Dutolonomi 11:15 - Baibo Busansulushi Bwa Libuku Ili

¹⁵ alimwi abwiisu bwa shifubwa shanu. Mulaakuba ashakulya shoonse nshemusuni.

Dutolonomi 11:15 Marejeleo ya Msalaba

1 Baami 18:5

Obadiya ndyaakashika, Aabu wakamwaambila ayi, “Tiya tukabone mutuntupu amuya mulonga moonse kwaamba ayi tubone na inga twakacanaawo bwiisu buunji bwakwaamba ayi maaki ashifubwa shili anga nimbongolo shitafwi kunsala. Mpashi teshi tukacaye shifubwa shesu nabi comwi.”

Kulumbaisha 104:14

Mulalengesha mweemfu wakulya ŋombe kukula alimwi ashishango isho bantu nshebalima kwaamba ayi kuswa mubulongo bacane shakulya,

Jelemiya 14:5

Alakwe nakasha muluundu washiya kaana kaswa mukushalikwa ceebo cakubula bwiisu.

Jowelo 1:18

Ŋombe shitoolila kunsala ceebo mumafulo a nshisho taamu bwiisu. Ashalo mbelele shapenga abuumbi.

Jowelo 2:19

Mwaami Lesa ulaakubakumbula ayi, “Ono bulya ndaakumupa shili anga ngamaila, waini amafuta a olifi. Lyalo mwebo mulaakukuta. Ncakwiila mishobo imwi teshi ikamusebaanyeewo.

Jowelo 2:22

Nobanyama ba muluundu mutaloondi. Mafulo asonsa mweemfu. Shisamu shatalika kucata shisepo alimwi shisamu sha nkuyu asha minyansa shacata shisepo shiinji.

Jowelo 2:26

Mulaakulya shiinji akukuta. Ncakwiila mulaakunumbaisha nebo neMwaami Lesa, Lesa wanu uyo wakamucitila shintu shikankamika. Mwebo nobantu bangu teshi mukasebaanishikweewo tubili.

Bene Lefi 26:5

Shakulya shanu shilaakufula cakwaamba ayi paciindi cakuyapa minyansa, mwebo mulaakunoocitebula shili anga ngamaila, apalo paciindi cakushanga shakulya, mulaakunoocilongelabo minyansa. Mulaakuba ashakulya shoonse nshemusuni alimwi mulaakunokala kabotu mucishi canu ico.

Agayi 1:6

Mwakalima shili anga ngamaila shiinji, sombi mwakatebulamobo shiniini. Mulicite shakulya, sombi tashikwani ayi mukute. Mulicite waini, sombi nyotwa taimaani. Mulicite shakufwala, sombi teshi shiinji cakumukasaasha. Muntu uyo usebensa taafoli amaali akwana kulyaamo.

Dutolonomi 6:11

Maanda alaakunooswitebo shintu shiinji shibotu nshemutakwe kubikaamo mwebo. Mulaakuba amikalo ikabitwe kale, myuunda ya minyansa aya maolifi mwebo njemutakwe kulima. Ono Mwaami Lesa aakumwinjisha mucishi ico, umo mweshi mukabe ashoonse nshemusuni kulya,

Dutolonomi 8:10

Mulaakuba ashintu shoonse nshemusuni kulya alimwi mulaakulumba Mwaami Lesa ceebo cakumupa cishi cicite bulongo bubotu ico.