Dutolonomi 15:10 - Baibo Busansulushi Bwa Libuku Ili

¹⁰ Mulyeelete kumupa amyoyo yoonse cakutatongooka. Mpeeke Mwaami Lesa ulaakumupa coolwe mumilimo yanu yoonse.

Dutolonomi 15:10 Marejeleo ya Msalaba

Tushimpi 22:9

Muntu shikwaaba ulaakupekwa coolwe ceebo ulaabana shakulya shakwe abakandu.

Shikushimikila 11:1

Bika maali mumakwebo ako aba kushishi shimwi. Paakwiinda nshiku shiinji ulaakucana mpindu.

Isaya 32:8

Sombi muntu ulemekwa ngooyo ushomeka, alimwi ushimpa mukusuminisha shiluleme.

Isaya 58:10

alimwi na beshinsala mwebo mukabapengele akucita shoonse shilila baabo balyatililwa. Lyalo mumuni wanu ulaakuboneka mumunshinshe. Awalo munshinshe wanu ulaakutubabo anga ngamalumwi lisuba ndyeliba pakati ka mutwi.

Mateyo 25:40

Lakwe Mwaami ulaakukumbula ayi, ‘Ntoomulwiita calushinisho ayi, ilyo lyoonse ndimwakacita sheeshi kuwomwi wa baaba bamakwesu bataaku mbobabete, ndime mwakalinga kucitila.’

Milimo ya Batumwi 20:35

Mushintu shoonse ndakamubonesha ayi kwiinda mukusebensa cankusu bweenka mbuli mbondakasebensa, inga twacafwa baabo batacite nkusu. Lyoonse kamwiibaluka maswi akaamba Mwaami Jesu ayi, ‘Kupa kulaleta shoolwe kwiinda kutambula.’ ”

Bene Loma 12:8

Na nkuyumya bashominyineesu, tulyeelete kucita bweenka ubo. Uyo woonse uteemi, ulyeelete kwaaba amoyo womwi. Na uli mutanjilili, ulyeelete kutanjilila cankusu alimwi na uli shinkumbu, ulyeelete kunyumfwila nkumbu cakusangalala.

Dutolonomi 14:19

“Shilongolo shoonse shuuluka alimwi sheendela kumyeendo yone tashisalalite kuli ndimwe, aboobo tasheelete kulikwa.

Dutolonomi 14:29

Shakulya ishi nsha bene Lefi mukwiinga balo taaku cipansha ca cishi ncebakapekwa, alimwi nsha baswamashi, bana banshiwa kubikaawo abamukalubinje banakashi bekala mumandabalaanu. Balyeelete kunoosa mukubwesa shoonse nshebasuni. Mukanoocita boobo kwaamba ayi Mwaami Lesa, Lesa wanu akamupe coolwe mumilimo yanu yoonse.

Dutolonomi 15:18

Citakanoomucisa pakwaangulula musha. Mulyeelete kwishiba ayi ncito njaacita mumyaaka yosanwe awomwi ileenda payeeyo musebenshi ulipilwa maali njaaelete kucita. Mukanoocita mbomunya ubo kwaamba ayi Mwaami Lesa, Lesa wanu akamupe coolwe mumilimo yanu yoonse.

Dutolonomi 15:4

“Nacibi boobo, pakati kanu teshi pakabe muntu mukandu nabi womwi. Mukwiinga Mwaami Lesa, Lesa wanu ulaakumupa coolwe cinene abuumbi mucishi ico ncaatoomupa,

Dutolonomi 23:20

Muswamashi inga wamubooshela ampindu, sombi kuteshi mwine Isilaelinyinaanu. Amukonkele mulawo uyu kwaamba ayi Mwaami Lesa, Lesa wanu akamupe coolwe pacintu cili coonse nceshi mukacite mucishi ico ncemutooya mukwikalaamo.

Dutolonomi 24:19

“Ono na mutootebula shakulya shanu, akulubako mulwi umwi mumuunda, tamweelete kuuboolela. Amushiile baswamashi, bana banshiwa alimwi abamukalubinje banakashi. Na mukacite boobo, Mwaami Lesa, Lesa wanu ulaakumupa coolwe mumilimo yanu yoonse.

Dutolonomi 28:8

“Mwaami Lesa, Lesa wanu ulaakumupa coolwe mushintu shoonse nsheshi mukanoocita akususha matala anu a shakulya shili anga ngamaila. Ulaakumupa coolwe mucishi ico ncaatoomupa.

Bene Ebulu 13:16

Mutaluubi kucita shibotu alimwi akucafwana ceebo iyi njemilambu isangalasha Lesa.

1 Pita 4:11

Uyo woonse ushimikila, ulyeelete kwaamba maswi akwe Lesa. Uyo woonse usebensa milimo mucoonde, ulyeelete kusebensa kweelana ankusu Lesa nshaamupa, kwaamba ayi mushintu shoonse Lesa alemekwe kwiinda muli Jesu Klistu. Bulemu ankusu nshakwe Jesu Klistu lyoonse alyoonse. Ameni.