Dutolonomi 22:24 - Baibo Busansulushi Bwa Libuku Ili

²⁴ boonse bobilo balyeelete kutolwa kumwinjililo wa ndabala iyo akubacaya amabwe. Mwanakashi ulaakucaikwa ceebo nabi wakalinga mundabala taakwe kutama ayi bamufuneeko. Alakwe musankwa ulaakufwita ceebo cakukumana amwanakashi wakamamikilwa. Munshila iyi mulaakukusha bubi ubu pakati kanu.

Dutolonomi 22:24 Marejeleo ya Msalaba

Matalikilo 29:21

Lyalo Jakobo wakaamba ayi, “Ciindi cakwana amumpe mwanaanu njebe.”

Jobo 31:11

Ncakwiila uyo weenga wacita cibiibi ca mushobo uyo ulyeelete kupekwa mulandu wakucaikwa.

Esekelo 16:38

Ndaakukupa mulandu ceebo ca bulale abucayi. Mubukali bwangu buyoosha, ndaakukupa mulandu wakucaikwa.

Bene Lefi 20:10

“Na musankwa wapukilwa kumuka Isilaelinyina, boonse musankwa amwanakashi balyeelete kucaikwa.

Mateyo 1:20

Ndyaakalinga kuciyeeya cikani ici, munjelo wakwe Lesa wakaboneka kuli nguwe muciloto kaamba ayi, “Josefu, omwanaakwe Defedi, utaloondi kweeba Maliya, mukwiinga ulimitite lyankusu sha Mushimu Usalashi.

Mateyo 1:24

Josefu ndyaakapapuka wakacita bweenka mbwaakamwaambila munjelo wa Mwaami Lesa, akumweeba Maliya.

1 Bene Kolinto 5:2

Sombi mucilisumpula! Mwalinga kweelete kuungumana akukusha musankwa utoocita cintu ca mushobo uyo pakati kanu.

Dutolonomi 13:5

Sombi mukacaye shikusansulula shiloto amulaluki uli woonse weenga wamulwiita ayi mwaashukile Mwaami Lesa, Lesa wanu uyo wakamukusha mucishi ca Ijipiti umo momwakalinga basha. Munshila iyo walinga kusuni kumukusha kubuumi ubo bwakamulwiita Mwaami Lesa ayi mwikale. Ncakwiila ulyeelete kucaikwa kwaamba ayi mukushe bubi ubu pakati kanu.

Dutolonomi 17:7

Bakamboni abo mbobeelete kutaanguna kumuuma mabwe. Kuboolaawo, bantu boonse ndyeenga bamuuma kushikila wafwa. Munshila iyi mulaakukusha bubi ubu pakati kanu.

Dutolonomi 21:14

Na kunembo lusuno lwamana kuli nguwe, inga wamuleka waya kuli koonse nkwaasuni. Tooelete kumuulisha nabi kumusebensesha anga ngumusha ceebo wakakumanaakwe ndiwakamweeba.

Dutolonomi 22:23

“Na musankwa umwi wacatwa mundabala imwi kaalete amwanakashi wakamamikilwa,

Dutolonomi 22:25

“Na musankwa umwi wacana mwanakashi wakamamikilwa muluundu akukumanaakwe cakumukakatisha, musankwa eenkabo ngoweelete kucaikwa.