Dutolonomi 12:25 - Baibo Busansulushi Bwa Libuku Ili

²⁵ Na mukanookonkela mulawo uyu, Mwaami Lesa ulaakukondwa alimwi shintu shoonse shilaakunoomweendela kabotu pantu pomwi abamulunyungu lwanu.

Dutolonomi 12:25 Marejeleo ya Msalaba

1 Baami 11:38

Na ukanoonyumfwila camoyo woonse akukonkela milawo yangu alimwi akunsangalasha mukucita kweelana amilasho yangu bweenka bwaakacita Defedi musebenshi wangu, ndaakuba awebo kwalyoonse. Ndaakukupa bwaami bwa bene Isilaeli akulengesha bamulunyungu lwako kupyana bwaami bwako bweenka mbondakacita pali Defedi.

Kulumbaisha 112:2

Bana bakwe balaakuba ankusu shiinji mucishi, bamulunyungu lwakwe balaakupekwa coolwe.

Kulonga 15:26

Wakabaambila ayi, “Na munoonyumfwila amoyo woonse kwiinda mukucita nsheensuni alimwi akukonkela milawo amilasho yangu yoonse, teshi nkamuletelewo malwashi mbuli aayo ngondakaletela bene Ijipiti. Nebo ndime Mwaami Lesa uyo umushilika.”

Shikushimikila 2:26

Ncakwiila kuli wooyo usangalasha Lesa, lakwe ulapa busongo, lushibo alimwi akukondwa. Sombi kumucita shibi ulapa mulimo wakubunganya akusunga buboni kwaamba ayi akabupe wooyo usangalasha Lesa. Ici acalo taaku mbocibete, cilibo anga nkutandaanya muuwo.

Shikushimikila 8:12

Mucita shibi inga wacita milandu ili mwaanda akwikala buumi bulaamfu, nabi bamwi balaamba ayi, “Na muntu walemeka Lesa, shintu shoonse shilaakumweendela kabotu.

Isaya 3:10

Amulwiite baluleme ayi balo shintu shilaakunoobeendela kabotu. Ceebo balaakusangalala mumilimo ya maansaabo beene.

Esekelo 33:25

“Paceebo ceeco balwiite ayi nebo neMwaami Lesa Shinkusu shoonse ndaamba ayi, ‘Mwebo mulalya nyama icicite bulowa, mulalambila shibumbwabumbwa alimwi mulacaya bantu. Sa ubo ingayi mulyeelete kupekwa cishi?

Dutolonomi 12:24

Tamweelete kulya bulowa bwa banyama, sombi mulyeelete kubutila panshi anga ngamaanshi.

Dutolonomi 12:28

Anu shoonse nshendamulwiita mulyeelete kushikonkela amyoyo yanu yoonse, mpeeke shintu shoonse shilaakunoomweendela kabotu pantu pomwi abamulunyungu lwanu lyoonse alyoonse, mukwiinga mulaakunoocita ciluleme alimwi cikondelesha Mwaami Lesa, Lesa wanu.

Dutolonomi 13:18

kulilabo na mukanookonkela milawo yakwe yoonse iyo njendamulwiita sunu alimwi akucita nshaasuni.

Dutolonomi 21:9

Aboobo kwiinda mukucita bwakamwaambila Mwaami Lesa teshi mukapekwe mulandu wakucaya muntu utakwe kubisha.

Dutolonomi 4:40

Amukonkele milawo yoonse njendamupa sunu. Lyalo shintu shoonse shilaakumweendela kabotu kushikila akubamulunyungu lwanu. Alimwi mulaakutolelela kwikala mucishi ico Mwaami Lesa, Lesa wanu ncatoomupa ayi cibe caanu muyayaya.”

Dutolonomi 5:16

“ ‘Lemeka baiso abanyoko kweelana ambondakaamba nebo neMwaami Lesa, Lesa wanu ayi shintu shoonse shikakweendele kabotu alimwi ayi ukekale nshiku shiinji mucishi ico nebo neMwaami Lesa nceshi nkakupe.

Dutolonomi 5:33

Mukeekonkele yoonse kwaamba ayi shintu shinoomweendela kabotu, alimwi kwaamba ayi mutolelele kunooli boomi mucishi ico ncemutooya mukubwesa.

Dutolonomi 6:18

Amucite cintu Mwaami Lesa ncaamba ayi cililuleme alimwi ncibotu. Lyalo shintu shoonse shinanoomweendelabo kabotu. Mulaakukonsha kubwesa cishi ca bulongo bubotu ico Mwaami Lesa ncaakashomesha bamashali banu bakulukulu,