Dutolonomi 29:10 - Baibo Busansulushi Bwa Libuku Ili

¹⁰ “Pabushiku bwasunu noonse muliimfwi pameenso a Mwaami Lesa, Lesa wanu. Nkokwaamba ayi mwebo nobamatanjilili, abamaloba, bacinenenene, basankwa bamwi boonse,

Dutolonomi 29:10 Marejeleo ya Msalaba

2 Makani 20:13

Paciindi ico basankwa boonse bene Juda, bamakaabo abana babo bakalinga kwiimfwi kuŊanda yakwe Lesa.

2 Makani 23:16

Kuswawaawo Jeoiyada mupailishi wakaambila mwaami Joashi kwaamba ayi bantu boonse bacatane mukupanga cipangano kwaamba ayi babe bantu ba Mwaami Lesa.

Neyemiya 10:28

Swebo sotwacaalaawo, nkokwaamba ayi bapailishi, bene Lefi, beshikulindilila paminjililo, beshikwiimba, basebenshi ba kuŊanda yakwe Lesa aboonse abo bakalipatula kuswa kubaswamashi mukukonkela Milawo yakwe Lesa pantu pomwi abamakaabo, bana babo basankwa abanakashi abo bakalinga kukonsha kunyumfwa,

Neyemiya 8:2

Lyalo Esila mupailishi wakaleta Libuku lya Milawo pameenso a bantu. Libungano ili lyakalinga lya basankwa, banakashi abanike boonse abo bakonsha kunyumfwa.

Neyemiya 9:38

“Ono ceebo ca sheeshi, tutoopanga cipangano ceelete kukonkelwa cakushomeka. Tutoocilemba abalo bamatanjilili besu, bene Lefi abapailishi batoobikawo kalamatila wa twishibilo twabo.”

Dutolonomi 29:11

banakashi, baana alimwi abaswamashi mbomwikalaabo abo bamutepela nkuni akumutekela maanshi.

Dutolonomi 29:9

Anu munookonkela kabotu maswi oonse ali mucipangano ici, kwaamba ayi mukanooswitilila mushintu shoonse nsheshi mukanoocita.

Dutolonomi 4:10

shabushiku ndimwakeemikana kunembo lya Mwaami Lesa, Lesa wanu paKalundu ka Sinayi palya ndyaakaambila ndime ayi, ‘Bunganya bantu abo. Ndisuni ayi banyumfwe mbweshi ŋambe kwaamba ayi beeye kunyumfwila kulilabo kabacili boomi alimwi ayi bakeeishe abana babo kucita bweenka ubo.’

Joshuwa 8:35

Milawo yoonse iyo Mose njaakalemba, Joshuwa wakeebelengela bantu abo bakalinga kubungene, kubikaawo abanakashi, banike alimwi abaswamashi abo mbobakalinga kwikalaabo.

Joshuwa 9:21

Tutabacaayi, sombi ababebo beshikututepela nkuni alimwi abeshikututekela maanshi.” Anu bamatanjilili mbobakanyumfwana ubo.

Ciyubululo 20:12

Lyalo ndakabona bafu, balemekwa abantubo, boonse kabeemfwi kunembo lya cuuna ca bwaami. Lyalo mabuku akacalulwa alimwi libuku limwi lyakacalulwa, ndyelibuku lya boomi. Bafu bakoomboloshekwa kweelana amicito yabo bweenka mbomwakalinga kulembetwe mumabuku.

Ciyubululo 6:15

Mpomunyaawo bamaami ba mucishi ca panshi, beendeleshi, bamatanjilili ba bashilumamba, babile, beshinkusu alimwi abantu bamwi boonse, basha abaangulukite, bakayuba mushimfwengo sha panshi alimwi amumyaandami ya mutulundu.

1 Samwelo 3:21

Mwaami Lesa wakatolelela kuliyubulula kuShilo uko nkwaakaboneka kuli Samwelo akwaambaakwe. Lyalo coonse cakalinga kwaamba Samwelo, bene Isilaeli bakalinga kunyumfwila.

1 Samwelo 4:1

Ono bene Isilaeli bakalibambila kuya mukulwana abene Filisiti. Bakayaka misumba yabo kuEbenesa abalo bene Filisiti bakayaka yaabo kuAfeki.