Danyelo 4:33 - Baibo Busansulushi Bwa Libuku Ili

³³ Mpomunyaawo isho shakaambwa pali Nebukadinesa shakacitika cancinencine peenka apo. Nebukadinesa wakatandaanishikwa kuswa pakati ka bantu bamwi boonse akutalika kunoolyabo bwiisu anga niŋombe. Mume wakalinga kumutontosha kushikila misusu yakwe yakalaampa anga ngamapepe a mumbankwashi, aalo maala akwe anga ngamaala akwe cikupwi.

Danyelo 4:33 Marejeleo ya Msalaba

Jobo 20:5

kusangalala kwa mucita shibi nkwaciindi ciniinibo. Kukondwa kwa muntu utashomi Lesa nkuce.

Isaya 30:14

Ncakwiila lulapwayooka mutupanshapansha anga ninongo yapwaikwa cakutanenekela. Mpoyapwaikila palabula akapansha keenga kasebenseshekwa kulapula mulilo, nabi kutekwishako maanshi mumungomo.”

Danyelo 4:25

Mulaakutandaanishikwa kuswa pakati ka bantu akuya mukwikala abanyama bamuluundu. Mulaakunoolya bwiisu anga niŋombe alimwi mume kuswa kwiculu ulaakunoomutontosha. Cilaakuba boobo kushikila myaaka yosanwe amyaaka yobilo ikeende. Kuswawaawo ndyeshi mukasumine ayi Mwaami Lesa wa kwiculu Wiindaawo ngomwaami pamalelo a bantu alimwi ngooapa kubantu abo mbwaasuni.

Danyelo 4:32

Ulaakutandaanishikwa kuswa pakati ka bantu akuya mukwikala abanyama bamuluundu. Ulaakunoolya bwiisu anga niŋombe kwamyaaka yosanwe amyaaka yobilo. Kuswawaawo ulaakusumina ayi Mwaami Lesa wa kwiculu Wiindaawo ngomwaami pamalelo a bantu alimwi ayi ngooapa kubantu abo mbwaasuni.”

Danyelo 5:21

Kuswawaawo bakabatandaanya kuswa pakati ka bantu alimwi maano abo akasanduka kuba abunyama. Bakekala ambongolo sha muluundu akunoolya bwiisu anga niŋombe alimwi mume kuswa kwiculu wakalinga kubatontosha. Kuswawaawo bakasumina ayi Mwaami Lesa wa kwiculu Wiindaawo ngomwaami pamalelo a bantu alimwi ngooapa kubantu abo mbwaasuni.

Danyelo 5:5

Cakuteengashila lyaansa lya muntu lyakaboneka akutalika kulemba palubumbu lwa ŋanda ya bwaami apo pakalinga kwiindaawo kutuba mukwiinga malampi akalinga kumunika abuumbi palubasu apo. Lyaansa ilyo Mwaami wakalibona kalilemba.

1 Bene Tesalonika 5:2

Ceebo mwebo nobeene mulishi kale kabotu kwaamba ayi Bushiku bwakwisa kwa Mwaami Jesu, bulaakushikila cakutabwiingashila bweenka mwiipi mbweesa mashiku.