Danyelo 8:17 - Baibo Busansulushi Bwa Libuku Ili

¹⁷ Mpomunyaawo Gabuliyelo wakesa weemikana kulubasu lwangu, sombi ndakaloonda abuumbi cakwaamba ayi ndakawita panshi. Mpeeke wakandwiita ayi, “Webo omuntu, kutika ncecaamba cili anga nciloto ici. Citokwaamba kuciindi ca kumeelelesho acishi ca panshi.”

Danyelo 8:17 Marejeleo ya Msalaba

Matalikilo 17:3

Abulamu wakafukama akushisha ciwa panshi, lyalo Lesa wakaamba ayi,

Esekelo 1:28

Ono bweenka buboneka nkongolo mumakumbi pabushiku bwa mfula, mbweeke ubo bulemu bumushingulukite mbobwakalinga. Anu uyo ngowakalinga mumuni utowa uyo utondesha bulemu bwa Mwaami Lesa. Ndindakabubona, ndakafukama cakushisha ciwa panshi. Mpomunyaawo ndakanyumfwa liswi lyakalinga kwaamba kuli ndime.

Esekelo 2:1

Mpomunyaawo wakaŋambila ayi, “Webo omuntu, nyamuka mbandike kuli ndiwe.”

Esekelo 44:4

Kuswawaawo muntu uyo wakanyinsha kumwinjililo wa kumatwa kuya kunembo lya Ŋanda yakwe Lesa. Mpeeke ndakalangilisha akubona Ŋanda ya Mwaami Lesa yesula mumuni utowa utondesha bulemu bwa Mwaami Lesa. Aboobo ndakaliwaala panshi akushishaawo ciwa.

Esekelo 6:2

“Webo omuntu, langa kutulundu twa Isilaeli akutulalukila mapensho.

Danyelo 10:11

Munjelo wakaŋambila ayi, “Danyelo, webo ulalemekwa abuumbi pameenso akwe Lesa. Nyamuka akukutikisha nsheshi nkwaambile. Nebo ndatuumwa kuli ndiwe.” Ndyaakamana kwaamba boobo, ndakanyamuka kaancitutuma.

Danyelo 10:16

Lyalo munjelo uyo wakalinga kuboneka anga ngumuntu, wakatambika lyaansa lyakwe akunkumya kumilomo, lyalo ndakatalika kwaamba. Mpomunyaawo ndakamwaambila, “Nkambo, cili anga nciloto ici canengesha kubula nkusu abuumbi, aboobo nshikoonshi kucileka kututuma.

Danyelo 11:27

Lyalo bamaami bobilo abo bakwikala akulya pantu pomwi kabacite miyeeyo ibiibi akubecana. Sombi taaku ceshi cikaswitilile ceebo meelelesho alaakucitika paciindi cibambitwe ico ceshi cikanoocili kunembo.

Danyelo 11:40

“Ono meelelesho a mwaami wa bene Silya aakuba pafwaafwi, mwaami wa bene Ijipiti ulaakumulwana, sombi alakwe ulaakulwana mwaami uyo ankusu shakwe shoonse mukusebensesha shikoci sha nkondo, maaki amaato anene aanji. Ulaakulwana shishi shiinji akunyonyoola cakupyanga anga ngamaanshi asefuka kuswa mumulonga.

Danyelo 12:13

“Ono webo Danyelo, koshomeka kushikila kumeelelesho aciindi. Lyalo ulaakufwa, sombi ulaakubuka alimwi akutambula cilambu cako kumeelelesho aciindi.”

Danyelo 12:4

Kuswawaawo wakandwiita ayi, “Ono webo Danyelo cala libuku ili akalamatila wakeshibilo kushikila kumeelelesho aciindi. Baanji balaakuya uku akooku kuya mukufusha busongo.”

Danyelo 2:46

Lyalo mwaami Nebukadinesa wakafukama cakushisha ciwa panshi kunembo lyakwe Danyelo mukumulemeka. Mpeeke wakaamba ayi milambu ibengwe kuli nguwe akumupa shipo.

Danyelo 7:16

Mpeeke ndakaya kumuntu womwi pabaabo bakalinga kwiimfwi kunembo pamusena uyo akumwiipusha bwaamba shintu isho. Lyalo wakansansulwita mboshaamba.

Danyelo 8:15

Ono nebo neDanyelo kaanceebela cili anga nciloto ico akweelesha kwishiba ncecaamba, cakuteengashila ndakabona muntu wakeemikana kunembo lyangu.

Danyelo 8:19

Mpomunyaawo wakaamba ayi, “Ntookulwiita ceshi cikacitike kunembo muciindi ca bukali bwakwe Lesa. Cili anga nciloto citootondeka kuciindi ca meelelesho.

Danyelo 8:27

Nebo neDanyelo mubili wakatyolooka abuumbi akuciswa kwanshiku shiinji. Lyalo ndakanyamuka akuboola kumulimo uyo wakampa mwaami. Sombi cili anga nciloto ico cakampensha abuumbi mumoyo alimwi ndakaalilwa kucinyumfwisha.

Danyelo 9:23

Ndiwatalikabo kupaila kuli Lesa, wakukumbula. Ndesa mukukulwiita kukumbula kwakwe ceebo webo ulalemekwa abuumbi pameenso akwe Lesa. Ono kutikisha mbweshi noosansulula akunyumfwisha cili anga nciloto ico mbocaamba.

Danyelo 9:27

Muleli uyo ulaakuba acipangano ciyumu abantu baanji kwamyaaka ili 7. Musa wa ciindi ico waakwiinda, ulaakukasha kubenga milambu akupa shipo. Mpeeke ulaakubika Cintu cilya Ciloondesha pakansunswa ka ciluli ca Ŋanda yakwe Lesa alimwi cilaakunooli waawo kushikila uyo wakacibikaawo akanyonyoolwe kweelana akubamba kwakwe Lesa.”

Abakuku 2:3

Ee, waaleembe ceebo ciindi ca ngawo tacina kushikila. Nakubi boobo ciindi ca ngawo citoosa cakufwambaana. Ncakwiila alaakucitika cancinencine. Nabi aboneke kucelwa mukucitika, ukaalindilebo mukwiinga alaakucitika cancinencine alimwi teshi akacelwewo, sobwe.

Mateyo 17:8

Lyalo ndibakeenamuka, taaku aumwi muntu ngobakabonaawo, sombibo Jesu eenka.

Ciyubululo 1:17

Ndindakamubona, ndakawita muliimfwa lyakwe akuboolabo anga ngumuntu ufwite. Sombi wakambika lyaansa lyakwe lyalulyo akwaamba ayi, “Utaloondi! Nebo ndime Matalikilo alimwi aMamanino.

Ciyubululo 22:8

Nebo neJoni ndakanyumfwa alimwi akubona shintu ishi. Ono ndindakashinyumfwa akushibona, ndakafukama muliimfwa lya munjelo uyo wakambonesha shintu ishi ayi mulambile.