Danyelo 8:25 - Baibo Busansulushi Bwa Libuku Ili

²⁵ Ono ceebo cakwaamba ayi ulaakunoocenjete abuumbi, ulaakuswitilila munshila shakwe shakubeca. Ulaakulisumpula akunyonyoola bantu baanji cakutabacenjesha. Ulaakunyansha aMuleli wa baleli boonse, sombi ulaakunyonyoolwa cakubula kusebenseshawo nkusu shabuntu.

Danyelo 8:25 Marejeleo ya Msalaba

Jobo 34:20

Bantu balapulumukilwabo lufu nabi pakati ka mashiku nkufwa. Balatenkaanishikwabo, lyalo balashimingana. Lesa ulakushawo beshinkusu cakutamuyuminaawo.

Jelemiya 48:26

Mwaami Lesa waamba ayi, “Amulengeshe bene Moabu ayi bakolwe ceebo cakukaka nebo neMwaami Lesa. Abaalabangane mumalushi abo akusekwa.

Malilo 4:6

Mulandu wakapekwa bantu bangu wakeenda wooyo wakapekwa Sodoma, ndabala iyo yakanyonyoolwa cakufwambaana, ncakwiila kwakubula awiifunaako.

Danyelo 11:12

Mwaami wa bene Ijipiti ulaakulisumpula abuumbi ceebo cakukoma kwakwe alimwi aceebo ca bashilumamba baanji abo mbweshi akacaaye. Sombi teshi akatolelele kukoma.

Danyelo 11:45

Ulaakuyaka amatente akwe a bwaami pakalundu apo pali Ŋanda yakwe Lesa. Sombi ulaakufwa kwakubula nabi womwi uko umucafwa.”

Danyelo 7:26

Lyalo nkuta yakwiculu ilaakwikala ayi yoomboloshe. Ulaakunyaikwa nkusu shakwe alimwi bulelo bwakwe bulaakunyonyoolwa cakumaninina.

Danyelo 7:8

Ndindakalinga kuyeeya pameeca ayo, ndakabona kaliica kaniini kakaswa pakati ka meeca amwi. Pakuswa kakatupula meeca amwi otatwe ayo akalingaawo kale. Kaliica ako kakalinga kucite meenso a muntu amulomo wakalinga kwaamba cakulisumpula.

Danyelo 8:11

Lyakalisumpula cakunyansha aMuleli wa likoto lya kwiculu. Lyakakasha milambu ya bushiku abushiku iyo yakalinga kubengwa kuMuleli uyo akubisha Ŋanda yakwe.

Danyelo 9:25

Shiba akunyumfwishisha cikani ici. Kuswa bushiku ndyeshi kukapekwe mulasho wakuyakulula Jelusalemu kushikila Mutanjilili Usalitwe wakwe Lesa akese, palaakwiinda myaaka ili 7 kufushikwa mankanda ali 7. Ndabala ya Jelusalemu ilaakuyakululwa akuba amikwakwa alimwi amalinga ayumu. Ndabala iyo ilaakunooliiko kwamyaaka ili 7 kufushikwa mankanda ali 62, sombi ico cilaakuba ciindi ca mapensho.

Milimo ya Batumwi 12:23

Paciindi ceenka ico munjelo wa Mwaami Lesa wakalengesha Elodi kuciswa mukwiinga taakwe kupa bulemu kuli Lesa. Mpeeke mapila akamulya, wafwa.

2 Bene Tesalonika 2:3

Mutasuminishi muntu uli woonse ayi amubeece. Ceebo Bushiku teshi bukashikile bantu kabatana kwaashuka camamanino alimwi Muntu Mubiibi ulya uyo utoolindilabo kunyonyoolwa kaatana kuboneka.

2 Bene Tesalonika 2:8

Lyalo Muntu Mubiibi ulya ulaakuyubululwa. Ono Mwaami wesu Jesu pakwisa, ulaakumucaya kwiinda mukumuyoyela akumunyonyoola kubulemu mbweshi akeshiteemo.

Ciyubululo 17:14

Balaakulwana aMwanaambelele, sombi Mwanaambelele uyu pantu pomwi abaabo mbwaakeeta akusala alimwi bashomeka kuli nguwe, balaakukoma bamaami abo mukwiinga lakwe nguMwaami wa bamaami alimwi nguMweendeleshi wa beendeleshi.”

Ciyubululo 19:16

Apalo pacisani cakwe apalibelo, pakalinga kulembetwe liina lyakwaamba ayi, “Mwaami wa bamaami, Mweendeleshi wa beendeleshi.”