Dutolonomi 23:20 - Baibo Busansulushi Bwa Libuku Ili

²⁰ Muswamashi inga wamubooshela ampindu, sombi kuteshi mwine Isilaelinyinaanu. Amukonkele mulawo uyu kwaamba ayi Mwaami Lesa, Lesa wanu akamupe coolwe pacintu cili coonse nceshi mukacite mucishi ico ncemutooya mukwikalaamo.

Dutolonomi 23:20 Marejeleo ya Msalaba

Neyemiya 5:7

Ndindakamana kuyeeya pamakani aya, ndakaambila bamatanjilili alimwi abacinenenene abo ayi, “Mwebo mutoolyatilila baJudanyinaanu.” Mpomunyaawo ndakabunganya bantu baanji kwaamba ayi cikani ici bacibandike.

Kulumbaisha 15:5

Muntu uyo ulakweletesha cakutalangila cinyona mucila peculu. Taatambuli makulo kwaamba ayi apenshe bantu batacite mulandu. Ncakwiila uyo woonse ucita shintu ishi, teshi akatenkaanishikweewo napaceyi.

Kulonga 22:24

Aboobo ndaakukalala akumucaya noonse munkondo. Bamakaanu balaakuba bamukalubinje, abalo bana banu balaakuba banabanshiwa.

Kulonga 22:25

“Na mwakongosha maali muntu wangu mukandu uli woonse, tamweelete kuba anga ngushikukongosha maali akusuna kwaamba ayi eelikeewo maali amwi.

Tushimpi 19:17

Kucafwa bakandu, cili anga nkukongosha Mwaami Lesa, lyalo Mwaami Lesa alaakubooshesha kweelana ambowakapa.

Isaya 1:19

Na kamulibambite kunyumfwila, mulaakulya shintu shibotu sha mucishi cino.

Isaya 24:2

Lyalo cililo ca nkumo kumuntu womwi awomwi cilaakuba ncimwi. Kumupailishi akubantubo, kumwaami musankwa akumusha wakwe, kumwaami mwanakashi akumusebenshi wakwe mwanakashi, kushikuulisha akuushikuula, kushikusenga akuushikupa, kushinkongole akushikukongosha.

Esekelo 18:8

Taakweleteshi maali ayi acaninewo mpindu, sobwe Ulalitalamusha kukucita shibiibi akoombolosha bweelete bantu batoopikishanya.

Bene Lefi 25:36

Utamulipilishi kusotoka pasheesho nshewakamupa, sombi unyumfwile nebo neLesa wako ayi mwine Isilaelinyoko ekale pafwaafwi awebo.

Luka 14:14

Lyalo ulaakupekwa coolwe mukwiinga balo inga tabacikoonshi kucita mushobo womwi kuli ndiwe. Lesa ulaakukulambula pabushiku ubo bantu basalalite ndyeshi bakabushikwe kuswa kubafu.”

1 Bene Kolinto 15:58

Aboobo nobamakwesu nomusunikwi, amwiimikane mulushomo cakutatenkaana. Amubike myoyo yanu kumulimo wa Mwaami ceebo mulishi ayi tamutoosebensela Mwaami kwakubula mpindu.

Dutolonomi 14:21

“Tamweelete kulya cintu cili coonse califwita. Mulakonsha kupa baswamashi mbomwikalaabo nabi kuulisha kubaswamashi bamwi. Sombi mwebo muli bantu basalalite ba Mwaami Lesa, Lesa wanu. “Tamweelete kuteleka mwanaampongo mumukupa wa banyina.

Dutolonomi 15:10

Mulyeelete kumupa amyoyo yoonse cakutatongooka. Mpeeke Mwaami Lesa ulaakumupa coolwe mumilimo yanu yoonse.

Dutolonomi 15:3

Muswamashi lakwe inga wamubooshesha, sombi kuteelesha kusesa mwine Isilaelinyinaanu.

Dutolonomi 28:12

Mwaami Lesa ulaakunoomuloshesha mfula kuswa moomo mwaisunga mwiculu paciindi ceelete, akumupa coolwe mumilimo yoonse. Mpeeke mulaakukweletesha mishobo iinji, sombi mwebo taaku nkweshi mukakweleteewo.