Danyelo 6:27 - Baibo Busansulushi Bwa Libuku Ili

²⁷ Ulafuna akupulusha, ulacita shitondesho sha nkusu sha kwiculu ashaankamiko kwiculu alimwi apacishi ca panshi. Wakapulusha Danyelo kuswa kumilomo ya nkalamu.”

Danyelo 6:27 Marejeleo ya Msalaba

Jobo 36:15

Nacibi boobo Lesa uleeisha bantu kwiinda mumapensho. Ulabaleka ayi bapenge abuumbi kwaamba ayi bacaluke meenso.

Kulumbaisha 145:13

Bweene bwanu mbwamuyayaya, bwaami bwanu mbwa mashalane oonse. Mwaami Lesa ulacita shoonse kweelana ambwaakashomesha, ncakwiila shintu shoonse nshaakalenga ulishisuni.

Kulumbaisha 18:48

Kubalwani bangu ngoompulusha. Nobaami baLesa mulanengesha kukoma balwani bangu, ncakwiila mulamfuna kubantu bakali.

Kulumbaisha 18:50

Ncakwiila Lesa ulalengesha mwaami wakwe kukoma. Lusuno lwakwe kumwaami uyo ngwaakasala talumaani. Ee, kuli ndime neDefedi abamulunyungu lwangu ndwamuyayaya.

Kulumbaisha 32:7

Muli ndimwe ndushinisho moonjuba. Mulamfuna kumapensho angu oonse. Aboobo ndeemba palupulusho lwanu ceebo mulamfuna.

Kulumbaisha 35:17

NoBaami baLesa mutootola ciindi cilaamfu buyani kamweebela? Amupulushe buumi bwangu kuswa kubulwani bwabo. Ee, amumpulushe kuswa kunkalamu ishi.

Kulumbaisha 97:10

Abo basuni Mwaami Lesa abapate bubi, mukwiinga ulalama buumi bwa baabo bashomeka kuli nguwe. Ulabafuna kuswa kunkusu sha bamucita shibi.

Jelemiya 10:10

Sombi mwebo noBaami baLesa ndimwe baLesa balushinisho. Muli baLesa boomi, muli Baami balyoonse alyoonse. Na mwakalala, acishi cilatenkaana alimwi taaku mushobo weenga weemikana kunembo lya bukali bwanu.

Danyelo 2:44

“Muciindi ca bamaami abo Lesa wa kwiculu ulaakuleta bwaami ubo bweshi bukabule kumana. Teshi bukakomweewo, sombi bulaakunyonyoola malelo amwi ayo oonse akulela kwalyoonse alyoonse.

Danyelo 4:31

Kaacilyaamboosha, kwakanyumfwika liswi kalyaamba kuswa kwiculu ayi, “Omwaami Nebukadinesa, kutika nsheentooyanda kwaamba. Bulya wanyaikwa nkusu shako sha bwaami.

Danyelo 4:34

Mwaami Nebukadinesa wakaamba ayi, “Myaaka yosanwe amyaaka yobilo ndiyakeenda, nebo neNebukadinesa, ndakeenamuka. Maano angu akaboolaamo. Lyalo ndakalumba Lesa wa kwiculu Wiindaawo. Ndakalemeka akulumbaisha Lesa uyo muumi kwalyoonse alyoonse. “Bulelo bwakwe, mbulelo bwamuyayaya. Bweene bwakwe bulaakunoolikobo kwalyoonse alyoonse.

Danyelo 4:35

Kuli nguwe bantu boonse ba mucishi balabonekabo anga taaku mbobabete. Lakwe uleendelesha baanjelo ba kwiculu pantu pomwi abantu ba mucishi ca panshi. Taaku muntu weenga wamukasha kucita cintu, nabi kumwiipusha ayi, ‘Wacitilanshi bobulya?’

Danyelo 6:20

Ndyaakashika wakeeta Danyelo campwampwa moyo ayi, “Danyelo omusebenshi wakwe Lesa muumi, sa Lesa uyo ngoosebensela cakushomeka wakonsha kukupulusha kunkalamu?”

Joni 4:48

Jesu wakamwaambila ayi, “Na mwabula kubona shaankamiko ashitondesho sha nkusu sha kwiculu shimwi, tamushomiiwo tau.”

Milimo ya Batumwi 4:30

Amutandabike lyaansa lyanu kwaamba ayi mushilike bantu, alimwi mulengeshe kwaamba ayi shitondesho sha nkusu sha kwiculu alimwi ashaankamiko, shicitike kwiinda muliina lya musebenshi wanu usalalite Jesu.”

Bene Ebulu 2:4

Alakwe Lesa wakalinga kuyumya bukamboni bwabo kwiinda mukucita shaankamiko shipusenepusene ashitondesho sha nkusu sha kwiculu alimwi akwiinda mukubapa shipo sha Mushimu Usalashi kweelana akuyanda kwakwe.

1 Samwelo 17:26

Mpeeke Defedi wakeepusha basankwa bakalinga pafwaafwi ayi, “Ino musankwa weshi akacaaye mwine Filisiti ulya akukusha malwesa ngwaatoolamba bene Isilaeli, ulaakucitilwa buyani? Alimwi lakwe ngumwine Filisiti buyani, utapalwitwe, weenga kaanyansha likoto lya bashilumamba bakwe Lesa muumi?”