Dutolonomi 12:14 - Baibo Busansulushi Bwa Libuku Ili

¹⁴ Paceebo ceeci mukanoopetabo kumusena womwi uyo Mwaami Lesa ngweshi akasaale mucishi ca mukowa omwi pakati kanu. Aboobo kumusena weenkabo uyo nkweshi mukanoopeta milambu yanu yakutenta akucitila shintu shimwi shoonse nshendamulwiita.

Dutolonomi 12:14 Marejeleo ya Msalaba

1 Baami 12:27

Na bantu bangu banoociya mukubenga milambu kuŊanda ya Mwaami Lesa mundabala ya Jelusalemu, inga basandukila kuli Leoboamu mwaami wa bene Juda. Aboobo inga bancaya akuboolela mubwaami bwakwe.”

1 Baami 8:29

Kamulama Ŋanda yanu iyi mashiku amalumwi, kulama musena uyo ngomwakasala ayi tunoomulambililaamo. Kamunyumfwila na ndalanga kuŊanda yanu pakupaila.

2 Baami 18:22

Mutanjilili mwine Asilya wakatolelela kwaamba ayi, “Sa utooyanda kundwiita ayi Mwaami Lesa, Lesa wako ngooncinkitemo manungo? Sa teshi ngomwine misena yakulambililaako ya patulundu alimwi ashipaililo shakwe isho Esekiya nshaakanyonyoola ndyaakaambila bene Juda abene Jelusalemu kunoolambililabo kucipaililo ca kuJelusalemu?

1 Makani 22:1

Mpomunyaawo Defedi wakaamba ayi, “Apa peenka mpeshi pakabe Ŋanda yakwe Lesa pantu pomwi acipaililo ca milambu yakutenta ya bene Isilaeli boonse.”

Kulumbaisha 5:7

Sombi mulusuno lwanu lunene ndakonsha kwinjila muŊanda yanu, ndakonsha kulambila muŊanda yanu Isalalite, akukotamina ndimwe mukumulemeka.

Kulumbaisha 9:11

Amulumbaishe Mwaami Lesa uyo ulela muSiyoni, mwaambe milimo yakwe ikankamika kumishobo yoonse.

Bene Lefi 17:3

‘Mwine Isilaeli uli woonse ubengela ŋombe, mbelele nabi mpongo mumisumba nabi pansengwe,

Bene Lefi 17:4

mumusena wakubengela kumulyango wa Tente ya Cipangano ayi ngumulambu wabengwa kuli nebo neMwaami Lesa, wasotoka Milawo. Muntu uyo ingayi waba amulandu wakutila bulowa. Aboobo teshi akanoociyeeyelwa kuba mulikoto lya bantu bangu.

2 Bene Kolinto 5:19

Tutooshimikila ayi, kwiinda muli Klistu, Lesa utoolengesha bantu boonse kuboosha bushicibusa anguwe. Shibiibi shabo ulabalekelela akushilubaako. Watupa makani akwaamba ayi ulisuni bantu boonse kuba beshicibusa bakwe.

Dutolonomi 12:11

Mpomunyaawo Mwaami Lesa ulaakusala musena womwi uko nkweshi mukanoomulambilila, alimwi nkomunya uko nkomweelete kunoomuletela shintu shoonse nshendamulwiita. Nkokwaamba ayi milambu yakutenta amilambu imwibo, pantu pomwi acalikumi alimwi ashipo shimwi nshemushomesha cakulumbila kupa Mwaami Lesa.

Dutolonomi 12:13

Anu tamweelete kupeta milambu yanu kumusena uli woonse ngomwasuna.

Dutolonomi 12:15

“Sombi mulyaangulukite kucaya akulya banyama banu kuli koonse nkweenga kamushiite. Mulakonsha kulya kweelana abuunji bwabaabo Mwaami Lesa mbwaatoomupa. Tacicite mulandu, muntu usalalite kweelana aMilawo nabi utasalalite, woonse inga walya, bweenka mbuli mbomulya ya konse nabi ya nalufwi.

Dutolonomi 12:18

Mwebo abana banu pantu pomwi abasebenshi banu alimwi abene Lefi bekala mumandabalaanu mulyeelete kulita shipo isho pameenso a Mwaami Lesa, Lesa wanu mumusena womwi uyo wakulambililaamo uyo mwiine ngwaakasala. Mulyeelete kusangalala pashintu shoonse nsheshi mukanoosebensela.

Dutolonomi 12:5

Pakati ka shipansha sha shishi mweshi mukanooli mikowa yanu yoonse, Mwaami Lesa ulaakusala musena womwi, uko bantu nkweshi bakanoosa mukumulambilila.

Dutolonomi 14:23

Kuswawaawo mukaye kumusena womwi uyo Mwaami Lesa, Lesa wanu ngweshi akasaale ayi nkokwakumulambilila. Nkomunya uko, mukalye shipansha shanu shalikumi sha shili anga ngamaila, waini, mafuta a olifi, kubikaawo abaana ba ŋombe aba mbelele bakwiiya. Mukanoocita boobo kwaamba ayi mukeeye kulemeka Mwaami Lesa, Lesa wanu lyoonse.

Dutolonomi 15:20

Sombi mumwaaka womwi awomwi, mwebo abamumaandaanu mulakonsha kunoolya shifubwa ishi pameenso aMwaami Lesa, Lesa wanu kumusena womwi uyo wakulambililaako.

Dutolonomi 16:2

Mukanooya kumusena womwi wa kulambililaako akucaya ŋombe nabi mbelele nkomunya uko, ayi nja bushiku bwa Pasika mukulemeka Mwaami Lesa, Lesa wanu.

Dutolonomi 17:8

“Ono na kwaba milandu iyumu itakoonshi koomboloshekwa munkuta shanu, mbuli ya kucaya muntu, kulwanina buboni nabi ya kucisa muntu mukeetole kumusena womwi wakulambililaako uyo Mwaami Lesa, Lesa wanu ngweshi akasaale.

Dutolonomi 18:6

“Paceebo ceeci mwine Lefi uli woonse usuni inga walonga kuswa mundabala ili yoonse mucishi ca Isilaeli kuya kumusena womwi wakulambililaako,

Dutolonomi 31:11

Mukanoobelengela bene Isilaeli boonse na besa mukulambila Mwaami Lesa, Lesa wanu kumusena womwi wakulambililaako uyo Mwaami Lesa ngweshi akasaale.

Bene Ebulu 13:15

Paceebo ceeco kwiinda muli Jesu, atulumbaishe Lesa lyoonse kwaamba ayi kube mulambu wesu, nditulyaambilila ayi nguMwaami wesu.

Joshuwa 22:29

Ono tatutookwaashukila Mwaami Lesa nabi kumufutatila napaceyi kwiinda mukuliyakila cipaililo ayi tunoobengelaawo milambu yakutenta, shipo sha fulaulo alimwi amilambubo imwi, kuleka ceeco ca Mwaami Lesa, Lesa wesu, ico ciyakitwe kunembo lya Tente yakwe ya Cipangano.”

Joshuwa 9:27

Bushiku ubo wakabalengesha kuba beshikutepa nkuni alimwi akutekela maanshi bene Isilaeli boonse akusebensa kucipaililo ca Mwaami Lesa. Kushikila asunu bene Gibyoni ngomulimo ngobacita kumusena uli woonse Mwaami Lesa ngweenga wasala.