Danyelo 9:21 - Baibo Busansulushi Bwa Libuku Ili

²¹ Ndindakalinga kucipaila, munjelo Gabuliyelo, uyo ngondakalinga ndabonaawo kale mucili anga nciloto, wakesa kuli ndime kaauluka. Ico cakalinga ciindi cakubenga mulambu wa macolesha.

Danyelo 9:21 Marejeleo ya Msalaba

1 Baami 18:29

Bakalinga koolobesha kushikila macolesha ciindi cakubenga mulambu, sombi taaku cintu cakacitika, kwakalingabo tontolo.

1 Baami 18:36

Paciindi cakubenga mulambu wa macolesha, mulaluki Elija wakaya kucipaililo akupaila ayi, “NoBaami baLesa, baLesa bakwe Abulaamu, Isaki alimwi aJakobo, amulitondeshe ayi ndimwe baLesa ba bene Isilaeli alimwi ayi ndi musebenshi wanu. Amutondeshe alimwi ayi ndabamba shoonse ishi ceebo mwebo nobeene mwandwiita.

Kulumbaisha 103:20

Amulumbaishe Mwaami Lesa nobaanjelo bakwe beshinkusu, mwebo nomukonkela milawo yakwe akunyumfwila maswi ngaamwaambila.

Kulumbaisha 104:4

Mulasebensesha muuwo anga mbeshinkombe banu, mulilo ubilima anga mbobasebenshi banu.

Kulumbaisha 141:2

Mupailo wangu ube anga ntununkila kabotu pakutenta kunembo lyanu. Kutambika maansaangu kube anga ngumulambu wa macolesha.

Kulonga 29:39

Mwanaambelele umwi akanoobengwa macuunsa alakwe umwi macolesha.

Isaya 6:2

Peculu lyakwe pakalinga baSelafu. Womwi womwi pakati kabo wakalinga kucite mapapaminwa ali osanwe alyomwi. Mapapaminwa obilo akalinga kufwekete pameenso, obilo kushimpanta aamwi obilo kaboolukishaako.

Esekelo 1:11

Anu ubo shiwa sha nshisho mboshakalinga. Shilengwa isho shakalinga kucite mapapaminwa obilo akalinga kufungulukite cakwaamba ayi akalinga kukumene aacilengwa ncencakalinga kubambene aco kumbasu shobilo. Mapapaminwa amwi obilo akalinga kufwekete mubili wa ncico.

Esekelo 1:14

Shilengwa isho shakalinga kucicabo anga nkubeka kwa mfula uku akooku.

Esekelo 14:14

Nabi bantu aba botatwe Nowa, Danyelo aJobo kabaliimo, inga balo bapulukabo beenka ceebo ca bululami bwabo. Nebo neMwaami Lesa Shinkusu shoonse ndaamba.

Danyelo 10:10

Lyalo lyaansa lyakancata akunengeshe kwiimikana bukalaba mwaana. Ndakalinga kucitutuma.

Danyelo 10:16

Lyalo munjelo uyo wakalinga kuboneka anga ngumuntu, wakatambika lyaansa lyakwe akunkumya kumilomo, lyalo ndakatalika kwaamba. Mpomunyaawo ndakamwaambila, “Nkambo, cili anga nciloto ici canengesha kubula nkusu abuumbi, aboobo nshikoonshi kucileka kututuma.

Danyelo 10:18

Mpeeke munjelo uyo wakancata alimwi, lyalo nkusu shangu shakaboolaamo.

Danyelo 8:16

Lyalo ndakanyumfwa liswi kuswa kwitala lya Mulonga wa Ulayi lyakoolobesha ayi, “Gabuliyelo, mulwiite ncecaamba cili anga nciloto ncaabona.”

Danyelo 8:18

Kaacaamba kuli ndime, ndakalinga kuwisukite panshi apo mpondakalinga kulete cakufubama. Mpeeke lakwe wakancata akunjimika.

Mateyo 27:46

Paciindi ca 3 koloko peenka, Jesu wakoolobesha aliswi lya peculu ayi, “Eloi, Eloi, lama sabakatani?” Nkokwaamba ayi, “NobaLesa bangu, nobaLesa bangu, ino nciinshi ncemwandekeleshesha?”

Luka 1:19

Munjelo uyo wakakumbula ayi, “Nebo ndime Gabuliyelo wiimikana pameenso akwe Lesa. Lakwe ngowantuma ayi nse nkulwiite makani abotu aya.

Luka 1:26

Mumweenshi wasanu awomwi kuswa kukumita kwakwe Lisabeti, Lesa wakatuma Gabuliyelo mundabala inene ya mucishi ca Galili iyo yakalinga kwiitwa ayi Nasaleti.

Milimo ya Batumwi 10:3

Bumwi bushiku ciindi ca 3 koloko malumwi, wakabona munjelo wakwe Lesa anga muciloto keesa kuli nguwe akwiita liina lyakwe ayi, “Konelyasi!”

Milimo ya Batumwi 10:9

Ono bushiku bwakaboolaawo malumwi, basankwa abo ndibakashika pafwaafwi andabala ya Jopa, Pita wakatanta paciluli ca ŋanda kwaamba ayi apaile.

Milimo ya Batumwi 12:7

Mpomunyaawo kwakesa munjelo wa Mwaami Lesa, lyalo muntolongo mwakaboneka mumuni. Munjelo uyo wakapukumuna Pita akumubusha, kaamba ayi, “Fwambaana buka!” Paciindi ceenka ico ncetani shakalokaako kumaansa.

Milimo ya Batumwi 3:1

Bumwi bushiku Pita aJoni bakaya kuŊanda yakwe Lesa ciindi cakupaila ca 3 koloko malumwi.

Bene Ebulu 1:14

Sa te baanjelo bakwe Lesa njimyuuyabo iyo imusebensela akutumwa kubaabo mbweshi akapulushe?

Bene Ebulu 1:7

Ono shabaanjelo bakwe, Lesa wakaamba ayi, “Lesa ulacita baanjelo bakwe kuba anga ngumuuwo alimwi abasebenshi bakwe kuba anga ngumulilo utoonyaka.”

Ciyubululo 9:17

Anga muciloto, ndakabona maaki alimwi abaabo bakalinga kutantiteewo. Bakalinga kufwete shakutabilisha pacaamba shisalala anga ngumulilo alimwi anga ndibwe liboneka mbuli liculu alimwi anga ngusalufa. Mitwi ya maaki aya, yakalinga kuboneka anga nja nkalamu alimwi mumilomo ya ngawo mwakalinga kuswa mulilo, bwiishi alimwi asalufa.