Danyelo 4:36 - Baibo Busansulushi Bwa Libuku Ili

³⁶ “Maano angu ndyaakaboolaamo, bulemu bwangu, bwaami alimwi abulemu bwa bulelo bwangu bwakaboolela. Beshikumpandaako maano abacinenenene bangu bakantambula akumboosha pacuuna cangu ca bwaami. Lyalo ndakasumpuka kwiinda mbondakalinga pakataanshi.

Danyelo 4:36 Marejeleo ya Msalaba

Jobo 13:12

Tushimpi twanu tatucite ncito bweenka mbuli milota, awalo mubandi wanu toocafwi ceebo ngwa bulongo bulongo.

Tushimpi 22:4

Kulibombya akuloonda Mwaami Lesa, nkokuletela bubile, bulemu abuumi bulaamfu.

Danyelo 2:31

“Nobaami, ndimwakalangilisha, mwakabona cibumbwabumbwa cinene abuumbi, ico cakalinga kubekabeka abuumbi, ciloondesha kucilangilisha.

Danyelo 4:22

mwebo nobaami ndimwe cisamu ico! Mwebo mwasumpuka akushimpa. Kusumpuka kwanu kwatolelela cakushikabo amwiculu mwiine alimwi bwaami bwanu bulikumenebo cishi ca panshi coonse.

Danyelo 4:32

Ulaakutandaanishikwa kuswa pakati ka bantu akuya mukwikala abanyama bamuluundu. Ulaakunoolya bwiisu anga niŋombe kwamyaaka yosanwe amyaaka yobilo. Kuswawaawo ulaakusumina ayi Mwaami Lesa wa kwiculu Wiindaawo ngomwaami pamalelo a bantu alimwi ayi ngooapa kubantu abo mbwaasuni.”

Danyelo 4:34

Mwaami Nebukadinesa wakaamba ayi, “Myaaka yosanwe amyaaka yobilo ndiyakeenda, nebo neNebukadinesa, ndakeenamuka. Maano angu akaboolaamo. Lyalo ndakalumba Lesa wa kwiculu Wiindaawo. Ndakalemeka akulumbaisha Lesa uyo muumi kwalyoonse alyoonse. “Bulelo bwakwe, mbulelo bwamuyayaya. Bweene bwakwe bulaakunoolikobo kwalyoonse alyoonse.

Mateyo 6:33

Aboobo mwebo citaanshi muyandoole Bweene bwakwe Lesa akucita shiluleme, lyalo Lesa ulaakumupa shintu shoonse ishi.

2 Bene Kolinto 4:17

Aya mapensho oobu ngotutoobona teshi a ciindi cilaamfu, sombi alaakutuletela bulemu bwiindaawo abuumbi alimwi butamaani ubo buteelanishikwi amapensho oonse

1 Samwelo 2:30

Kalekale nebo neMwaami Lesa, Lesa wa bene Isilaeli ndakashomesha ayi bamuŋanda yako abeshikamukowa wako bananooba bapailishi lyoonse alyoonse. Sombi bulya sunu casutuka! Nebo ndapa bulemu abo bampa bulemu akunyansha baabo bansebaanya.