Dutolonomi 12:11 - Baibo Busansulushi Bwa Libuku Ili

¹¹ Mpomunyaawo Mwaami Lesa ulaakusala musena womwi uko nkweshi mukanoomulambilila, alimwi nkomunya uko nkomweelete kunoomuletela shintu shoonse nshendamulwiita. Nkokwaamba ayi milambu yakutenta amilambu imwibo, pantu pomwi acalikumi alimwi ashipo shimwi nshemushomesha cakulumbila kupa Mwaami Lesa.

Dutolonomi 12:11 Marejeleo ya Msalaba

1 Baami 12:27

Na bantu bangu banoociya mukubenga milambu kuŊanda ya Mwaami Lesa mundabala ya Jelusalemu, inga basandukila kuli Leoboamu mwaami wa bene Juda. Aboobo inga bancaya akuboolela mubwaami bwakwe.”

1 Baami 8:13

Ono ndayaka Ŋanda yanu ibotu abuumbi, musena uyo ngomweelete kwikalaamo kwamuyayaya.”

1 Baami 8:16

‘Kuswa bushiku ndindakakusha bantu bangu muIjipiti, nshina kusalaawo ndabala imwi mucishi coonse ca Isilaeli umo mweenga mwayakilwa ŋanda yangu ayi munoonambililaamo. Sombi ndakasalabo ndiwe Defedi ayi ulele bantu bangu.’ ”

1 Baami 8:29

Kamulama Ŋanda yanu iyi mashiku amalumwi, kulama musena uyo ngomwakasala ayi tunoomulambililaamo. Kamunyumfwila na ndalanga kuŊanda yanu pakupaila.

2 Baami 18:22

Mutanjilili mwine Asilya wakatolelela kwaamba ayi, “Sa utooyanda kundwiita ayi Mwaami Lesa, Lesa wako ngooncinkitemo manungo? Sa teshi ngomwine misena yakulambililaako ya patulundu alimwi ashipaililo shakwe isho Esekiya nshaakanyonyoola ndyaakaambila bene Juda abene Jelusalemu kunoolambililabo kucipaililo ca kuJelusalemu?

1 Makani 22:1

Mpomunyaawo Defedi wakaamba ayi, “Apa peenka mpeshi pakabe Ŋanda yakwe Lesa pantu pomwi acipaililo ca milambu yakutenta ya bene Isilaeli boonse.”

2 Makani 6:20

Kamulama Ŋanda yanu iyi mashiku amalumwi ceebo mwakashomesha ayi mumusena uyu mweshi mukanoolambililwa. Kamunyumfwila na ndalanga kuŋanda yanu pakupaila.

2 Makani 7:12

Mwaami Lesa wakaboneka kuli nguwe mashiku akumwaambila ayi, “Ndanyumfwa mupailo wako alimwi ndasumina kwaamba ayi Ŋanda iyi ibe musena mweshi munoobengela milambu kuli ndime.

Esila 6:12

BaLesa, abo bakasala Jelusalemu kwaamba ayi ube musena wakubalambililaamo, bakakome mwaami uli woonse nabi mushobo uyo weshi ukakake kukonkela mulawo uyu akweelesha kunyonyoola Ŋanda yakwe Lesa iyi. “Nebo neDalyasi, ndapa mulawo uyu alimwi ulyeelete kukonkelwa camaansa obilo.”

Kulumbaisha 100:2

Amulambile Mwaami Lesa cakukondwa. Kamwisa pameenso akwe akwiimba cakusangalala.

Kulumbaisha 116:17

Ndaakubenga mulambu wakulumba kuli ndimwe alimwi akupaila muliina lyanu noBaami baLesa.

Kulumbaisha 66:13

Aboobo ndaakuleta milambu yakutenta kuŊanda yanu. Alimwi ndaakumupa shoonse nshendakashomesha cakulumbila.

Kulumbaisha 78:68

Sombi wakasala mukowa wa bene Juda, alimwi wakasala Kalundu ka Siyoni ako nkaakalinga kusuni.

Kulonga 25:8

Bantu balyeelete kunjakila Tente isalalite kwaamba ayi nkekaale pakati lyabo.

Kulonga 29:45

Lyalo ndaakwikala pakati ka bene Isilaeli akuba Lesa wabo.

Jelemiya 7:12

“Ono kamuya kuShilo, musena uyo ngondakataanguna kusala ayi noolambililwaako akubona ncendakacita ceebo ca bubi bwa bantu bangu bene Isilaeli.

Bene Lefi 17:4

mumusena wakubengela kumulyango wa Tente ya Cipangano ayi ngumulambu wabengwa kuli nebo neMwaami Lesa, wasotoka Milawo. Muntu uyo ingayi waba amulandu wakutila bulowa. Aboobo teshi akanoociyeeyelwa kuba mulikoto lya bantu bangu.

Dutolonomi 12:13

Anu tamweelete kupeta milambu yanu kumusena uli woonse ngomwasuna.

Dutolonomi 12:14

Paceebo ceeci mukanoopetabo kumusena womwi uyo Mwaami Lesa ngweshi akasaale mucishi ca mukowa omwi pakati kanu. Aboobo kumusena weenkabo uyo nkweshi mukanoopeta milambu yanu yakutenta akucitila shintu shimwi shoonse nshendamulwiita.

Dutolonomi 12:18

Mwebo abana banu pantu pomwi abasebenshi banu alimwi abene Lefi bekala mumandabalaanu mulyeelete kulita shipo isho pameenso a Mwaami Lesa, Lesa wanu mumusena womwi uyo wakulambililaamo uyo mwiine ngwaakasala. Mulyeelete kusangalala pashintu shoonse nsheshi mukanoosebensela.

Dutolonomi 12:21

Na musena womwibo wa kulambililaako uli kulaale bunene, lyalo na mwasuuna nobeene, inga mwacaya ŋombe nabi mbelele ili yoonse Mwaami Lesa njeenga wamupa, alimwi akulita nyama iyo kuŋanda, kweelana ambondamulwiita.

Dutolonomi 12:26

Amukatole shipo shanu ashintu shimwi nshemwakashomesha cakulumbila kupa Mwaami Lesa kumusena womwi uyo wakulambililaako ngweshi akasaale.

Dutolonomi 12:5

Pakati ka shipansha sha shishi mweshi mukanooli mikowa yanu yoonse, Mwaami Lesa ulaakusala musena womwi, uko bantu nkweshi bakanoosa mukumulambilila.

Dutolonomi 14:23

Kuswawaawo mukaye kumusena womwi uyo Mwaami Lesa, Lesa wanu ngweshi akasaale ayi nkokwakumulambilila. Nkomunya uko, mukalye shipansha shanu shalikumi sha shili anga ngamaila, waini, mafuta a olifi, kubikaawo abaana ba ŋombe aba mbelele bakwiiya. Mukanoocita boobo kwaamba ayi mukeeye kulemeka Mwaami Lesa, Lesa wanu lyoonse.

Dutolonomi 15:19

“Baana basankwa bakwiiya ba ŋombe aba mbelele mukababike palubasu ayi mba Mwaami Lesa, Lesa wanu. Tamweelete kusebensesha ŋombe ishi nabi kucesa mbelele ishi booya.

Dutolonomi 15:20

Sombi mumwaaka womwi awomwi, mwebo abamumaandaanu mulakonsha kunoolya shifubwa ishi pameenso aMwaami Lesa, Lesa wanu kumusena womwi uyo wakulambililaako.

Dutolonomi 17:8

“Ono na kwaba milandu iyumu itakoonshi koomboloshekwa munkuta shanu, mbuli ya kucaya muntu, kulwanina buboni nabi ya kucisa muntu mukeetole kumusena womwi wakulambililaako uyo Mwaami Lesa, Lesa wanu ngweshi akasaale.

Dutolonomi 18:6

“Paceebo ceeci mwine Lefi uli woonse usuni inga walonga kuswa mundabala ili yoonse mucishi ca Isilaeli kuya kumusena womwi wakulambililaako,

Dutolonomi 23:16

Ulakonsha kwikala mundabala yanu ili yoonse njaasuni, alimwi kutaba alunkutwe kuli nguwe.

Dutolonomi 26:2

noonse womwi awomwi ulyeelete kubwesa mutaanga akulongelamo shilimwa shoonse nsheshi mukataangune kutebula mubulongo buli mucishi ico Mwaami Lesa, Lesa wanu ncaatoomupa. Lyalo mukatole kumusena womwi wakulambililaako uko Mwaami Lesa nkweshi akasaale.

Dutolonomi 31:11

Mukanoobelengela bene Isilaeli boonse na besa mukulambila Mwaami Lesa, Lesa wanu kumusena womwi wakulambililaako uyo Mwaami Lesa ngweshi akasaale.

Joshuwa 18:1

Mpomunyaawo bene Isilaeli boonse bakabungana kuShilo alimwi akuyaka Tente ya Cipangano nkomunya uko. Cishi bakacibwesa,

Joshuwa 22:11

Bene Isilaeli bamwi boonse bakanyumfwa ayi bakayaka cipaililo kulubasu lwabo mumanyinsa a Kenani kuGeliloti pafwaafwi aJoodani.

Joshuwa 22:16

“Likoto lya Mwaami Lesa limwi lyoonse lyaamba ayi, ‘Ino mwasowa buyani lushomo kuli Lesa wa bene Isilaeli munshila iyi? Mwaashukila Mwaami Lesa kwiinda mukuliyakila cipaililo ici, alimwi mwapambuka munshila yakwe.

Joshuwa 22:23

Na twaliyakila cipaililo sobeene ayi tufutatile Mwaami Lesa, alimwi ayi tunoobengelaawo milambu yakutenta, shipo sha fulaulo, nabi milambu ya bwanabwankashi, Mwaami Lesa mwiine atupe mulandu.

Joshuwa 22:27

sombi ayi cibe kamboni pakati kesu amwebo alimwi abaabo beshi bakabeeko kunembo, kwaamba ayi tulaakunoolambila Mwaami Lesa kumusena wakwe usalalite akuleta nkuko milambu yakutenta, milambu imwi alimwi aya bwanabwankashi. Lyalo kunembo bamulunyungu lwanu teshi bakanokwaambila beesu ayi, ‘Tamubeteko lubasu kuMwaami Lesa.’

Joshuwa 22:29

Ono tatutookwaashukila Mwaami Lesa nabi kumufutatila napaceyi kwiinda mukuliyakila cipaililo ayi tunoobengelaawo milambu yakutenta, shipo sha fulaulo alimwi amilambubo imwi, kuleka ceeco ca Mwaami Lesa, Lesa wesu, ico ciyakitwe kunembo lya Tente yakwe ya Cipangano.”

Joshuwa 9:27

Bushiku ubo wakabalengesha kuba beshikutepa nkuni alimwi akutekela maanshi bene Isilaeli boonse akusebensa kucipaililo ca Mwaami Lesa. Kushikila asunu bene Gibyoni ngomulimo ngobacita kumusena uli woonse Mwaami Lesa ngweenga wasala.

1 Samwelo 1:21

Ciindi cakashikila alimwi cakwaamba ayi Elikana abamuŋanda yakwe baye kuShilo mukubenga mulambu kuMwaami Lesa wa pamwaaka amulambu umwi upanseene uyo ngwaakashomesha.