Dutolonomi 29:5 - Baibo Busansulushi Bwa Libuku Ili

⁵ Kwamyaaka ili makumi one iyo Mwaami Lesa njaakamutanjilila muluyanga, shakufwala nabi nkwabilo shanu tashikwe kukwamookaawo.

Dutolonomi 29:5 Marejeleo ya Msalaba

Neyemiya 9:21

Mwakabalama muluyanga kwamyaaka makumi one. Taakuuwo ancebakalinga kulila. Shakufwala shabo tashikwe kukwamookaawo alimwi myeendo yabo taikwe kushimbaawo.

Kulumbaisha 78:24

Wakalosha mana ayi bantu balye, wakabapa shakulya shakaswa kwiculu.

Kulonga 6:7

Mpeeke mulaakuba bantu bangu, anebo ndaakuba Lesa wanu. Lyalo mulaakwishiba ayi ndime Mwaami Lesa, Lesa wanu na nkamwaangulule mubusha ubo mbomubeteemo mucishi ca Ijipiti.

Kulonga 7:7

Paciindi ico ndibakaamba amwaami Falawo, Mose wakalinga kucite myaaka ili 80 lakwe Aloni wakalinga kucite myaaka ili 83.

Shakubelenga 14:33

Bana banu balaakwiingaila muluyanga kwamyaaka ili makumi one, kabapenga ceebo ca kutashomeka kwanu kushikila wakweelaako pali ndimwe akafwe.

Mateyo 10:10

Mutanyamuni coola nabi kunyamuna cakufwala ca peculu acimwi, nsapato nabi nkoli ceebo musebenshi ulyeelete kulita pancito yakwe.

Dutolonomi 1:3

Pabushiku butaanshi bwa mweenshi wa likumi awomwi mumwaaka wa makumi one kuswa ndibakaswa mucishi ca Ijipiti, Mose wakabalwiita shoonse Mwaami Lesa nshaakamulasha ayi abalwiite.

Dutolonomi 8:2

Amwiibaluke mwaami Lesa, Lesa wanu mbwaakamutanjilila mulweendo loonse lwa muluyanga lwa myaaka makumi one iyo yeenda. Wakalinga kumutumina makatasho mukumweelesha kwaamba ayi abone mpomwiimfwi alimwi na inga mwacikonsha kukonkela milawo yakwe.

Dutolonomi 8:3

Wakamukolesha nsala sombi wakamupa mana, cakulya ico mwebo abamashali banu bakulukulu ncemutana kulyaawo kale. Ici wakacicita kwaamba ayi amwiishe ayi cakulya ceenka teshi nceenga capa buumi muntu sombi amaswi oonse Mwaami Lesa ngaamba.

Dutolonomi 8:4

Mumyaaka iyi ili makumi one shakufwala shanu tashikwe kukwamookaawo alimwi myeendo yanu taikwe kushimbaawo.

Joshuwa 9:13

Nkomwe sha shipaya shakubikamo waini ishi ashalo shakalinga shipya nditwakalongelaamo, sombi amubone ono mboshakwamooka. Shakufwala shesu alimwi ankwabilo shafwa ceebo ca mushinso ulaamfu.”

Joshuwa 9:5

Bakafwala shakufwala shifwite alimwi ankwabilo shakumameeka. Shinkwa ngobakanyamuna wakalinga uyumu alimwi ubundite.