Danyelo 4:35 - Baibo Busansulushi Bwa Libuku Ili

³⁵ Kuli nguwe bantu boonse ba mucishi balabonekabo anga taaku mbobabete. Lakwe uleendelesha baanjelo ba kwiculu pantu pomwi abantu ba mucishi ca panshi. Taaku muntu weenga wamukasha kucita cintu, nabi kumwiipusha ayi, ‘Wacitilanshi bobulya?’

Danyelo 4:35 Marejeleo ya Msalaba

Jobo 23:13

“Anu ngani weenga wakonsha kupilulula Lesa? Lakwe ulacita kulilabo nshaasuni mwiine.

Jobo 34:29

Na woongulusha, anu ngani ukonsha kumutongooka? Na wabafutatila ngani weenga wapekwa coolwe?

Jobo 40:2

“Sa webo inga wapikishanya aShinkusu shoonse? Kumbula tunyumfwe nowalinga kupikisha.”

Jobo 42:2

“NoBaami baLesa, ndishi kwaamba ayi mwebo mulicite nkusu shoonse alimwi ayi taakuuwo muyeeyo wanu weenga wabula kuswitilila.

Jobo 9:4

Lesa nguMusongo alimwi nguShinkusu. Taaku weenga wamupikisha akuswitilila.

Kulumbaisha 115:3

Ndushinisho Lesa wesu uli kwiculu. Ncakwiila ulacita cili coonse ncaasuni.

Kulumbaisha 135:6

Ulacita cili coonse ncaasuni kwiculu nabi pacishi ca panshi. Ndushinisho ulashicita mulweenge apanshi peene pandulo.

Kulumbaisha 33:14

Boonse bashiite pacishi ca panshi ulababona kuswa pacuuna cakwe ca bwaami.

Kulumbaisha 39:5

Inshiku sha buumi bwangu mwashifwiimpisha, Myaaka ya buumi bwangu njiniini abuumbi pameenso anu. Ncakwiila buumi bwa muntu uli woonse buli anga nkuyoya kwalinkanda lyomwi.

Kulumbaisha 49:1

Amunyumfwe cikani ici noonse nobantu. Amukutike noonse nomwikala mucishi ca panshi,

Tushimpi 21:30

Taaku busongo bwa muntu, lushibo nabi miyeeyo yakwe isho sheenga shaswitilila mukulwana Mwaami Lesa.

Shikushimikila 8:4

Cintu ceenga caamba mwaami cilaba bweenka ubo ceebo ulicite nkusu, ino ngani weenga wamwaambila ayi, “Nciinshi ncemutoocita nobaami?”

Isaya 19:17

Cishi ca Juda cilaakunooloondesha bene Ijipiti, kulilabo weshi akanyumfwe shacishi ca Juda ulaakuloonda. Ulaakuloonda ceebo ca sheesho Mwaami Lesa Shinkusu shoonse nshaakapinga kucita kucishi ca bene Ijipiti.

Isaya 26:9

Mashiku moyo wangu ulayeeyabo ndimwe, aalo macuunsa miyeeyo yangu ilababo kuli ndimwe. Ceebo koombolosha kwanu ndikuboneka mucishi ca panshi, bantu bekalaamo baleeya bululami mbobubete.

Isaya 43:13

Ncakwiila ndi Lesa kuswabo kale kale. Taaku muntu nabi womwi ukonsha kupusumuka mumaansa angu alimwi ncendacita taaku muntu ukonsha kucisandula.”

Danyelo 6:27

Ulafuna akupulusha, ulacita shitondesho sha nkusu sha kwiculu ashaankamiko kwiculu alimwi apacishi ca panshi. Wakapulusha Danyelo kuswa kumilomo ya nkalamu.”

Jona 1:14

Mpomunyaawo bakapaila kuMwaami Lesa ayi, “NoBaami baLesa, twaseenga mutatuleeki ayi tufwe mukwiinga twacaya muntu uyu utacite mulandu. Ceebo noBaami baLesa ndimwe mwalengesha ayi shoonse ishi shicitike.”

Milimo ya Batumwi 11:17

Ono na Lesa abalo wakabapa cipo ca Mushimu Usalashi ceenka ncaakatupa aswebo nditwakashoma muli Jesu Klistu, ino nebo ndicite nkusunshi shakukasha Lesa?”

Milimo ya Batumwi 4:28

Bakabungana pantu pomwi kwaamba ayi bacite shoonse isho mwebo nshemwakalinga kubambite kale kwiinda munkusu shanu alimwi akuyanda kwanu.

Milimo ya Batumwi 5:39

Sombi na milimo iyi ilaswa kuli Lesa, teshi mukacikoonshe kubakoma mukwiinga inga mwacana kwaamba ayi mutoolwishanya aLesa!” Lyalo boomboloshi boonse bakakonkela maswi akaamba Gamalyelo.

Milimo ya Batumwi 9:5

Saulo wakeepusha ayi, “Ino ndimwe baani, Nkambo?” Liswi lyakanyumfwika alimwi ayi, “Ndime Jesu uyo ngootoopensha.

1 Bene Kolinto 10:22

Sa tutooyanda kukalasha Mwaami? Nabi sa tulicite nkusu kwiinda nguwe?

1 Bene Kolinto 2:16

Bweenka bwaamba Malembo akwe Lesa ayi, “Ngani ushi miyeeyo ya Mwaami Lesa alimwi ngani weenga wamulwiita shakucita?” Ono swebo tulicite miyeeyo yakwe Klistu.

Bene Efeso 1:11

Shoonse shintu shilacitwa kweelana amiyeeyo yakabamba Lesa alimwi akuyanda kwakwe. Aboobo Lesa wakatusala ayi tube bantu bakwe muli Klistu, nkokwaamba ayi ncaakatusalila kweelana ambwaakabamba kuswa kumatalikilo.

Joshuwa 2:2

Ono mwaami wa kuJeliko wakanyumfwa ayi basankwa bamwi bene Isilaeli besa mashiku ayo mukusensa cishi.

1 Samwelo 3:18

Aboobo Samwelo wakamulwiita shoonse cakutashisaawo nabi paniini. Mpomunyaawo Eli wakaamba ayi, “NgoMwaami Lesa, aacite cili coonse ncaasuni kucita.”