Dutolonomi 17:17 - Baibo Busansulushi Bwa Libuku Ili

¹⁷ Mwaami uyo teelete kweeba banakashi baanji mukwiinga inga bamulengesha kuswa kuMwaami Lesa. Teelete kuba asilifa alimwi agolodi uunji bunene, sobwe.

Dutolonomi 17:17 Marejeleo ya Msalaba

Neyemiya 13:26

Ndakabaambila ayi, “Sa te shikwati sha mushobo uyo nsheshakalengesha Solomoni mwaami wa bene Isilaeli kubisha. Taaku mwaami mushishi shafula wakalinga kweelenaakwe mubulemu. Solomoni wakalinga kusunikwi kuli Lesa wakwe, aboobo wakabikwa pabwaami bwa bene Isilaeli boonse. Nakubi boobo wakabisha ceebo ca banakashi baswamashi.

Mateyo 19:5

alimwi ayi, ‘Paceebo ceeco, musankwa ulaakushiya baishi abanyina akupankana amukaakwe. Lyalo bantu bobilo aba balaakuba mubili womwi.’

Kulumbaisha 62:10

Mutanooyeeya ayi kukonga kulacafwa, nabi kulisumpwita mushintu shakwiipa. Nabi bubile bwanu bwafula mutaciinki manungo muli mbubo.

Matalikilo 2:24

Paceebo ceeci musankwa ulaakushiya baishi abanyina akupaankana amukaakwe, lyalo balaba munyefu yomwi.

Malaki 2:15

Sa te Mwaami Lesa ngowakabapaankanya kuba mubili womwi? Mumubili amumuuya mbaakwe. Ino ceebonshi ngumubili womwi? Wakacita boobo ayi mube abaana bamulambila. Paceebo ceeci, amulilaame mubuumi bwanu kwaamba ayi kukabule nabi womwi eshi akabule kucita kweelana ambwaakalasha mukaakwe mutaanshi.

1 Timoti 6:17

Waambile bantu abo babile mushintu sha cishi ca panshi cino ayi batanoolisumpula akulangila mububile ubo bumana. Sombi balyeelete kulangila muli Lesa uyo utupa camaansa obilo shintu shoonse shitusangalasha.

1 Timoti 6:9

Sombi abo basunishi kubila balawita mumasunko akucatwa mutoose twa shiyanda mubili shiinji shabuluya alimwi shinyonyoola. Shintu isho shilabanjisha mukunyonyooka kwa buumi bwabo akuloba.

Luka 12:15

Lyalo Jesu wakaambila bantu abo ayi, “Amucenjele alimwi mulibaambe ayi mutabi bantu basunishi bubile. Ceebo buumi bwa muntu tabubete mukufula kwa buboni mbwaacite.”

Mateyo 13:22

Ono isho shakalokela pamyuumfwa mbantu abo banyumfwa maswi akwe Lesa, sombi shintu sha mucishi ca panshi, akusuna bubile, shilafulunganya maswi akwe Lesa, aboobo tabacati shisepo.

1 Baami 10:21

Nkomeshi shoonse shakwe Solomoni shakapangwa a golodi. Mbale shoonse shakalinga kubikwa muCipinda ca Musaansa wa Lebanoni shakapangwa agolodi wiine wiine. Taaku shakapangwawo asilifa mukwiinga ciindi ico cakwe Solomoni silifa teyakalinga kucite makwebo.

2 Samwelo 5:13

Ono Defedi ndyaakaswa muEbuloni akuya muJelusalemu, wakabwesa bakasuwa abamwi alimwi akweeba abamwi banakashi, abo bakamushalila baana abamwi basankwa abanakashi.

2 Samwelo 12:11

Ntookulwiitilisha kwaamba ayi ndaakulengesha womwi pakati ka bamuŋanda yako kuleta mapensho pali ndiwe. Ndakubwesa bamakaako akubapa shikamukobonyoko, mpeeke ulaakukumanaabo lumwi lubala webo omwiine koobweneeko.

1 Baami 10:27

Paciindi ndyaakalinga kulela, silifa teyakalinga kulangoolwa mundabala inene ya Jelusalemu. Yakalingabo pali poonse mbuli mabwe. Ashalo shisamu sha sida shakalingabo mbwee bweenka mbuli mikuyu munshaatulundu twine Juda.

2 Makani 1:15

Paciindi ndyaakalinga kulela, silifa teyakalinga kulangoolwa mundabala inene ya Jelusalemu. Yakalingabo pali poonse mbuli mabwe. Ashalo shisamu sha sida shakalingabo mbwee bweenka mbuli mikuyu.

2 Makani 11:21

Pantu pomwi wakalinga kweebete banakashi bali 18 kubikaawo abakasuwa bali 60. Wakashala baana basankwa bali 28 kubikaawo abaana banakashi bali 60. Pakati ka bamakaakwe boonse aba alimwi abakasuwa bakwe, Maaka ngwaakalinga kusunishi.

Tushimpi 31:3

Utanyonyooli nkusu shako shoonse kubanakashi alimwi utasoweeli maali ako kubaabo banyonyoola bamaami.

1 Makani 14:3

MuJelusalemu umo Defedi wakeeba banakashi abamwi alimwi wakashala baana basankwa abanakashi abamwi.