Dutolonomi 14:26 - Baibo Busansulushi Bwa Libuku Ili

²⁶ Lyalo mukasebenseshe maali ayo kuula shintu shoonse nshemusuni, mbuli nyama ya ŋombe, ya mbelele, waini nabi bwalwa. Mpeeke mulyeelete kulya abamuŋanda yanu noonse kunembo lya Mwaami Lesa, Lesa wanu ayi musangalale.

Dutolonomi 14:26 Marejeleo ya Msalaba

Esila 7:22

Shintu ishi shilyeelete kushika kumakilogilamu a silifa ali 3,400, makilogilamu awiti ali 10,000, malita a waini ali 2,000, malita a mafuta a olifi ali 2,000 alimwi amwiinyo woonse uyandika.

Kulumbaisha 106:14

Muluyanga bakayewa shakulya abuumbi ee, muluyanga bakeelesha Lesa.

Shikushimikila 9:7

Kolya shakulya shako akusangalala, konwa waini wako amoyo wakusangalala mukwiinga cino nceciindi Lesa ndyaakondwa amicito yako.

Mateyo 21:12

Ono Jesu wakenjila muŊanda yakwe Lesa, akutandamo baabo boonse bakalinga kuulisha akuula. Wakapinoona matebulu a bantu bashikushinta maali ashuuna sha beshikuulisha mpolobe.

Maako 11:15

Jesu abashikwiiya bakwe ndibakashika muJelusalemu, Jesu wakenjila muŊanda yakwe Lesa akutalika kutandamo boonse abo bakalinga kuulisha akuula. Wakapinoona matebulu a bantu beshikushinta maali ashuuna sha beshikuulisha mpolobe.

1 Bene Kolinto 10:6

Ono shintu shoonse ishi nshitondesho kuli ndiswe shakutucenjesha kwaamba ayi tutasuni shintu shibiibi mbuli mbobakacita balo.

Dutolonomi 12:12

Mukanoosangalala pameenso a Mwaami Lesa, pantu pomwi abana banu, basebenshi banu alimwi abene Lefi bekala mumandabalaanu. Sombi mulyeelete kwishiba ayi bene Lefi teshi bakabe acishi cinebo beene, sobwe.

Dutolonomi 12:15

“Sombi mulyaangulukite kucaya akulya banyama banu kuli koonse nkweenga kamushiite. Mulakonsha kulya kweelana abuunji bwabaabo Mwaami Lesa mbwaatoomupa. Tacicite mulandu, muntu usalalite kweelana aMilawo nabi utasalalite, woonse inga walya, bweenka mbuli mbomulya ya konse nabi ya nalufwi.

Dutolonomi 12:18

Mwebo abana banu pantu pomwi abasebenshi banu alimwi abene Lefi bekala mumandabalaanu mulyeelete kulita shipo isho pameenso a Mwaami Lesa, Lesa wanu mumusena womwi uyo wakulambililaamo uyo mwiine ngwaakasala. Mulyeelete kusangalala pashintu shoonse nsheshi mukanoosebensela.

Dutolonomi 12:7

Lyalo mwebo abamumaandaanu, mulaakunoolya akusangalala mushintu shibotu isho nsheshi mukanoosebensela pameenso a Mwaami Lesa, Lesa wanu mukwiinga wamupa coolwe.

Dutolonomi 14:25

nkuulisha shalikumi shanu akutola maali kumusena womwi wa kulambililaako.

Dutolonomi 26:11

Mpeeke mwebo abana banu mulyeelete kusekelela pashintu shoonse Mwaami Lesa, Lesa wanu nshaamucitila. Bene Lefi alimwi abaswamashi mbomwikalaabo bakasekelele pantu pomwi amwebo.