Dutolonomi 15:15 - Baibo Busansulushi Bwa Libuku Ili

¹⁵ Kamwiibaluka ayi amwebo mwakalinga basha mucishi ca Ijipiti, ono Mwaami Lesa, Lesa wanu ngowakamwaangulula. Nceceeco ncentoomupeta mulawo uyu sunu.

Dutolonomi 15:15 Marejeleo ya Msalaba

2 Samwelo 7:23

Sa pacishi ca panshi paliwo mushobo uli mbuli wa bene Isilaeli uyo wa bantu mbomwakafuna kuswa mubusha ayi babe bantu banu? Taapuuwo. Mwakabacitila shintu shikankamika isho shakalengesha liina lyanu kuya mpuwo mucishi ca panshi coonse. Mwakatanda mishobo imwi abalesa ba njiyo kuswa kunembo lya bantu banu. Ee, bantu abo mbomwakafuna kuswa mucishi ca Ijipiti ayi babe bantu banu.

Kulonga 20:2

“Ndime Mwaami Lesa, Lesa wanu nendakamukusha mucishi ca Ijipiti umo momwakalinga basha.

Isaya 51:1

Mwaami Lesa waamba ayi, “Amukutike nsheshi ŋambe mwebo nomusuni kupulushikwa, ee, mwebo nomwisa kuli ndime ayi mucaafwe. Amuyeeye mwaandami ulya ngomwakaswaako, muyeeye cikaanda ca mabwe akuyakisha nkondakamukaba.

Jelemiya 16:14

Lyalo Mwaami Lesa waamba ayi, “Nakubi boobo nshiku shilaakushikila bantu ndyeshi bakacileeke kulumbila ayi, ‘Bweenka mbocibete lushinisho ayi Mwaami Lesa, uyo wakakusha bene Isilaeli muIjipiti ngumuumi.’

Bene Efeso 1:7

Kwiinda mulufu lwakwe ndwaakalibenga, Jesu wakatwaangulula alimwi tulalekelelwa shibiibi shesu kwiinda mubulowa bwakwe. Ncakwiila luse lwakwe Lesa lulakankamika abuumbi,

Bene Efeso 2:12

Ono amuyeeye ayi paciindi ico mwakalinga bantu bateshi Klistu. Mwakalinga baswamashi batasalitwe aLesa. Temwakalingaako lubasu kushipangano Lesa nshaakapanga abantu bakwe isho shakalinga kwiimfwi pasheesho Lesa nshaakabashomesha. Mwakalinga kushiitebo mucishi ca panshi kwakubula ancemwakalinga kulangila, kamuteshi aLesa.

Bene Efeso 4:32

Sombi mulyeelete kucita shibotu kubantu, kunyumfwilana nkumbu alimwi akulekelelana bweenka Lesa mbwaakamulekelela kwiinda muli Klistu.

Dutolonomi 15:14

Mulyeelete kumupa shintu shimwi kuswa pasheesho Mwaami Lesa nshaakamupa camyoyo yoonse. Nkokwaamba ayi mbelele, shili anga ngamaila nabi waini.

Dutolonomi 15:16

“Sombi na musha uyo waamba mwiine ayi, ‘Nshisuni ayi muŋangulule’ ceebo cakwaamba ayi ulikusuni webo abamuŋanda yako, alimwi kaali kabotu,

Dutolonomi 16:12

Kamwiibaluka ayi mwakalinga basha mucishi ca Ijipiti. Anu milawo iyi mulyeelete kunooikonkela.

Taitasi 2:14

Lakwe uyo wakalibenga kutufuna kububi boonse akutusalasha kwaamba ayi tube bantu bakwe beene abo balibambite kucita shibotu.

1 Joni 3:16

Klistu wakaaba buumi ceebo ca ndiswe, munshila iyi tuleshiba lusuno mbolubete. Aboobo aswebo tulyeelete kwaaba buumi bwesu ceebo ca babyeesu.