Dutolonomi 28:51 - Baibo Busansulushi Bwa Libuku Ili

⁵¹ Balaakulya baana ba shifubwa shanu, shishango sha mucishi canu kushikila mukanyonyooke. Taaku shakulya shili anga ngamaila nsheshi bakamushiile, waini, mafuta a olifi, boombe nabi bana ba mbelele, kushikila noonse mukaloobe.

Dutolonomi 28:51 Marejeleo ya Msalaba

2 Baami 25:10

Bashilumamba boonse bene Babiloni abo bakalinga kutanjililwa amutanjilili wa beshikulindilila mwaami uyo, bakamwayulula lubumbu lwa ndabala inene ya Jelusalemu.

Isaya 1:7

Ono cishi cako cacaalabo matongo aalo mandabala ako anene atentekwa tibili apanshi peene. Baswamashi basaala myuunda yako akunyonyoola shintu shoonse kooebela.

Isaya 62:8

Mwaami Lesa wakashomesha cakulumbila kucita cintu cimwi. Ulaakucicita kwiinda mulyaansa lyakwe lya nkusu. Wakashomesha ayi, “Teshi nkapewo tubili shili anga ngamaila shako kubalwani bako ayi shibe shakulya shabo. Alimwi teshi nkasuminishewo baswamashi kunwa waini upya uyo webo omwiine ngowakayuwila.

Jelemiya 15:13

Ono Mwaami waŋambila ayi, “Ndaakulengesha buboni abubile bwanu kusaalwa kubalwani babo ceebo ca shibiibi shabo nshebakacita mucishi coonse.

Jelemiya 17:3

Buboni bwanu abubile bwanu boonse ndaakubuleka ayi bukasaalwe. Bulaakusaalwa pantu pomwi amisena yanu yakulambililaako ya patulundu ceebo ca shibiibi shanu shakacitwa mucishi canu coonse.

Malilo 4:9

Abo bakacaikwa munkondo bali kabotu kwiinda baabo bafwa kunsala. Abo bafwa kunsala balanyanga mukubula cakubika pamulomo ciswa kumyuunda.

Esekelo 12:19

Kuswawaawo waambile bene Isilaeli ayi, pabantu bekala muJelusalemu amucishi ca Isilaeli Mwaami Lesa Shinkusu shoonse waamba ayi, ‘Balaakunoolya shakulya shabo cakulisukama akunwa maanshi caboowa. Shintu shoonse sha mucishi cabo shilaakubwesekwa ceebo ca shintu shalunkutwe sha bantu boonse bekalaamo.

Esekelo 25:4

Paceebo ceeco ndaakumwaaba kubantu ba kwicwe ayi bamukoome. Balaakuyaka misumba yabo akwiimika matente abo pakati kanu. Balaakulya shisepo shanu alimwi akunwa mukupa wanu.

Bene Lefi 26:26

Ashalo shakulya shanu ndaakushiceesha cakwaamba ayi banakashi likumi balaakunoopangila shinkwa woonse ngobeelete mwakupangila momwi. Balaakwaabana shinkwa uyo, ono pakumanisha kuulya woonse, teshi mukakuteewo.

Dutolonomi 28:33

Bantu mbomuteshi mbweshi bakalye shakulya shanu shili anga ngamaila isho nsheshi mukapengele, sombi mulaakunoonyengelelwabo akupenshekwa abuumbi lyoonsebo.

Dutolonomi 28:50

Balaakunooli bakali alimwi batacite nkumbu kubacembele nabi banike boonse.

Dutolonomi 28:52

Mpeeke balaakulwana abantu ba mumandabala oonse ali mucishi ico Mwaami Lesa, Lesa wanu ncaatoomupa. Anu malinga alaamfu ayumu ayo ngomushoma oonse alaakumana kuwa.