Danyelo 9:17 - Baibo Busansulushi Bwa Libuku Ili

¹⁷ “NobaLesa, amukutike mupailo wangu akusenga kwangu nemusebenshi wanu. Amulengeshe kwaamba ayi Ŋanda yanu italike kusebenseshekwa alimwi. Amucite boobo kwaamba ayi bantu boonse bakeshibe ayi mwebo ndimwe baLesa.

Danyelo 9:17 Marejeleo ya Msalaba

1 Baami 8:28

NoBaami baLesa, baLesa bangu, nebo ndi musebenshi wanu. Amunyumfwe mupailo wangu akusuminisha ncentoosenga sunu.

Neyemiya 1:6

Amumboone noBaami baLesa akuteya matwi anu kwaamba ayi munyumfwe mupailo wangu nemusebenshi wanu uyo ngoontoopaila kunembo lyanu malumwi amashiku pabasebenshi banu bene Isilaeli. Ndalyaambilila shibiibi shesu sobene Isilaeli, nebo abamuŋanda ya bata, nshetwakamubishisha.

Kulumbaisha 119:135

Amunyumfwile nkumbu nemusebenshi wanu akunjiisha milasho yanu.

Kulumbaisha 4:6

Mbaanji bapaila kuli ndimwe ayi, “Amutupe shoolwe shiinji noBaami baLesa. Amutukumbule akutubonesha nkumbu shanu!”

Kulumbaisha 67:1

NobaLesa amube aluse pali ndiswe akutupa coolwe. Amutulange meenso a nkumbu

Kulumbaisha 67:2

kwaamba ayi bamucishi ca panshi coonse beshibe kuyanda kwanu, ee, kwaamba ayi mishobo yoonse ishibe lupulusho lwanu.

Kulumbaisha 74:3

Amwise mubone matongo aya. Balwani besu banyonyoola Ŋanda yanu. Ncakwiila shoonsebo muŊanda yanu.

Kulumbaisha 80:1

Amutukutike noBeembeshi ba bene Isilaeli, nomutanjilila bene Isilaeli anga nimbelele. Ee, mwebo nomwikala pakati ka bakelebu,

Kulumbaisha 80:19

NoBaami baLesa Beshinkusu shoonse, amutuboosheshe bwikaalo bwesu butaanshi! Amutunyumfwile nkumbu kwaamba ayi tupulushikwe.

Kulumbaisha 80:3

NobaLesa, amutuboosheshe bwikaalo bwesu butaanshi! Amutunyumfwile nkumbu kwaamba ayi tupulushikwe.

Kulumbaisha 80:4

NoBaami baLesa Beshinkusu shoonse, citooba ciindi cilaamfu buyani mipailo ya bantu banu keemukalasha?

Kulumbaisha 80:7

NobaLesa Beshinkusu shoonse, amutuboosheshe bwikaalo bwesu butaanshi! Amutunyumfwile nkumbu kwaamba ayi tupulushikwe.

Isaya 48:11

Ono coonse nceentoocita, ntoocicita ceebo ca bulemu bwa liina lyangu. Teshi nkalekelele liina lyangu kumana bulemu nabi kuleka umwi uli woonse ayi alemekwe mbuli ndime. Bulemu ubo bulyeeletebo ndime neenka.”

Malilo 3:56

Mwakanyumfwa kusenga kwangu kwakwaamba ayi, “Mutanooshinka matwi anu na ndasenga lucafwo.”

Malilo 5:18

ceebo Kalundu ka Siyoni kacaalabo mumatongo, ncakwiila bamwaaba batokwiindaanabo mumatongo a nkako.

Danyelo 9:19

NoBaami baLesa, amutukutike. NoBaami baLesa, amutulekelele shibiibi shesu. NoBaami baLesa, amutukutike akutucafwa! Mutacelwi kwaamba ayi bantu boonse bakeshibe ayi mwebo ndimwe baLesa! Amucite boobo mukwiinga ndabala yanu ileetwa liina lyanu pantu pomwi abantu banu aba.”

Joni 16:24

Kushikila asunu, tamuna kusengaawo kale muliina lyangu. Ono kamusenga, munanootambula kwaamba ayi musangalale cancinencine.

2 Bene Kolinto 1:20

Mukwiinga lakwe ngo “Ee” kusheesho shoonse shakashomesha Lesa. Nceceeco ncetwaambila ayi “Ameni” kwiinda muliina lyakwe Klistu, lyoonse nditulumba Lesa.

Ciyubululo 21:23

Mundabala inene momunya umo tamuyandiki lisuba nabi mweenshi kwaamba ayi shimunikileemo ceebo bulemu bwakwe Lesa mbobumunikaamo alimwi Mwanaambelele njelampi ya mumo.