Dutolonomi 23:11 - Baibo Busansulushi Bwa Libuku Ili

¹¹ Sombi mucoombesuba, asambe pamubili, lyalo na lyepila, ulakonsha kuboola mukati.

Dutolonomi 23:11 Marejeleo ya Msalaba

Kulumbaisha 51:2

Amunsaanshe kulubisha kwangu koonse, akunsalasha kuswa kushibiibi shangu.

Kulumbaisha 51:7

Amunkushe shibiibi kwaamba ayi mbe usalalite, ee, amunsaanshe lyalo ntootuba kwiinda mapepe a nkobokobo.

Esekelo 36:25

Ndaakumusanseela maanshi asalalite mukusalasha kuswa kusheesho shoonse shakamubisha alimwi ashibumbwabumbwa shanu.

Bene Lefi 11:25

Uyo woonse weenga wabwesa mutuntu wa comwi pali nshisho, ulyeelete kucapa shakufwala shakwe, nakubi boobo teshi akanoosalalite kushikila macolesha.

Bene Lefi 14:9

Ono pabushiku bwasanu ashobilo, ulyeelete kucesa misusu yakwe yoonse, kukulula ndesu, inkoye alimwi abooya boonse buli pamubili wakwe. Pesule ulaakucapa shakufwala shakwe alimwi akusamba pamubili. Mpeeke ulaakunoosalalite kweelana aMilawo.

Bene Lefi 15:11

Ono na musankwa uyo utooswa mashina wakumya umwi kaatana kusamba kumaansa, uyo ngwaakumya ulyeelete kucapa shakufwala nsheenga kaafwete akusamba. Nakubi boobo teshi akanoosalalite kushikila macolesha.

Bene Lefi 15:13

“Na musankwa uyo waba kabotu, ulyeelete kulindila peenda nshiku shosanwe ashobilo, lyalo akacape shakufwala nsheshi akanoofwete akusamba mumaanshi abotu a mukantupu. Mpeeke ulaakuba muntu usalalite kweelana aMilawo.

Bene Lefi 15:16

“Na musankwa waliwaalila, ulyeelete kusamba pamubili. Nakubi boobo teshi akanoosalalite kushikila macolesha.

Bene Lefi 15:5

Uyo woonse weenga wakumya bulo bwakwe mpaaona, ulyeelete kucapa shakufwala nsheenga kaafwete akusamba. Nakubi boobo teshi akanoosalalite kushikila macolesha.

Bene Lefi 22:6

Anu mupailishi woonse weenga wabula kunoosalalite kweelana aMilawo, teshi akanoosalalite kushikila macolesha. Nakubi boobo, teelete kulya mulambu uli woonse usalalite kushikila wasamba pamubili.

Mateyo 3:11

Nebo ntoomubombeka amaanshi kutondesha kwaamba ayi mwasanduka kuswa kushibiibi, sombi uyo utoosa pesule lyangu uleendaawo nkusu pali ndime. Nsheeleteewo akunyamuna nsapato shakwe. Uyo lakwe ulaakumubombeka aMushimu Usalashi alimwi amulilo.

Dutolonomi 23:10

Na muntu walilengesha kutanoosalalite ceebo walota kukumana amwanakashi, ono waliwaalila, ulyeelete kuswa pansengwe lya misumba akunooshiite kweenka uko.

Dutolonomi 23:12

“Mulyeelete kusala musena womwi pansengwe lya misumba ayi nkwakunooya mukulicafwila.

Bene Ebulu 10:22

Aboobo, atusene pafwaafwi aLesa amyoyo yakutatonsha alimwi alushomo lwancinencine. Atusene kuli nguwe amyoyo yakasalashikwa itacite kampenda alimwi amibili yakasamba mumaanshi atacite matombe.

1 Pita 3:21

Maanshi ayo aleemikanina kubombekwa uko kumupulusha bulya kwiinda mukubushikwa kwakwe Jesu Klistu kuswa kubafu. Kubombekwa uku teshi kusamba pamubili ayi tukushe matombe, sombi nkushomesha Lesa amiyeeyo iluleme.

Ciyubululo 1:5

Alakwe Jesu Klistu amupe luse aluumuno. Lakwe ngokamboni ushomeka, ngowakataanguna kubushikwa kuswa kubafu alimwi ngomweendeleshi wa bamaami boonse ba mucishi ca panshi. Jesu Klistu ulitusuni alimwi kwiinda mulufu ndwaakalibenga, wakatwaangulula kuswa kushibiibi shesu shoonse.