Dutolonomi 21:17 - Baibo Busansulushi Bwa Libuku Ili

¹⁷ Musankwa uyo ulyeelete kwaabanya buboni bwakwe mushipansha shotatwe, akupa mwaana musankwa wakwiiya shipansha shobilo, nabi taakwe kumushalila mumwanakashi ngwaasuni bunene. Mwaana musankwa wakwiiya ulyeelete kupekwa kweelana ashintu shimweelete.

Dutolonomi 21:17 Marejeleo ya Msalaba

Matalikilo 49:3

“Lubeni, mwanaangu wakwiiya, ndiwe nkusu shangu. Alimwi uli mwaana mutaanshi mubusankwa bwangu. Uleendaawo bulemu ankusu pabana bangu basankwa boonse.

2 Baami 2:9

Ndibakasubuka, Elija wakaambila Elisha ayi, “Ndwiite ncoosuni ayi nkucitile kaantana kutolwa.” Elisha wakakumbula ayi, “Ndisuni ntambule nkusu nshemwalinga kusebensesha kwaamba ayi mpyane musena wanu.”

2 Makani 21:3

Baishiwabo bakabapa golodi uunji, silifa uunji alimwi ashintu shimwi shamakwebo, akubika ndabala yomwi yomwi pamandabala a muJuda ayo akalinga kucite malinga mumaansa a womwi awomwi. Ono ceebo cakwaamba ayi Jeolamu ngowakalinga mwaana wakwiiya, Jeoshafati wakamusala ayi akapyane bwaami bwakwe.

Kulumbaisha 105:36

Mwaami Lesa wakacaya baana babo basankwa bakwiiya boonse. Ee, bakacaya baana basankwa bataanshi boonse mucishi cabo.

Luka 15:12

Ono mwanikebantu wakaambila baishi ayi, ‘Ta, amumpe buboni mbonjelete kwaabilwa.’ Mpeeke ishiwabo wakabaanya buboni bwakwe kuli mbabo.

Dutolonomi 21:16

pakunokwaabanya baana basankwa buboni, teelete kusalulula. Atakapi mwaana wa mwanakashi uyo ngwaasuni akushiya mwaana musankwa wakwiiya wa mwanakashi ngwaatasuni bunene.

Ciyubululo 3:14

“Mutanjilili wa kucoonde ca kuLawodisiya umulembele ayi, “Aya ngamakani aamba wooyo uli ngoAmeni, kamboni ushomeka alimwi wancinencine. Ngomatalikilo a shintu shoonse Lesa nshaakalenga.