Dutolonomi 14:21 - Baibo Busansulushi Bwa Libuku Ili

²¹ “Tamweelete kulya cintu cili coonse califwita. Mulakonsha kupa baswamashi mbomwikalaabo nabi kuulisha kubaswamashi bamwi. Sombi mwebo muli bantu basalalite ba Mwaami Lesa, Lesa wanu. “Tamweelete kuteleka mwanaampongo mumukupa wa banyina.

Dutolonomi 14:21 Marejeleo ya Msalaba

Kulonga 19:6

Mulaakuba bantu balibengetebo muli ndime neenka, alimwi mulaakusebenselabo ndime milimo ya bupailishi.”

Kulonga 22:30

Alimwi mulyeelete kumpa mwaana wakwiiya wa ŋombe alimwi awa mbelele. Amuleke mwaana musankwa wakwiiya wa shifubwa ekale amushashi kwanshiku shosanwe ashobilo, sombi pabushiku bwasanu ashotatwe mulyeelete kumubenga kuli ndime ayi ngumulambu.

Kulonga 23:19

“Lyoonse pamwaaka mulyeelete kuleta kuŋanda ya Mwaami Lesa, Lesa wanu shakulya shiinditeewo kupya kabotu nshemutaanguna kutebula. “Mutateleki kana ka mpongo mumukupa wa banyina.

Kulonga 34:26

“Lyoonse pamwaaka, mukanooleta shakulya shanu isho nsheenga mwataanguna kutebula kuŋanda ya Mwaami Lesa. “Mutateleki kana ka mpongo mumukupa wa banyina.”

Esekelo 4:14

Mpeeke ndakaamba ayi, “Citabi boobo noBaami baLesa Beshinkusu shoonse. Kuswa kubwanike bwangu kushika sunu, nebo nshina kulyaawo kale nyama yakulifwita nabi yakacaikwa abanyama bamuluundu. Mulomo wangu tauna kulyaawo kale nyama itasalalite kweelana aMilawo.”

Esekelo 44:31

Bapailishi tabeelete kulya muyuni na munyama wacanika walifwita nabi wacaikwa kubanyama bamuluundu.

Danyelo 12:7

Munjelo uyo wakalinga kufwete shakufwala sha nsalu iteshimite alimwi uyo wakalinga kwiimfwi peculu lya maanshi wakatambika maansa obilo oonse kwiculu. Lyalo ndakamunyumfwa kaashomesha cakulumbila muliina lyakwe Lesa waLyoonse alyoonse ayi, “Ciindi ico cilaakuba ca myaaka yotatwe amusa. Mapensho eshi akese pabantu bakwe Lesa aakumana, shintu shoonse ishi shilaakwiinda.”

Danyelo 8:24

Ulaakuba abulemu, sombi kuteshi kwiinda munkusu shakwe mwiine. Ulaakulengesha kunyonyooka kuyoosha akuswitilila mushintu shoonse nsheshi akacite. Ulaakunyonyoola beshinkusu alimwi abantu bakwe Lesa.

Bene Lefi 11:40

Alimwi na muntu umwi woonse walya cipansha ca munyama uyo cili coonse, ulyeelete kucapa shakufwala shakwe, nacibi boobo teshi akanoosalalite kushikila macolesha. Awooyo woonse weenga wanyamuna mutuntu uyo ulyeete kucapa shakufwala shakwe, sombi teshi akanoosalalite kushikila macolesha.

Bene Lefi 17:15

“ ‘Muntu uli woonse, mwine Isilaeli nabi muswamashi weenga walya nyama ya munyama wakalifwita nabi wakacaikwa kubanyama ba muluundu, ulyeelete kucapa shakufwala shakwe, kusamba pamubili akulindila kushikila macolesha ayi abe usalalite kweelana aMilawo.

Bene Lefi 22:8

Teelete kulya nyama ya munyama wakalifwita nabi wakacaikwa kubanyama bamuluundu mukwiinga inga yamulengesha kutanoosalalite. Nebo ndime Mwaami Lesa.

Milimo ya Batumwi 15:20

Sombi tulyeeletebo kubalembela nkalata yakubalwiita ayi tabeelete kulya shakulya shitasalalite ceebo nshipo shakapekwa kushibumbwabumbwa, kutacita cikololo, kutalya nyama shakashinwa alimwi abulowa.

Bene Loma 12:2

Bwikaalo bwanu butabi anga mbwa bantu ba mucishi ca panshi, sombi amusuminishe Lesa kwaamba ayi asandule myoyo yanu kwiinda mukumupa miyeeyo ipya. Lyalo ndyeshi mukeshibe kuyanda kwakwe Lesa, nkokwaamba ayi shintu shibotu, shimukondelesha alimwi shitacite kampenda.

Dutolonomi 14:2

Mwebo muli bantu ba Mwaami Lesa, Lesa wanu. Wakamusala ayi mube bantu bakwe mwiine kuswa pamishobo yoonse ya mucishi ca panshi.

Dutolonomi 14:20

Sombi inga mwalya shilongolo shimwi shuuluka shisalalite kweelana aMilawo.

Dutolonomi 7:6

Mukacite boobo ceebo muli bantu ba Mwaami Lesa, Lesa wanu, alimwi mulisalalite. Mwaami Lesa wakamusala ayi mube bantu bakwe kuswa pakati ka mishobo imwi yoonse ili pacishi ca panshi ipusenepusene.

1 Pita 1:16

Malembo akwe Lesa alaamba ayi, “Mulyeelete kuba bantu basalalite ceebo nebo ndisalalite.”