsheshi amulwiite ayi mucite. Mutakasuuli mulawo wakwe uli woonse.

Dutolonomi 5:33

Mukeekonkele yoonse kwaamba ayi shintu shinoomweendela kabotu, alimwi kwaamba ayi mutolelele kunooli boomi mucishi ico ncemutooya mukubwesa.

Joshuwa 1:7

Webo yumabo akulishoma abuumbi. Ulyeelete kunookonkela Milawo yoonse iyo musebenshi wangu Mose njaakakupa kwaamba ayi ukaswitilile kuli koonse nkweshi ukaye. Utakeeleshi kusuula mulawo nabi womwi.

Joshuwa 1:8

Utakalubiiko kunoobelenga Libuku lya Milawo lyoonse pakunoolambila. Ukanokwiiyaamo malumwi amashiku akulabilila kukonkela shoonse shilembetweemo. Na ukacite boobo, ulaakuba acoolwe alimwi ulaakuswitilila.