Danyelo 6:17 - Baibo Busansulushi Bwa Libuku Ili

¹⁷ Libwe linene lyakaletwa akufwekwa pamulomo wa cilindi ico. Pali ndilyo mwaami wakabikaawo akeshibilo kakwe ka bwaami pantu pomwi atwishibilo twa bacinenenene bakwe boonse. Bakacita boobo kwaamba ayi kutabi upulusha Danyelo.

Danyelo 6:17 Marejeleo ya Msalaba

Jobo 5:19

Nabi mapensho ali buyani akupolela, Lesa ulaakukufuna kwaamba atakuciisi.

Jelemiya 38:5

Lyalo mwaami Sedekiya wakabaambila ayi, “Muntu uyu uli mumaansaanu. Nebo nshicite nkusu sha kumukasha.”

Malilo 3:53

Bantu aba bakangwaala mucilindi kaanciyoya akungwaala mabwe ayi mfwite mumo.

Milimo ya Batumwi 12:4

Pita ndyaakaangwa bakamubika muntolongo umo mwakalinga kulamwa atukoto tone twa bashilumamba. Tukoto uto twakalinga kucite bantu bone bone abo bakalinga kukomboshanya paciindi ceelene. Elodi wakalinga kusuni kumoomboloshesha pameenso a bantu bwaakwiinda bushiku bwa Pasika bwakwiibaluka kusotokela.

Ciyubululo 20:3

Munjelo wakamuwaala mucilindi citeeli, wacalaako akumataako kwaamba ayi atakacenjeekiwo mishobo ya bantu lyobilo kushikila myaaka iyo ili cuulu ikamaane. Lyalo ndyeshi akaangululwe kwaciindi ciniinibo.