Dutolonomi 23:6 - Baibo Busansulushi Bwa Libuku Ili

⁶ Mubuumi bwanu boonse, tamweelete kupanga cishibinda ambabo nabi kubacafwa ayi basumpuke.

Dutolonomi 23:6 Marejeleo ya Msalaba

2 Samwelo 12:31

Bantu ba mumo wakabapa ncito yakusebensesha shakutimbusha mapulanga, mase, tweembe akubakakatisha kunokuuma ncelwa. Wakacita bweenka ubo akumandabala amwi a bene Amoni. Lyalo lakwe abashilumamba bakwe bakaboolela kuJelusalemu.

2 Samwelo 16:12

Mpashi Mwaami Lesa inga wanyumfwila nkumbu akuncitila shibotu ceebo cakucobolwa uku kwa sunu.”

2 Samwelo 8:2

Mpeeke Defedi wakakoma abene Moabu. Bene Moabu wakabooneka panshi boonse akubapima alutambo. Lyalo abo bakalinga kukwana shipimo shobilo sha lutambo, wakabacaya akuleka baabo batakalinga kushika waawo. Munshila iyo bene Moabu bakaba basebenshi bakwe Defedi akutalika kumutolela misonko.

Esila 9:12

Aboobo mutakeebeshi bana banu kubana babo nabi kuleka bana banu kweeba bana babo. Mutakabacaafwi ayi bekale muluumuno akuba acoolwe paciindi cili coonse kwaamba ayi mukayume akulya shintu shibotu sha mucishi ico akucishiila bana banu ayi cibe caabo lyoonse alyoonse.

Danyelo 4:27

Paceebo ceeco nobaami amukonkele nsheshi mulwiiteeko. Amuleke kucita shibiibi akutalika kucita shiluleme alimwi musanduke kuswa kububi akutalika kuba ankuumbu kubaabo balyatililwa. Lyalo mpashi mulaakutolelela kuya ciswitilila.”

Mika 6:5

Nobantu bangu, amwiibaluke Balaki mwaami wa bene Moabu ncaakapinga kucita kuli ndimwe. Amwiibaluke Balaamu mwanaakwe Beyo mbwaakakumbula. Amwiibaluke cakacitika mbomwakeenda kuswa kuShitimu kuya kuGilugala kwaamba ayi mwishibe milimo yangu ya bululami yakumupulusha.”

Shakubelenga 24:10

Mpeeke Balaki wakakalala abuumbi, wafunga likoofi akwaambila Balaamu ayi, “Webo ndakakwiitila kushingana balwani bangu, sombi aba mankanda otatwe ono koobapa coolwe.

Dutolonomi 7:8

Sombi Mwaami Lesa wakamusuna akuyanda kucita kweelana ambwaakashomesha cakulumbila kubamashali banu bakulukulu. Nceceeco ncaakamupulushisha kwiinda munkusu shakwe shinene akumwaangulula kuswa munkusu shakwe Falawo mwaami wa cishi ca busha ca Ijipiti.