Danyelo 9:27 - Baibo Busansulushi Bwa Libuku Ili

²⁷ Muleli uyo ulaakuba acipangano ciyumu abantu baanji kwamyaaka ili 7. Musa wa ciindi ico waakwiinda, ulaakukasha kubenga milambu akupa shipo. Mpeeke ulaakubika Cintu cilya Ciloondesha pakansunswa ka ciluli ca Ŋanda yakwe Lesa alimwi cilaakunooli waawo kushikila uyo wakacibikaawo akanyonyoolwe kweelana akubamba kwakwe Lesa.”

Danyelo 9:27 Marejeleo ya Msalaba

Isaya 28:15

Mulalisumpula ayi, “Swebo twapaanga cipangano alufu, ncakwiila twasuminishanya amusena wa bafu. Nabi shiyoosha shatupolela, taaku nceenga shatucitaawo. Ceebo mububeshi momuli ciyubilo cesu, ee, mukubeca motuyubila.”

Isaya 28:22

Ono anu amucileeke kucelebula, kwabula boobo ncetani shanu shitoolemenaawo. Nebo Mwaami Lesa, Mwaami Lesa Shinkusu shoonse wandwiita, ee, wandwiita shakunyonyoola nkwaabambite pacishi cino coonse.

Isaya 42:6

“Nebo neMwaami Lesa ndakwiita kwaamba ayi ulete koombolosha cakutanyengelela. Ndakucatilila palyaansa akukulama kabotu. Ndakusala kwaamba ayi ube cipangano kubantu, akwaamba ayi ube mumuni kubaswamashi.

Isaya 53:11

Pesule lyakumana kupenga kwakwe uko, mpindu ya buumi ulaakwiibona akukondwa. Musebenshi wangu uyo ulaakulengesha baanji kululama kwiinda mulushibo ndwaacite alimwi ulaakubwesa shibiibi shabo.

Isaya 55:3

“Amuteye matwi kuli ndime akupilukila kuli ndime. Amunkutike kwaamba ayi mube abuumi. Lyalo ndaakupangana amwebo cipangano calyoonse alyoonse. Ndaakumutondesha lusuno lwangu lutamaani kweelana ambondakashomesha Defedi.

Jelemiya 7:30

Mwaami Lesa waamba ayi, “Bene Juda bacita shintu shibiibi pameenso angu. Bakabika shibumbwabumbwa shabo shilensha bunya muŊanda yangu akwiibisha.

Danyelo 11:31

Bashilumamba bakwe bamwi beshi bakanoocite shilwanisho balaakuya mukulengesha Ŋanda yakwe Lesa kutanoosalalite. Balaakukasha akubenga milambu ya bushiku abushiku. Mpeeke balaakwiimika Cintu cilya Ciloondesha.

Danyelo 11:36

“Mwaami wa bene Silya ulaakucita cili coonse ncaasuni. Ulaakulisumpula akulipa bulemu kwiinda pabalesa boonse alimwi ulaakucobola aLesa Wiindaawo pabalesa boonse. Ulaakucita boobo kushikila ciindi ca bukali bakwe Lesa cikeende mukwiinga Lesa ulaakucita ceenka ico ncaakayeeya.

Danyelo 12:11

“Kuswa paciindi ico kubenga milambu ya bushiku abushiku yaakukashikwa kushikila paciindi Cintu cilya Ciloondesha ndyeshi cikeemikwe, palaakwiinda nshiku shili 1,290

Danyelo 7:25

Mwaami uyo ulaakunokwaamba shintu shakulwana Lesa wa kwiculu Wiindaawo akupensha bantu bakwe Lesa. Ulaakweelesha kusandula nshiku shakusekelela shibambitwe alimwi aMilawo yakwe Lesa. Bantu basalalite bakwe Lesa balaakuba mumaansaakwe kwamyaaka yotatwe amusa.

Danyelo 8:13

Lyalo ndakanyumfwa usalalite umwi kaamba aumwi usalalite wakamwaambila ayi, “Citooba ciindi cilaamfu buyani cili anga nciloto ici kacitana kucitika cancinencine? Citooba ciindi cilaamfu buyani bubi ubo bulensha bunya kabushinkila kubengwa kwa milambu ya bushiku abushiku? Citooba ciindi cilaamfu buyani likoto lya nyenyeenshi sha kwiculu kalilyatililwa pantu pomwi aŊanda yakwe Lesa?”

Osiya 3:4

Munshila njemunya iyo bene Isilaeli balaakwikala ciindi cilaamfu kwakubula bamaami nabi bamatanjilili, milambu nabi mabwe asalalite, shibumbwabumbwa nabi shakusondesha.

Mateyo 24:15

“Aboobo, na mukabone Cintu cilya Ciloondesha ico ncaakaamba mulaluki mukulukulu Danyelo, kaciimfwi paMusena Usalalite (utoobelenga anyumfwishishe),

Mateyo 26:28

mukwiinga ubu mbulowa bwangu bwa cipangano cipya, bweshi bukatiilwe kwaamba ayi baanji balekelelwe shibiibi shabo.

Mateyo 27:51

Paciindi ceenka ico, cisani cakalinga kushitilisha muŊanda yakwe Lesa, cakakwaamuka pakati, kuswa peculu apanshi. Cishi cakatenkaana amabwe akapasuka.

Maako 13:14

“Na mukabone Cintu cilya Ciloondesha ico cibisha kaciimfwi pamusena mpociteelete kuba, (utoobelenga anyumfwishishe), lyalo abo bali kuJudeya bakacicile kutulundu.

Luka 21:20

“Mwaakubona ayi ndabala inene ya Jelusalemu yashingulukwa abashilumamba, mukeshibe ayi kunyonyoolwa kwa njiyo kuli pafwaafwi.

Luka 21:24

Bamwi balaakuyaswa amipeeni alimwi balaakutolwa busha kushishi shimwi. Lyalo Jelusalemu ilaakulyatoolwa abaswamashi bakunsengwe kushikila ciindi cabo cikamaane.

Bene Loma 11:26

Anu mboboobo Lesa mbweshi akapulushe bene Isilaeli boonse. Bweenka bwaamba Malembo akwe Lesa ayi, “Mupulushi ulaakuswa kuSiyoni, alimwi ulaakulekelela bubi boonse bwa bene Isilaeli.

Bene Loma 5:15

Nakubi boobo bantu bobilo aba balipusene ceebo cipo cakwe Lesa taceelene acibiibi cakacita Adamu. Ndushinisho kwaamba ayi bantu baanji bakafwa ceebo ca muntu womwi uyo. Sombi luse lwakwe Lesa acipo cakwe shileendaawo mukwiinga shilaletela bantu baanji shoolwe kwiinda muluse lwakaboneka mumuntu womwi, Jesu Klistu.

Bene Loma 5:19

Ncakwiila bweenka mbuli bantu boonse mbobakaba bamucita shibi ceebo cakutanyumfwila Lesa kwa muntu womwi, mbomunya ubo bantu boonse mbobalulamikwa ceebo cakunyumfwila Lesa kwa muntu womwi, Jesu Klistu.

Bene Ebulu 9:28

Mbweeke ubo alakwe Klistu wakabengwa ayi acaikwe linkanda lyomwibo ndondoli kwaamba ayi shibiibi sha bantu baanji shilekelelwe. Ulaakuboneka lwabili, ono teshi akeshiite kulekelela shibiibi sha bantu, sombi ulaakwisa mukupulusha baabo batoomulindila.