Dutolonomi 11:25 - Baibo Busansulushi Bwa Libuku Ili

²⁵ Taaku muntu uli woonse weshi akamukaashe. Mwaami Lesa, Lesa wanu ulaakulengesha bantu kumuloonda kuli koonse nkweshi mukaye mucishi ico coonse, bweenka mbwaakashomesha.

Dutolonomi 11:25 Marejeleo ya Msalaba

1 Makani 14:17

Lyalo Defedi wakaya mpuwo mushishi shoonse alimwi Mwaami Lesa wakalengesha mishobo yoonse kumuloonda.

Kulonga 23:27

“Ndaakulengesha bantu beshi bakamulwaane kunoonda. Ndaakuleta shimfulunganya pabantu mbweshi mukanoolwanaabo alimwi akulengesha ayi balwani banu boonse bakanoomuloonda akucica.

Dutolonomi 2:25

Kuswa sunu ntoolengesha mishobo yoonse pacishi ca panshi kutalika kumuloonda. Bantu boonse bananootutuma kuboowa pakubandabo liina lyanu.’

Dutolonomi 7:24

Ulaakwaaba bamaami babo mumaansa anu. Mulaakubacaya alimwi akulobya meenaabo. Taaku eshi akakonshe kumukoma. Ncakwiila mulaakubanyonyoola boonse.

Joshuwa 1:5

Anu webo Joshuwa, taaku weshi akakukomeewo mubuumi bwako boonse. Ndaakunooli awebo kweelana ambondakalinga aMose. Teshi nkakushiyeewo nabi kukusuula.

Joshuwa 2:9

akubaambila ayi, “Ndishi ayi Mwaami Lesa wakamupa cishi cino. Boonse bantu bekala mucishi cino baliloondete abuumbi ceebo ca ndimwe.

Joshuwa 5:1

Ono bamaami boonse bene Amoli kumbo lya Joodani, alimwi abamaami bene Kenani muloombe lwa Lweenge lwa Mediteleniyani bakanyumfwa ayi Mwaami Lesa wakayumya Mulonga wa Joodani kushikila bene Isilaeli boosubuka. Mpeeke boonse bakaloonda abuumbi ankusu shoonse shakulwana abene Isilaeli shakabula.