Dutolonomi 28:41 - Baibo Busansulushi Bwa Libuku Ili

⁴¹ Mulaakushala baana basankwa abanakashi sombi teshi mukekalaabo, ceebo balaakucatwa kunkondo akutolwa mubusha.

Dutolonomi 28:41 Marejeleo ya Msalaba

2 Baami 24:14

Wakatola busha bene Jelusalemu boonse, nkokwaamba ayi bacinenenene, bashilumamba, bacishi shakupangapanga alimwi abeshikufula sheela. Boonse bakacatwa busha bakalinga 10,000. Kwakacaalabo baabo bakalinga bakandu mucishi ca Juda.

2 Makani 28:8

Nakubi kwaamba ayi bene Juda bakalinga bamakwababo, bene Isilaeli bakacata busha banakashi, baana basankwa abanakashi abo bakalinga 200,000 boonse pantu pomwi akubatola kuSamaliya. Bakatola ashintu shiinji nshebakasaala.

Isaya 65:23

Teshi bakanoosebenselawo citacite mpindu, nabi kushala baana beshi bakanoopengabo. Balaakuba bantu abo nebo neMwaami Lesa mbweshi nkape coolwe, nkokwaamba ayi balo abamulunyungu lwabo boonse.

Malilo 1:18

“Mwaami Lesa uliluleme nakubi kwaamba ayi ndakaashukila milawo yakwe. Amunyumfwe mwebo noonse nobantu. Amunaange, mubone mapensho angu. Bacikula bwangu abamyooye bangu batolwa mubusha.

Malilo 1:5

Balwani ba njiyo baba bamaami ba njiyo. Balwani ba njiyo ono mbobashiite cakuliiba. Mwaami Lesa weeletela buumba bunene ceebo ca shibiibi shakwe shiinji. Bana ba njiyo bamana kuya mubusha, ee, batolwa busha kubalwani babo.

Danyelo 1:3

Kuswawaawo mwaami Nebukadinesa wakalwiita Ashipenasi uyo wakalinga wacinenenene munene mubwaami bwakwe ayi asale bacikula bwangu basankwa kuswa kubene Isilaeli abo bakesa busha. Basankwa abo balyeelete kuba bana ba baami alimwi abana ba bacinenenene.

Mika 1:16

Nobene Juda, amukulule mitwi yanu mukulila ceebo ca bana banu abo mbomusunishi. Amulikulule minkunyu akuba anga ndikubi ceebo balaakumushiya akutolwa mubusha.

Dutolonomi 28:32

Mbweekoobo bana banu basankwa abanakashi balaakupekwa busha kumushobo umwi. Mulaakusalala meenso kulangila bana banu bushiku abushiku, ono taaku nabi comwi nceshi mukacite.