Dutolonomi 20:16 - Baibo Busansulushi Bwa Libuku Ili

¹⁶ “Sombi mumandabala oonse a mishobo iyo ili mucishi ico Mwaami Lesa, Lesa wanu ncaatoomupa, mukanyonyoole bantu boonse.

Dutolonomi 20:16 Marejeleo ya Msalaba

Shakubelenga 21:35

Aboobo bene Isilaeli bakacaya Ogi pantu pomwi abana bakwe basankwa, bantu bakwe boonse cakutashiyaawo nabi womwi. Kuswawaawo bakekala mucishi cakwe.

Shakubelenga 31:17

Bulya ono amucaye mwaana musankwa woonse, alimwi mucaye mwanakashi woonse uyo wakakumanawo kale amusankwa,

Shakubelenga 33:52

mulyeelete kutandaanyamo bantu boonse bekala mucishi ico. Munyonyoole shibumbwabumbwa shabo sha mabwe asha sheela alimwi amisena yabo njebalambililaamo.

Dutolonomi 20:15

Anu ubo mbomweelete kunoocita mandabala anene oonse ali kulaale acishi nceshi mukaye mukwikalaamo.

Dutolonomi 20:17

Kweelana abwakaamba Mwaami Lesa, Lesa wanu, ncakwiila mukanyonyoole bantu boonse, nkokwaamba ayi bene Iti, bene Amoli, bene Kenani, bene Pelisi, bene Ifi alimwi abene Jebusi.

Dutolonomi 24:4

ibaye mutaanshi teelete kumuboosha ceebo taasalalite. Mwaami Lesa taasuni sha mushobo uyo. Tamweelete kucita cibiibi ca mbuli ceeci mucishi ico Mwaami Lesa, Lesa wanu ncaatoomupa.

Dutolonomi 31:5

Mwaami Lesa ulaakulengesha ayi mukabakoome, aboobo mulyeelete kubacita bweenka mbondamulwiita.

Dutolonomi 4:21

Ceebo ca ndimwe Mwaami Lesa, Lesa wanu wakankalalila akushomesha cakulumbila ayi teshi nkasubukeewo Mulonga wa Joodani akwinjila mucishi ca bulongo bubotu ico ncaatoomupa.

Dutolonomi 7:16

Mukanyonyoole mishobo ili yoonse Mwaami Lesa njeshi akaabe mumaansa anu. Mutakabanyumfwili nkumbu alimwi mutakalambili balesa babo, ceebo ico inga camucaisha.

Joshuwa 10:20

Aboobo Joshuwa alimwi abene Isilaeli bakabacaya boonse, nacibi kwaamba ayi baniini bakacaala bakaya mukushika kumandabalaabo anene acite malinga.

Joshuwa 10:28

Pabushiku ubo Joshuwa wakabwesa ndabala inene ya Makeda. Wakacaya bantu boonse bakalinga kwikalaamo. Taaku nabi womwi wakacaala kaali muumi. Mpeeke wakacita mwaami wa ndabala ya Makeda bweenka mbwaakacita mwaami wa kuJeliko.

Joshuwa 10:40

Ncakwiila Joshuwa wakakoma cishi coonse, kubikaawo acishi ca tulundu, Negefu, cishi ca tulundu tuniininiini twakumbo alimwi acishi ca munkunamo ya tulundu pantu pomwi abamaami ba nshisho. Taaku muntu nabi womwi wakapuluka. Wakanyonyoola bantu boonse kweelana abwakaamba Mwaami Lesa, Lesa wa bene Isilaeli.

Joshuwa 11:14

Mumandabala ayo, bene Isilaeli bakabwesamo buboni ashifubwa shoonse. Sombi bakacaya bantu boonse bakalinga kwikalaamo. Taaku muntu nabi womwi wakapuluka.

Joshuwa 6:24

Lyalo bakatenta ndabala inene iyo yoonse alimwi ashintu shoonse shakalingaamo, kukushakobo shintu sha silifa, golodi, bulonse alimwi asha nshimbi isho nshebakabika munkomwe ya buboni bwa Mwaami Lesa.

Joshuwa 8:25

Pabushiku ubo, basankwa abanakashi bakacaikwa bakalinga 12,000. Anu boonse bene Ai bakacaikwa.

Joshuwa 8:8

Mwamana kubwesa ndabala iyi, mwiiteente. Mulyeelete kucita bweenka bwaamba Mwaami Lesa. Anu iyi njemilasho yangu.”

Joshuwa 9:24

Mpeeke bakakumbula Joshuwa ayi, “Swebo sobasebenshi banu nkambo, twakanyumfwa cakutatonsha mbuli Mwaami Lesa, Lesa wanu mbwaakaambila Mose musebenshi wakwe ayi akamupe cishi coonse, alimwi ayi mukanooya cicaya baabo bekalaamo kunembo lyanu. Paceebo ceeci twakaloonda ayi inga mwaakutucaya. Anu nceceeco ncetwakacitila boobo.

Joshuwa 9:27

Bushiku ubo wakabalengesha kuba beshikutepa nkuni alimwi akutekela maanshi bene Isilaeli boonse akusebensa kucipaililo ca Mwaami Lesa. Kushikila asunu bene Gibyoni ngomulimo ngobacita kumusena uli woonse Mwaami Lesa ngweenga wasala.

Joshuwa 9:7

Sombi basankwa bene Isilaeli bakaamba ayi, “Nciinshi ncemusunini kwaamba ayi tupange cipangano amwebo? Mpashi mwebo mulekalabo pafwaafwi.”

1 Samwelo 15:3

Ono koya ukalwane bene Amaleki akunyonyoola shintu shoonse nshebacite cakumaninina. Kutashiya nabi comwi, ukacaaye basankwa, banakashi, banike, abakateta boonse, pantu pomwi aŋombe, mbelele, ngamela alimwi ambongolo shoonse.”