Dutolonomi 15:2 - Baibo Busansulushi Bwa Libuku Ili

² Mbweshi cikanooba mbulya. Wakakweletesha mwine Isilaelinyina woonse ulyeelete kumulekelela. Teelete kusesa nkongole iyo mukwiinga Mwaami Lesa, Lesa wanu mwiine ngowaamba ayi tayeelete kuseswa.

Dutolonomi 15:2 Marejeleo ya Msalaba

Neyemiya 10:31

Na baswamashi baleta bukwebo buli boonse kwaamba ayi tuule pabushiku bwakookesha bwa Cibelu nabi pabushiku bumwibo busalalite, teshi tunokuulaawo. Mumwaaka amwaaka wasanu ayobilo teshi tunoolimaawo myuunda yesu alimwi tunanoolekelela beshinkongole boonse mumwaaka uyu.

Isaya 58:3

“Baleepusha ayi, ‘Ceebonshi twakalikasha, kulya sombi mwebo nobaLesa cakutabona ncetwakalinga kucita? Ceebonshi twakalibombya pameenso anu, sombi mwebo cakutabikaako amaano?’ ” Mwaami Lesa wakumbula ayi, “Mwebo paciindi ndimulikasha kulya mulacita shimusangalasha akulita masuku basebenshi banu pamitwi.

Mateyo 6:12

Amutulekelele shibiibi shesu, bweenka mbotulekelela batubishisha.

Luka 7:42

Ndibakaalilwa kuboosha, boonse wakabalekelela. Ono pabantu bobilo balya, nguli eshi akasune bunene shikukweletesha?”

Dutolonomi 15:1

“Lyoonse kumeelelesho a mwaaka wasanu ayobilo, mulyeelete kulekelela bantu mbomwakakweletesha.

Dutolonomi 15:3

Muswamashi lakwe inga wamubooshesha, sombi kuteelesha kusesa mwine Isilaelinyinaanu.

Dutolonomi 31:10

Lyalo Mose wakabaambila ayi, “Lyoonse na peenda myaaka ili yosanwe ayobilo, mumwaaka wakulekelela nkongole mulyeelete kunoobelenga Milawo iyi, Munoobelengaamo paciindi cakusekelela kwa Shimpaka.

Jemusi 2:13

Ceebo Lesa teshi akanyumfwilewo nkumbu pakoombolosha muntu utanyumfwili nkumbu babye. Sombi abo banyumfwila nkumbu tabeelete kuloonda loombolosho lwakwe Lesa.