Dutolonomi 29:1 - Baibo Busansulushi Bwa Libuku Ili

¹ Maswi aya nga mucipangano ca Mwaami Lesa ico ncaakaambila Mose ayi apange abene Isilaeli mucishi ca Moabu. Uku nkwiilikoobo pacipangano cakwe ambabo paKalundu ka Sinayi.

Dutolonomi 29:1 Marejeleo ya Msalaba

2 Baami 23:3

Mpomunyaawo mwaami wakeemikana pafwaafwi alicinko lya bwaami akupanga cipangano aMwaami Lesa. Wakashomesha kumunyumfwila akukonkela milawo amilasho yakwe camoyo wakwe woonse abuumi bwakwe boonse. Wakashomesha akucita kweelana ashilembetwe mulibuku ilyo. Mpeeke bantu boonse bakashomesha kulama cipangano ici.

Kulumbaisha 105:27

Bakacita milimo ya nkusu yakwe Lesa pameenso abo akucita shaankamiko mucishi cakwe Amu.

Jelemiya 11:2

“Jelemiya, nyumfwa makani a cipangano ici. Kuswawaawo ulwiite bene Juda abaabo bekala kuJelusalemu.

Jelemiya 11:6

Mpeeke Mwaami wakaŋambila ayi, “Koya waambilishe maswi aya oonse mumandabala a kuJuda amumikwakwa ya muJelusalemu ayi, ‘Amunyumfwe makani acipangano ici alimwi mwaakonkele.

Jelemiya 31:32

Teshi cikabe mbuli ceeco cakalinga pakati ka bamashali babo bakulukulu ciindi ndindakabatanjilila kuswa muIjipiti. Nakubi kwaamba ayi nebo ndakalinga mbuli ibaabo, balo tabakwe kulama cipangano ici, sobwe.

Jelemiya 34:18

Bantu abo bakapwaya cipangano cangu akwaalilwa kucita kweelana nshebakashomesha mucipangano ncebakapanga pameenso angu. Aboobo bantu abo ndaakubacita bweenka mbobacita moombe ngobapasula mushipansha shobilo akwiinda pakati.

Bene Lefi 26:46

Anu yoonse iyi njimilawo amilasho iyo Mwaami Lesa njaakapa Mose paKalundu ka Sinayi ayi njabene Isilaeli.

Bene Lefi 27:34

Iyi njemilawo iyo Mwaami Lesa njaakapa Mose paKalundu ka Sinayi ayi nja bene Isilaeli.

Milimo ya Batumwi 3:25

Shintu shoonse Lesa nshaakashomesha kwiinda mubalaluki bakulukulu nshanu ceebo muli bamucipangano ico Lesa ncaakacita abamashali banu bakulukulu kweelana ambwaakaambila Abulaamu ayi, ‘Kwiinda mulunyungu lwako ndaakupa coolwe bantu boonse ba mucishi ca panshi.’

Dutolonomi 1:1

Mulibuku ili, muli makani Mose ngaakaambila bene Isilaeli ndyaakalinga muluyanga kwicwe lya Mulonga wa Joodani. Bakalinga mucinyika ca Joodani pafwaafwi aSufi, pakati ka ndabala ya Palani aya Tofelo, Labani, Asaloti alimwi aDisaabu.

Dutolonomi 28:68

Mpomunyaawo Mwaami Lesa ulaakumuboosha mucishi ca Ijipiti mumaato anene, nacibi kwaamba ayi wakamuposhesha ayi mutakabooliiko. Mwaakushika mulaakunoolisambasha kubalwani banu ayi bamufuube, sombi taaku nabi womwi eshi akamuuleewo.”

Dutolonomi 29:12

Mwebo muli waano sunu ayi musumine cipangano ico Mwaami Lesa, Lesa wanu, ncaatoopanga amwebo mukushomesha cakulumbila,

Dutolonomi 29:2

Mpomunyaawo Mose wakabunganya bene Isilaeli boonse akubaambila ayi, “Mwakalibonena nobeene shoonse isho Mwaami Lesa nshaakacita kuli Falawo mwaami wa kuIjipiti, bamatanjilili bakwe alimwi akucishi cakwe coonse.

Dutolonomi 29:21

Mpeeke Mwaami Lesa ulaakumulengesha ayi abe citondesho kumikowa yoonse ya bene Isilaeli akumuletela mapensho, kweelana amashingo oonse ali mucipangano ayo alembetwe mulibuku ili lya Milawo.

Dutolonomi 29:25

Ono kukumbula kulaakuba kwakwaamba ayi, ‘Ceebo bantu aba bakapwaya cipangano ico Mwaami Lesa, Lesa wa bamashali babo bakulukulu ncaakapanga ambabo paciindi ndyaakalinga kubakusha mucishi ca Ijipiti.

Dutolonomi 4:10

shabushiku ndimwakeemikana kunembo lya Mwaami Lesa, Lesa wanu paKalundu ka Sinayi palya ndyaakaambila ndime ayi, ‘Bunganya bantu abo. Ndisuni ayi banyumfwe mbweshi ŋambe kwaamba ayi beeye kunyumfwila kulilabo kabacili boomi alimwi ayi bakeeishe abana babo kucita bweenka ubo.’

Dutolonomi 4:13

Wakamulwiita ncemweelete kucita mukulama cipangano ncaakapanga amwebo. Mulyeelete kukonkela Milawo ili Likumi iyo njaakalemba pamabwe obilo apampamene.

Dutolonomi 4:23

Mutakeeleshi kuluba cipangano ico Mwaami Lesa, Lesa wanu ncaakapanga amwebo. Amukonkele milawo yakwe kwaamba ayi mutakalipangili cibumbwabumbwa ca mushobo uli woonse.

Bene Ebulu 8:9

Teshi cikabe mbuli ceeco cakalinga pakati ka bamashali babo bakulukulu ndindakabatanjilila kuswa muIjipiti. Tabakwe kutolelela kucita kweelana ambotwakapangana, aboobo, ndakabasuula.

1 Samwelo 12:24

Ono kamunyumfwila Mwaami Lesa akumusebensela cakushomeka alimwi acamoyo woonse. Amwiibaluke shintu shikankamanisha isho nshaakamucitila.