Dutolonomi 28:15 - Baibo Busansulushi Bwa Libuku Ili

¹⁵ “Sombi na mukabule kunyumfwila Mwaami Lesa, Lesa wanu alimwi akutakonkela kabotu milawo amilasho yakwe yoonse iyo njentoomupa sunu, mashingo aya oonse alaakwisa pali ndimwe.

Dutolonomi 28:15 Marejeleo ya Msalaba

Matalikilo 3:14

Lyalo Mwaami Lesa wakaambila nsoka ayi, “Ntookushingana paceeci ncewacita. Pakati ka banyama boonse, lishingo ili lilisukemebo ndiwe weenka. Kuswa sunu unanokweendelabo kulifumo, alimwi ulyeelete kulya bulongo mubuumi bwako boonsebo.

Matalikilo 4:11

Ono bulya washinganwa alimwi tookoonshi kutolelela kulima. Mukwiinga bulongo bwatontola bulowa bwa mukwanu ubo inshi mboyacita anga yalakama mukubutambula ndiwalinga kumucaya.

Matalikilo 4:12

Na ukeeleshe kulima shishango, bulongo taaku nceshi bukakukusheewo. Ulaakunoolibo shikwiingooka utacite musena pacishi ca panshi.”

2 Makani 12:5

Lyalo Shemaya mulaluki wakaya kuli Leoboamu akubamatanjilili ba bene Juda abo bakabungana muJelusalemu ceebo cakuloonda Shishaki. Mpeeke wakabaambila ayi, “Mwaami Lesa waamba ayi, ‘Mwanshiiya, aboobo anebo ntoomushiya mukumwaaba kuli Shishaki.’ ”

2 Makani 34:24

“Mwaami Lesa waamba ayi, ‘Ntoopa Jelusalemu mulandu pantu pomwi abantu boonse bekalaamo bweenka mbocilembetwe mulibuku ilyo mwaami ndyaabelengelwa.

2 Makani 7:19

Sombi na webo nabi bamulunyungu lwako bakacileeke kunyumfwila, ee, kucileka kukonkela milawo amilasho njindakakupa nabi kutalika kulambila balesa bamwi,

Isaya 3:11

Sombi mapensho kubamucita shibi! Balo balaakunyonyoolwa. Nshebakalinga kucita kubamwi, shilaakuboolela mbabo.

Jelemiya 11:8

Sombi balo tabakwe kunyumfwila nabi kubikako maano. Bakakonkela bushicimpamya bwa myoyo yabo ibiibi. Nebo ndakabaambila ayi bakonkele cipangano cangu, sombi bakaalilwa kucikonkela. Paceebo ceeco ndakabaletela mashingo oonse a mucipangano ico.’ ”

Jelemiya 26:4

Mwaami Lesa wakandwiita kwaambila bantu ayi, “Nebo neMwaami Lesa ndaamba ayi, ‘Mulyeelete kunyumfwila ndime mukukonkela milawo yangu iyo njendakamupa

Jelemiya 32:23

Sombi balo ndibakesa mucishi ico akucibwesa ayi ncabo, tabakwe kukonkela milawo yanu nabi kwikala kweelana akwiisha kwanu. Taaku nabi comwi ncebakacitaawo pasheesho nshemwaakabaambila ayi banoocita. Paceebo ceeco, mwakaleta mapensho a mushobo uyu pakati kabo.

Jelemiya 36:31

Ndaakukupa mulandu webo, bana bako abacinenenene bako ceebo ca shibiibi nshemwakacita. Bene Jelusalemu abene Juda ndaakubaletela mapensho oonse ngondakaamba kubaletela ceebo tabakwe kunyumfwila.’ ”

Jelemiya 36:7

Mpashi inga bapaila kuMwaami Lesa akusanduka kuswa kunshila shabo shibiibi mukwiinga Mwaami Lesa wakaloondesha bantu aba kubukali bwakwe buyoosha abuumbi.”

Jelemiya 40:2

Ono mutanjilili wa beshikulindilila ndyaakancana wakaŋambila ayi, “Mwaami Lesa, Lesa wako wakaamba ayi mapensho aya acitike kumusena uno.

Malilo 2:17

Mwaami Lesa wakacita kweelana ambwaakapinga. Wakacita kweela amaswi akwe ngwaakashomesha kalekale ayi ulaakwaacita. Wakakoma kwakubula kukunyumfwila nkumbu. Ncakwiila wakaleka balwani kukusamwina mukukukoma. Wakapa nkusu shiinji kubalwani bako.

Osiya 7:12

Ono baakunooya, ndaakubateya koombe akubacatisha bweenka mupalu mbwaacatisha bayuni. Ndaakubapa mulandu ceebo ca bubi mbobakacita.

Malaki 2:2

mulyeelete kunoolemeka liina lyangu mumicito yanu. Na munoobula kunyumfwila, ndaakumushingana pantu pomwi ashintu isho nshemutambula ayi shinoomucafwa. Ncakwiila ndashishingana kale mukwiinga tamukonkeli mulawo wangu amoyo woonse.

Bene Galatiya 3:10

Paceebo ceeco, boonse abo basuni kululamikwa pameenso akwe Lesa kwiinda mukukonkela Milawo, balishinganishitwe. Mukwiinga Malembo akwe Lesa alaamba ayi, “Uyo woonse utaciti shoonse shilembetwe muMilawo yakwe ulishinganishitwe kuli Lesa.”

Dutolonomi 11:28

Sombi litooba lishingo na mwiisuule akutalika kulambila balesa abo mbomutana kulambilawo kale.

Dutolonomi 28:2

Munoonyumfwila Mwaami Lesa, Lesa wanu kwaamba ayi mukabe ashoolwe shoonse ishi.

Dutolonomi 28:45

“Mapensho oonse aya alaakwisa pali ndimwe. Teshi akamaneewo kushikila mukanyonyooke cakumaninina, mukwiinga tamukwe kunyumfwila Mwaami Lesa, Lesa wanu akukonkela milawo amilasho yoonse njaakamupa.

Dutolonomi 29:19

Anu kutabi muntu nabi womwi pabushiku bwasunu utoonyumfwa maswi aya, pesule alyuume pacaamba akwaamba ayi taaku ceenga cacitika nabi kaacita kuyanda kwakwe mwiine. Ici inga canyonyoola ndimwe noonse, baluleme alimwi abataluleme.

Dutolonomi 29:20

Mwaami Lesa teshi akalekelele muntu wa mbuli wooyu. Sombi bukali bwakwe bulaakuba pali nguwe, amashingo oonse alembetwe mulibuku ili alaakumupolela, kushikila Mwaami Lesa akashiminganye liina lyakwe pacishi ca panshi cino.

Dutolonomi 5:1

Mose wakabunganya bene Isilaeli boonse akubaambila ayi, “Nobene Isilaeli, amukutike kumilawo amilasho yoonse njeentoomupa sunu. Muyiiye akwiikonkela cakushinisha.

Joshuwa 23:15

Ono bweenka mbwaakamupa shintu shibotu shoonse kweelana ambwaakashomesha, mbweeke ubo ulaakucita kuli ndimwe shibiibi isho shoonse nshaakaamba na mukamufutatile kushikila akamane kumunyonyoola kuswa mucishi cibotu cino ncaakamupa.

Joshuwa 23:16

Na mukabule kulama cipangano ca Mwaami Lesa ico Mwaami Lesa mwiine ncaakamwaambila ayi mulame, akutalika kusebensela balesa bamwi akubalambila, Mwaami Lesa ulaakukalala akumupa mulandu, cakwaamba ayi mulaakumanamobo lyeeli mucishi cibotu cino ncaakamupa.”

Boomboloshi 2:15

Anu lyoonse na baya mukulwana, Mwaami Lesa wakalinga kubalengesha kukomwa kweelana ambwaakashomesha. Aboobo bakapenga abuumbi.

1 Samwelo 4:10

Bene Filisiti bakalwana cankusu akukoma bene Isilaeli. Baya kumaandaabo kabaya cicica. Kwakafwa bashilumamba baanji abuumbi bashika kushuulu shili makumi one pabaabo bakalinga kulwanina panshi.