Danyelo 3:25 - Baibo Busansulushi Bwa Libuku Ili

²⁵ Lyalo mwaami wakeepusha ayi, “Ino ceebonshi ntoobona basankwa bone batokweendaana mukati mumunyumbi? Tabaangitwe alimwi batooboneka anga tabatoopyaawo. Muntu wane pakati kabo utooboneka anga ngumwaana wa balesa.”

Danyelo 3:25 Marejeleo ya Msalaba

Jobo 1:6

Bumwi bushiku baanjelo ndibakesa mukulitondesha pameenso a Mwaami Lesa, alakwe Satana wakesaabo.

Jobo 38:7

Sa wakalingaako nyenyeenshi sha kumuyamaca ndishakalinga kwiimba abaanjelo ba kwiculu ndibakalinga koolobesha cakusangalala?

Jobo 5:19

Nabi mapensho ali buyani akupolela, Lesa ulaakukufuna kwaamba atakuciisi.

Kulumbaisha 34:7

Ee, munjelo wakwe ulatabilila bantu abo balemeka Mwaami Lesa, alakwe ulabafuna kushintu shiyoosha.

Tushimpi 30:4

Ngani wakayaawo kale kwiculu alimwi waseluka? Ngani wakacatawo kale muuwo mumapakaakwe? Ngani wakafungilishawo kale maanshi mucakufwala cakwe capeculu? Ngani wakapima mweelete kweela cishi? Ngani ushi liina lyakwe aliina lya mwanaakwe? Amundwiite na mulicite lushibo!

Isaya 43:2

Mwaakwiinda mumaanshi alaamfu a mapensho, nebo ndaakunooli amwebo. Mwaakwiinda mumilonga ya mapensho teshi mukatolwe kumukuuku wa njiyo. Mwaakwiinda mumapensho ali anga ngumulilo, teshi mukapyeewo mumapensho ayo, sobwe. Teshi mukapyeewo nabi akanooli akali buyani.

Jelemiya 1:19

Balaakukulwana sombi teshi bakakukomeewo ceebo ndi awebo alimwi ndanookufuna. Nebo neMwaami Lesa ndaamba.”

Jelemiya 1:8

Kutabaloonda ceebo ndanooli awebo alimwi ndanookufuna. Nebo ne Mwaami Lesa ndaamba.”

Jelemiya 15:21

Ndaakukufuna kuswa munkusu sha bamucita shibi akukulubula kuswa mumaansa a beshilunkutwe. Nebo neMwaami Lesa ndaamba.”

Danyelo 3:18

Nabi wabula kucita boobo, nobaami mulyeelete kwishiba ayi teshi tukasebenselewo balesa banu nabi kulambila cibumbwabumbwa ca golodi ncemwakeemika.”

Danyelo 3:24

Kuswawaawo Nebukadinesa wakanyamuka ceebo cakukankamana akwiipusha bacinenenene bakwe ayi, “Sa teshi basankwa botatwe mbotwaanga akubawaala mumunyumbi umu?” Abalo bakakumbula ayi, “Ncakwiila nobaami mbotwacita ubo.”

Danyelo 3:28

Lyalo mwaami wakaamba ayi, “Aalumbaishikwe Lesa wakwe Shadileki, Mishaki awakwe Abedinego! Wakatuma munjelo wakwe kwaamba ayi afune basebenshi bakwe. Bakacinka manungo muli nguwe akusuula mulawo wangu nemwaami. Bakalinga kulibambite kufwa kwiinda kusebensela akulambila lesa umwi, sombibo Lesa wabo.

Danyelo 6:23

Mwaami wakasangalala abuumbi akwaamba ayi Danyelo akushikwe mucilindi. Ndyaakakushikwa mucilindi ico, wakacanika ayi taacitewo cimenga nabi comwi ceebo wakacinka manungo muli Lesa wakwe.

Maako 16:18

Na bakabwese nsoka teshi bakalumweewo, nabi na bakanwe musamu ukola, teshi ukabacaaye. Balaakubika maansaabo pabalwashi, abalo balaakuba kabotu.”

Luka 1:35

Munjelo wakakumbula ayi, “Mushimu Usalashi ulaakwisa pali ndiwe ankusu shakwe Lesa wiindaawo shilaakukufwekelela. Aboobo mwaana usalalite eshi akashalwe, ulaakunokwiitwa ayi Mwanaakwe Lesa.

Milimo ya Batumwi 28:5

Sombi Paulo wakeesanswita mumulilo, kwakutanyumfwaawo akucisa.

Bene Loma 1:4

Sombi Mushimu Usalashi wakatondesha cankusu ayi ngoMwanaakwe Lesa kwiinda mukumubusha kuswa kubafu. Uyu nguMwaami wesu Jesu Klistu.

1 Pita 3:13

Ino ngani weenga wamucitila shibiibi na kamucinkite manungo mukucita shibotu? Taakuuwo.