Danyelo 7:15 - Baibo Busansulushi Bwa Libuku Ili

¹⁵ “Nebo neDanyelo, shili anga nshiloto nshendakabona shakankankamika akumpensha abuumbi mumoyo.

Danyelo 7:15 Marejeleo ya Msalaba

Matalikilo 41:8

Macuunsa wakalisukama, aboobo wakatuma nkombe kubeshimampelampela abasongo boonse ba muIjipiti ayi bese. Wakabaambila shiloto shakwe, sombi taaku wakakonsha kumupandulwita shiloto isho.

Jelemiya 17:16

Nshikwe kukaka mulimo wa bweembeshi ngomwakampa alimwi nshindakalinga kusuni ayi bakenjile mumapensho. Nceentokwaamba amwebo mulicishi kale.

Danyelo 10:16

Lyalo munjelo uyo wakalinga kuboneka anga ngumuntu, wakatambika lyaansa lyakwe akunkumya kumilomo, lyalo ndakatalika kwaamba. Mpomunyaawo ndakamwaambila, “Nkambo, cili anga nciloto ici canengesha kubula nkusu abuumbi, aboobo nshikoonshi kucileka kututuma.

Danyelo 2:1

Mumwaaka wabili wa bwaami bwakwe, Nebukadinesa wakalota ciloto ico cakamupensha abuumbi mumoyo cakwaamba ayi taakalinga koona tulo.

Danyelo 2:3

Mpeeke mwaami wakabaambila ayi, “Ndapenshekwa abuumbi mumoyo ceebo ca ciloto ncendalota. Ndisuni kwaamba ayi nshibe mbocaamba.”

Danyelo 4:19

Ono Danyelo uyo wiitwa ayi Beloteshasa wakakankamana abuumbi pacikani ico cakwaalilwa kwaambaawo. Aboobo mwaami Nebukadinesa wakamwaambila ayi, “Beloteshasa, ciloto ico abusansulushi bwa ncico butakuloondeshi, sobwe.” Mpomunyaawo Beloteshasa wakakumbula ayi, “Nobaami bangu, nicabota ciloto ici abusansulushi bwa ncico kashaamba pabalwani banu kuteshi ndimwe, sobwe.

Danyelo 4:5

Sombi ndakalota cintu ciloondesha akubona shili anga nshiloto shilensha boowa ndindakalinga kulete.

Danyelo 7:1

Mumwaaka wakutaanguna wa bwaami bwakwe Beloshasa, mwaami wa bene Babiloni, nebo neDanyelo ndakalota akubona shili anga nshiloto mashiku kaandete pabulo bwangu. Ciloto ico ndakacilemba.

Danyelo 7:28

“Ono makani ayo mpaaela peenka apa. Nebo neDanyelo ndakapenshekwa abuumbi mumoyo alimwi ciwa cangu cakasanduka kuboowa, sombi makani ayo ndakaaumunabo.”

Danyelo 8:2

Mucili anga nciloto ico ndakalicana muSusa ndabala inene icite lilinga mucishi ca Elamu. Ndakalinga kwiimfwi muloombe lwa Mulonga wa Ulayi.

Danyelo 8:27

Nebo neDanyelo mubili wakatyolooka abuumbi akuciswa kwanshiku shiinji. Lyalo ndakanyamuka akuboola kumulimo uyo wakampa mwaami. Sombi cili anga nciloto ico cakampensha abuumbi mumoyo alimwi ndakaalilwa kucinyumfwisha.

Abakuku 3:16

Ndindakanyumfwa shintu ishi, mubili wangu wakatutuma ayalo milomo yangu yakatutuma kuboowa. Ncakwiila mubili wangu woonse wakalefuka. Ee, amyeendo yangu yakabukuma kuboowa. Nakubi boobo ndaakulindilila camoyonteeka ciindi ico Lesa aakwisa mukupa mulandu bantu batulwana.

2 Pita 1:14

Mukwiinga ndishi kwaamba ayi ciindi cakushiya mubili wangu uno cili pafwaafwi, kweelana abwakandwiita Mwaami wesu Jesu Klistu.