Dutolonomi 28:53 - Baibo Busansulushi Bwa Libuku Ili

⁵³ “Ono ceebo ca mapensho balwani banu ngweshi bakalete paciindi cakulwana mumandabalaanu, mulaakutalika kulya bana banu, mibili ya baana basankwa abanakashi abo Mwaami Lesa, Lesa wanu mbwaakamupa.

Dutolonomi 28:53 Marejeleo ya Msalaba

Jelemiya 19:9

Ndaakubalengesha kulya bana babo basankwa abanakashi akulyaana muciindi ca mapensho ayoosha balwani babo baakushinguluka ndabala yabo inene.’ ”

Malilo 2:20

NoBaami baLesa, amubone akuyeeya. Anu ngani ngomwakapenshawo kale camushobo uyu? Sa ncibotu banakashi kulya bana babo? Sa ncibotu kulya baana abo mbobakalela? Sa bapailishi abalaluki balyeelete kucailwa muŊanda yanu isalalite?

Malilo 4:10

Banakashi beshinkumbu bakateleka bana babo amaansaabo beene ayi cibe cakulya cabo. Bakacita boobo bantu bangu ndibakanyonyoolwa.

Esekelo 5:10

Paceebo ceeco bamashali pakati kanu balaakutalika kulya bana babo, abalo baana balaakunoolya bamashali babo. Ndaakumupa mulandu akupalanganya baabo beshi bakacaaleewo mumbasu shoonse.’

Bene Lefi 26:29

Mulaakunyumfwa nsala inene abuumbi cakwaamba ayi mulaakunoolya bana banu.

Mateyo 24:19

Mapensho kubanakashi beshi bakanooli pakati, abeshi bakanoocite baana bayamwa munshiku isho!

Dutolonomi 28:18

“Mwaami Lesa ulaakumushingana kwiinda mukumupa baana baniini, kutebula shakulya shiniini alimwi amukumupa ŋombe ambelele shiniini.

Dutolonomi 28:54

Paciindi ico amusankwa woonse uteekenye alimwi ucite nkumbu pakati kanu, teshi akabe ankuumbu pamukwabo ngwaakashalwaakwe lifumo lyomwi, mukaakwe usunikwi nabi bana bakwe abo beshi bakacaleewo.

Dutolonomi 28:55

Aboobo taaku nabi womwi ngweshi akapewo nyama ya bana bakwe iyo njeshi akanoolya. Cilaakuba ncecakulya nceshi akanoocitebo ceebo ca mapensho ayo eshi akalete balwani banu muciindi ico nceshi bakashinguluke mandabalaanu oonse.

Dutolonomi 28:57

Cabushishi ulaakulya mwanaakwe kateta alimwi asheenda abaana. Paciindi ico mwaakushingulukwa kubalwani, ulaakwiima ibaye usunikwi, nabi womwi pabana bakwe boonse.