Dutolonomi 26:15 - Baibo Busansulushi Bwa Libuku Ili

¹⁵ Ono amulange panshi kuswa kwiculu kusalalite uko kuli cuuna canu akupa bantu banu bene Isilaeli coolwe. Cishi acalo ico ncemwakashomesha kubamashali besu bakulukulu ayi mulaakutupa, cishi muli bubile abulongo bubotu.’

Dutolonomi 26:15 Marejeleo ya Msalaba

1 Baami 8:27

“Ono sa cilaamba ayi mwebo nobaLesa ndushinisho inga mwekala mucishi ca panshi? Sobwe, nabibo liculu lyaceyabo kulaale kwaamba ayi mwebo mukonshe kwikalaamo. Ino ono ŋanda njendamuyakila yakomena cabuyani kwaamba ayi mwebo mwikaaleemo?

1 Baami 8:43

amukutike mipailo yakwe. Amumukutike kwiculu uko nkomwikala akucita sheesho nshaasenga kwaamba ayi bantu ba mucishi ca panshi bamwishiibe akunoomunyumfwila bweenka mbuli bene Isilaeli mbobacita. Lyalo balaakwishiba ayi Ŋanda yanu iyi njendakayaka ngomusena uko mwebo nkomweelete kulambililwa.

2 Makani 30:27

Lyalo bapailishi pantu pomwi abene Lefi bakeemikana ayi basengele coolwe bantu boonse. Lesa wakanyumfwa kusenga kwabo kwiculu uko nkwaakala akukukumbula.

Kulumbaisha 28:9

Ee, nobaLesa amupulushe bantu banu, amubape coolwe mukwiinga mbanu, Amube beembeshi babo lyoonse akunoobalama lyoonse alyoonse.

Kulumbaisha 51:18

NobaLesa, amucite shibotu kuli Siyoni ceebo ca nkumbu shanu. Amuyake cipya lubumbu lwa Jelusalemu.

Kulumbaisha 68:5

Ngumushali ulama bana banshiwa alimwi wiimikanina bamukalubinje. NguLesa uyo ukala mumusena wakwe usalalite.

Kulumbaisha 80:14

NobaLesa Beshinkusu, amusanduluke akulanga kuli ndiswe. Amutulangilishe mwebo nomwikala kwiculu. Amwise mupulushe bantu banu bene Isilaeli.

Kulumbaisha 80:15

Kamwisa mupulushe bantu aba mbomwakaleta mucishi cino. Ndimwe mwakabalengesha ayi bashimpe akumena miyanda.

Kulumbaisha 90:17

Nobaami baLesa, baLesa besu nkumbu shanu shibe aswebo. Amutulengeshe kuswitilila mushintu shoonse nshetucita.

Isaya 57:15

Usumpukite Lesa wakwiculu uyo, Lesa walyoonse alyoonse ucite liina lisalalite waamba ayi, “Nebo ndekala kwiculu kumusena usalalite, sombi ndekala abaabo balibombya alimwi basanduka kuswa kushibiibi shabo kwaamba ayi mbabooshelemo lushomo lwabo akulangila.

Isaya 61:1

Mushimu wa Mwaami Lesa Shinkusu shoonse uli pali ndime, mukwiinga wansala kwaamba ayi nshimikile makani abotu kubakandu. Wantuma kwaamba ayi njumyeyumye batyongooka mumyoyo akwaambilisha lwaanguluko kubaabo baangitwe, akucita kwaamba ayi boofu balashe.

Isaya 63:15

NoBaami baLesa, amutulangilishe kwiculu uko, ee, kumusena wanu usalalite alimwi kwabulemu uko. Ino ono kulama kwanu pali ndiswe kuli kuli? Ashalo nkusu shanu shili kuli? Lusuno lwanu ankuumbu mwashitalamusha kuswa kuli ndiswe.

Jelemiya 31:23

Mwaami Lesa Shinkusu shoonse, Lesa wa bene Isilaeli waamba ayi, “Ndaakumana kubaboosha kuswa mubusha, bantu ba mucishi ca Juda amumandabala a njiyo balaakutalika alimwi kusebensesha maswi akwaamba ayi, ‘Mwaami Lesa aakupe coolwe, webo Omusena ululeme wa Jelusalemu. Aape coolwe kuli ndiwe Okalundu kasalalite.’

Sekaliya 2:13

Ono noonse amuumune kunembo lya Mwaami Lesa ceebo utooswa mumusena wakwe usalalite.

Mateyo 6:9

Anu mbulya mbomweelete kupaila, ‘NoBeeshiwesu nomuli kwiculu, alilemekwe liina lyanu.

Milimo ya Batumwi 7:49

‘Mwaami Lesa wakaamba ayi, Liculu ncecuuna cangu ca bwaami, acalo cishi ca panshi mpopakulyata myeendo yangu. Ino inga mwanjakila ŋanda ili buyani? Uli kuli musena umo mweshi nokookeshesha?

Dutolonomi 1:8

Ici coonse ncecishi nebo neMwaami Lesa ncendakashomesha kupa bamashali banu bakulukulu, Abulaamu, Isaki alimwi aJakobo pantu pomwi abamulunyungu lwabo. Kamuya mukekaleemo.’ ”

Dutolonomi 26:14

Taaku cipansha ca likumi nabi comwi ncendakalya ndindakalinga kucite cililo, taaku nabi comwi ncendakakusha muŋanda ndindakalinga kutasalalite kweelana aMilawo, alimwi taaku nabi comwi ncendakapa ayi ncipo kubafu. Anu ndakamunyumfwila noBaami baLesa, baLesa bangu akucita shoonse nshemwakandwiita.

Dutolonomi 26:7

Kuswawaawo twakalilila Mwaami Lesa, Lesa wa bamashali besu bakulukulu ayi atucafweeko. Lyalo wakanyumfwa kulila kwesu akubona mbuli mbotwakalinga kupenshekwa, kupekwa milimo iyumu alimwi ambotwakalinga kuungumana abuumbi.

Dutolonomi 26:9

Kuswawaawo wakatuleta kumusena uno mucishi muli bubile abulongo bubotu.

Dutolonomi 6:3

Nobene Isilaeli, amwiikutike alimwi munooikonkela! Lyalo shintu shoonse shinanoomweendela kabotu alimwi mulaakuba mushobo unene akwikala mucishi ca bulongo bubotu, bweenka bwakashomesha Mwaami Lesa, Lesa wa bamashali banu bakulukulu.