Danyelo 8:14 - Baibo Busansulushi Bwa Libuku Ili

¹⁴ Lyalo ndakanyumfwa usalalite umwi wakakumbula ayi, “Cilaakutola macolesha amacuunsa ali 2,300, lyalo Ŋanda yakwe Lesa ilaakusalashikwa.”

Danyelo 8:14 Marejeleo ya Msalaba

Matalikilo 1:5

Mpeeke Lesa wakatumba mumuni ayi, “Malumwi,” awalo munshinshe ayi, “Mashiku.” Lyalo kwakaba macolesha amacuunsa, ubu bwakaba mbushiku butaanshi.

Isaya 1:27

Mwaami Lesa ulaakulubula Siyoni ceebo ca bululami bwakwe. Ulaakulekelela baabo basanduka kuswa kushibiibi shabo.

Isaya 45:25

Balo bamulunyungu lwakwe Jakobo, nebo neMwaami Lesa ndaakubalulamika alimwi balaakunoonumbaisha.

Danyelo 12:11

“Kuswa paciindi ico kubenga milambu ya bushiku abushiku yaakukashikwa kushikila paciindi Cintu cilya Ciloondesha ndyeshi cikeemikwe, palaakwiinda nshiku shili 1,290

Danyelo 12:12

Ulicite coolwe muntu uyo ulindilila akushika kumeelelesho a nshiku shili 1,335.

Danyelo 12:7

Munjelo uyo wakalinga kufwete shakufwala sha nsalu iteshimite alimwi uyo wakalinga kwiimfwi peculu lya maanshi wakatambika maansa obilo oonse kwiculu. Lyalo ndakamunyumfwa kaashomesha cakulumbila muliina lyakwe Lesa waLyoonse alyoonse ayi, “Ciindi ico cilaakuba ca myaaka yotatwe amusa. Mapensho eshi akese pabantu bakwe Lesa aakumana, shintu shoonse ishi shilaakwiinda.”

Danyelo 7:25

Mwaami uyo ulaakunokwaamba shintu shakulwana Lesa wa kwiculu Wiindaawo akupensha bantu bakwe Lesa. Ulaakweelesha kusandula nshiku shakusekelela shibambitwe alimwi aMilawo yakwe Lesa. Bantu basalalite bakwe Lesa balaakuba mumaansaakwe kwamyaaka yotatwe amusa.

Danyelo 8:26

Cili anga nciloto ici ca milambu yamacolesha amacuunsa ncewapekwa cilaakucitika cancinencine. Nakubi boobo bulya cibebo cabushishi mukwiinga cilaakucitika kalekale.”

Bene Galatiya 3:8

Lesa wakaambila limwi muMalembo akwe ayi ulaakululamika baswamashi bakunsengwe kwiinda mulushomo lwabo. Anu Lesa wakashimikila limwi Makani Abotu kuli Abulaamu kwiinda muMalembo akwe ayi, “Muli ndiwe, Lesa ulaakupa coolwe kumishobo yoonse ya bantu.”

Ciyubululo 11:15

Kuswawaawo munjelo wasanu abobilo wakalisha lupeenga lwakwe. Lyalo kwakanyumfwika maswi akoolobeshekwa kuswa kwiculu ayi, “Nkusu shakweendelesha cishi shili mumaansa a Mwaami Lesa aUsalitwe wakwe alimwi balaakweendelesha kwamuyayaya!”

Ciyubululo 12:14

Mwanakashi uyo wakapekwa mapapaminwa obilo a mumbankwashi kwaamba ayi oolukile kuluyanga kumusena wakwe uko nkweshi akalamwe kabotu kwamyaaka ili yotatwe amusa, kuloonda shinshimwe.

Ciyubululo 13:5

Munyama uyu wakasuminishikwa kwaamba maswi akulisumpula akucobola Lesa. Wakasuminishikwa akuba ankusu shakweendelesha kwamyeenshi ili makumi one alimwi ayobilo.