Danyelo 9:26 - Baibo Busansulushi Bwa Libuku Ili

²⁶ Kumeelelesho a ciindi ico, Mutanjilili Usalitwe wakwe Lesa ulaakucaikwa kwakubula mulandu. Lyalo ndabala iyo aŊanda yakwe Lesa shilaakunyonyoolwa alikoto lya bashilumamba ba muleli ucite nkusu shiinji. Meelelesho a nshisho alaakupolabo anga ngamaanshi asefuka kuswa mumulonga. Nkondo akunyonyoolwa isho Lesa nshaakabamba, shilaakutolelela tibili akumeelelesho ayo.

Danyelo 9:26 Marejeleo ya Msalaba

2 Samwelo 21:5

Lyalo bakakumbula mwaami Defedi ayi, “Saulo wakalinga kuyanda kutucaya soonse cakutashiyaawo nabi womwi pakati kesu muno mucishi ca Isilaeli.

Kulumbaisha 22:15

Mukanwa mwangu mwayuma nta anga ncikula, awalo mulaka wangu wacatilila kwiculu. Mwebo mwandekelesha ayi ndifwiite mulusuko.

Isaya 28:2

Amubone Mwaami Lesa ulicite muntu shinkusu muyumu. Ulaakwisa anga nimfula ya mabwe alimwi ya muuwo unyonyoola. Ulaakwisa anga ngamaanshi asefuka akukokolola shoonse. Muntu uyo ulaakushindikila bene Efuleemu panshi cankusu.

Isaya 28:22

Ono anu amucileeke kucelebula, kwabula boobo ncetani shanu shitoolemenaawo. Nebo Mwaami Lesa, Mwaami Lesa Shinkusu shoonse wandwiita, ee, wandwiita shakunyonyoola nkwaabambite pacishi cino coonse.

Isaya 53:8

Bakamutola mukucaya kwiinda mukumulyatilila alimwi amukutamoombolosha cabululami. Taaku muntu eshi akaambe shalunyungu lwakwe mucishi, mukwiinga buumi bwakwe panonsengwe bwamanishikwa. Ee, nceebo cakusotoka milawo kwa bene misheesu kwakalengesha ayi oomwe.

Isaya 8:7

nebo neLesa ntooleta mwaami wa bene Asilya abashilumamba bakwe ayi balwane cishi ca Juda. Bantu abo balaakunoosa anga ngamaanshi asefuka muMulonga wa Yufuletisi.

Jelemiya 46:7

Ino mbaani aba batoonyamuka anga nguMulonga wa Nailo, ee, anga ngumulonga utoosefuka.

Jelemiya 51:42

Lweenge lulaakupisha Babiloni akumufwekelesha kumaaba a ndulo awoota.

Danyelo 11:10

“Baana basankwa ba mwaami wa bene Silya balaakulibambila kuya kunkondo akubunganya likoto lya bashilumamba linene. Likoto lya bashilumamba ilyo lilaakunyonyoola cakupyanga anga ngamaanshi asefuka atakoonshi kushinkilwa. Lilaakushika akuciyubilo ca bulelo bwa bene Ijipiti.

Danyelo 11:17

“Mwaami wa bene Silya ulaakulibambila kuya mukulwana alikoto lyakwe lya bashilumamba lyoonse. Ono ulaakusuminishanya amwaami wa bene Ijipiti ayi banoocafwana munkondo. Ulaakweebesha mwanaakwe kumwaami wa bene Ijipiti ayi akome bulelo bwakwe. Nakubi boobo muyeeyo wakwe teshi ukaswitilile.

Danyelo 11:22

Ulaakucaya likoto lya bashilumamba linene abuumbi pantu pomwi amupailishi munene wakwe Lesa.

Danyelo 11:36

“Mwaami wa bene Silya ulaakucita cili coonse ncaasuni. Ulaakulisumpula akulipa bulemu kwiinda pabalesa boonse alimwi ulaakucobola aLesa Wiindaawo pabalesa boonse. Ulaakucita boobo kushikila ciindi ca bukali bakwe Lesa cikeende mukwiinga Lesa ulaakucita ceenka ico ncaakayeeya.

Danyelo 9:27

Muleli uyo ulaakuba acipangano ciyumu abantu baanji kwamyaaka ili 7. Musa wa ciindi ico waakwiinda, ulaakukasha kubenga milambu akupa shipo. Mpeeke ulaakubika Cintu cilya Ciloondesha pakansunswa ka ciluli ca Ŋanda yakwe Lesa alimwi cilaakunooli waawo kushikila uyo wakacibikaawo akanyonyoolwe kweelana akubamba kwakwe Lesa.”

Osiya 1:9

Lyalo Mwaami Lesa wakaŋambila ayi, “Mwaana uyo mutumbe ayi Lo Ami mukwiinga bene Isilaeli tabacibete bantu bangu alimwi nebo nshicibete Lesa wabo.

Amosi 8:8

“Cishi cilaakuntenkaana ceebo ca mulandu uyu. Abalo bantu boonse bekalaamo balaakulila. Cishi coonse cilaakuyalookabo anga ngamaanshi a muMulonga wa Nailo. Ncakwiila cilaakuyalooka akuboola panshi anga ngamaanshi a mumulonga wine Ijipiti.

Amosi 9:5

Mwaami Lesa, Lesa Shinkusu shoonse, na wakumya cishi, ncakwiila cilatenkaana alimwi boonse bekalaamo baloongumana. Cishi coonse cilaakuyalookabo anga ngamaanshi a muMulonga wa Nailo akuboola panshi anga ngamaanshi a mumulonga wine Ijipiti.

Naamu 1:8

Sombi ulaakunyonyoola balwani bakwe anga ngamaanshi asefuka acite mukuuku unene. Ulaakutandaanishila baabo bamupatite mumunshinshe.

Mateyo 22:2

“Bweene bwa kwiculu bulikoshenye amwaami umwi wakabambila mwanaakwe musankwa bwiinga.

Mateyo 22:7

Mpomunyaawo mwaami wakakalala abuumbi. Mpeeke wakatuma bashilumamba bakwe kuya mukunyonyoola bacayi abo akutenta ndabala yabo inene.

Mateyo 23:38

Aboobo Ŋanda yakwe Lesa ili muli ndiwe, yaba litongo.

Mateyo 24:2

Sombi Jesu wakabakumbula ayi, “Te mwashibona shoonse ishi? Ntoomulwiita calushinisho ayi taaku libwe nabi lyomwi lyeshi likacaale palibwenyina, oonse alaakumwayululwa.”

Maako 13:2

Mpomunyaawo Jesu wakamukumbula ayi, “Te waabona maanda anene anene oonse aya? Taaku libwe nabi lyomwi lyeshi likacaale palibwenyina, oonse alaakumwayululwa.”

Maako 13:7

Na mukanyumfwe nkondo alimwi ampuuwo sha nkondo, mutakalisukami. Ishi shilaakucitika, sombi teshi kwaamba ayi ngomamanino a cishi.

Maako 9:12

Lyalo Jesu wakabakumbula ayi, “Ncancinencine, Elija ngweshi akataangune kwisa kwaamba ayi akaboteshe shintu shoonse. Ino kulilembetwe buyani ayi MwanaaMuntu ulyeelete kupenshekwa abuumbi alimwi akusuulwa?

Luka 21:24

Bamwi balaakuyaswa amipeeni alimwi balaakutolwa busha kushishi shimwi. Lyalo Jelusalemu ilaakulyatoolwa abaswamashi bakunsengwe kushikila ciindi cabo cikamaane.

Luka 21:6

“Ishi shoonse nshemubwene, cilaakushika ciindi ndyeshi kukabule libwe nabi lyomwi palibwenyina. Mabwe oonse alaakumwayululwa.”

Luka 24:26

Sa tecalinga kweelete ayi Usalitwe apenshekwe mushobo uyo kwaamba ayi enjile mubulemu bwakwe?”

Luka 24:46

Wakabaambila ayi, “Mbulya mbocilembetwe muMalembo ayi Usalitwe wakwe Lesa ulyeelete kupenshekwa akubuka kuswa kubafu pabushiku bwatatu.

Joni 14:30

Teshi ntolelele kwaamba amwebo mukwiinga mwaami wa mucishi ca panshi utoosa. Taacite nkusu pali ndime,

2 Bene Kolinto 5:21

Klistu taakalinga kucite cibiibi, sombi Lesa wakabika shibiibi shesu pali nguwe kwaamba ayi swebo tube abululami bwakwe Lesa.

Bene Galatiya 3:13

Klistu wakatulubula kumashingo aswa muMilawo ndyaakashinganwa ceebo cesu mukwiinga Malembo akwe Lesa alaamba ayi, “Ulishinganishitwe woonse uyo upopwa pacisamu.”

1 Pita 2:21

Bwikaalo ubu Lesa mbwaakamwiitila. Mukwiinga Klistu wakamupengela kumushiila citondesho ayi munookonkela mwaakeenda.

1 Pita 2:24

Klistu mwiine wakayumuna shibiibi shesu mumubili wakwe pamucilingano kwaamba ayi tuswe munkusu sha shibiibi akwikala lyoonse mubululami. Ceebo ca shilonda shakwe mwashilikwa.

1 Pita 3:18

Mukwiinga Klistu wakafwa linkanda lyomwibo kwaamba ayi Lesa alekelele shibiibi sha bantu boonse. Klistu lakwe uliluleme, ono wakafwita bataluleme kwaamba ayi babe beshicibusa bakwe Lesa. Wakacaikwa mumubili, sombi wakabushikwa mumushimu.