Dutolonomi 19:10 - Baibo Busansulushi Bwa Libuku Ili

¹⁰ Mukacite mbomunya ubo kwaamba ayi bantu batacite mulandu batakacaikwi alimwi ayi mutakabi amulandu wakutila bulowa mucishi ico Mwaami Lesa, Lesa wanu ncaatoomupa.

Dutolonomi 19:10 Marejeleo ya Msalaba

1 Baami 2:31

Solomoni wakamwaambila ayi, “Ucite bweenka bwaamba Joabu. Umucaaye akumufukila. Lyalo nebo abamulunyungu lwa bata taaku umwi weshi akanoocili mumulandu ceebo ca bantu mbwaakacaya batacite mulandu.

2 Baami 21:16

Manase wakacaya bantu baanji batacite milandu, abo bacite bulowa bwakalinga kukunka mumikwakwa ya muJelusalemu, kwiilika pabubi bwakutanjilila bene Juda ayi balambile shibumbwabumbwa ico cakalengesha ayi babishishe Mwaami Lesa.

2 Baami 24:4

Wakacaya bantu baanji abo batacite milandu muJelusalemu. Paceebo ceeco Mwaami Lesa taakwe kumulekelela.

Kulumbaisha 94:21

Balacatana kwaamba ayi babishe baluleme, akupingula ayi batacite milandu bacaikwe.

Tushimpi 6:17

Meenso acimeko, mulomo ubeca, Maansa atila bulowa bwa bantu batacite mulandu,

Isaya 59:7

Myeendo yabo njuubu abuumbi kweendela kucita bubi. Balicabeene abuumbi kuya mukucaya bantu batacite milandu. Miyeeyo yabo njibiibi cilensha boowa. Kunyonyoola abucayi nkokeshibilo ka nshila shabo.

Jowelo 3:19

“Cishi ca Ijipiti cilaakuba luyanga. Acalo cishi ca Edomu cilaakuba luyanga umo mutekaali bantu mukwiinga mishobo iyo yakalwana cishi ca Juda akucaya bantu ba ncico batacite mulandu.

Jona 1:14

Mpomunyaawo bakapaila kuMwaami Lesa ayi, “NoBaami baLesa, twaseenga mutatuleeki ayi tufwe mukwiinga twacaya muntu uyu utacite mulandu. Ceebo noBaami baLesa ndimwe mwalengesha ayi shoonse ishi shicitike.”

Shakubelenga 35:33

Mutabishi cishi ncemushiiteemo ceebo kucaya muntu kulabisha cishi. Cishi tacikoonshi kusalashikwa kweelana amulawo, sombibo na mucayi uyo alakwe wacaikwa.

Dutolonomi 19:13

Tamweelete kumunyumfwila nkumbu, sobwe. Mboboobo mbweshi mukanookusha bubi bwakucaya bantu batacite mulandu mucishi ca Isilaeli, kwaamba ayi shoonse shikanoomweendela kabotu.

Dutolonomi 26:1

“Ono na mukashike mucishi ico Mwaami Lesa, Lesa wanu ncaatoomupa akwikala mumo,

Dutolonomi 4:21

Ceebo ca ndimwe Mwaami Lesa, Lesa wanu wakankalalila akushomesha cakulumbila ayi teshi nkasubukeewo Mulonga wa Joodani akwinjila mucishi ca bulongo bubotu ico ncaatoomupa.

1 Samwelo 19:5

Mubone ndyaakacaya mwine Filisiti ulya, pakalinga alufu lwaakwe mwiine. Ono Mwaami Lesa wakalengesha bene Isilaeli kukoma munshila ikankamika. Mwebo nobeene ndimwakabona kukoma uko mwakasangalala abuumbi. Ono nceebonshi mutooyanda kubisha kwiinda mukucaya Defedi utacite mulandu?”