Danyelo 2:39 - Baibo Busansulushi Bwa Libuku Ili

³⁹ “Kuswa kubulelo bwanu, bulelo bumwi bulaakubuka. Bulelo ubo teshi bukanokweelene nkusu abwaanu. Kuswa boobo kulaakwisa bulelo bwatatu ubo bwakeemikaninwa abulonse. Bulelo ubo bulaakulela cishi coonse ca panshi.

Danyelo 2:39 Marejeleo ya Msalaba

Isaya 44:28

Ndime ŋamba pamwaami Sailasi ayi, ‘Ngumweembeshi wangu alimwi ulaakucita shoonse nsheensuni. Ncakwiila ngweshi akaambe pandabala ya Jelusalemu ayi ndabala inene ya Jelusalemu aiyakululwe alwalo lwiimbi lwa Ŋanda yakwe Lesa aluyakwe.’ ”

Danyelo 10:20

Aboobo wakaamba ayi, “Sa ulishi ncendesita kuli ndiwe? Ndesa mukukuyubulwita shilembetwe muLibuku lya Lushinisho. Ono bulya ntooboolela kuya mukulwana munjelo munene shikulama bene Pesha. Kuswawaawo munjelo munene shikulama bene Gilisi ulaakuboneka. Taaku weelete kuncafwa, sombibo Mikaeli munjelo munene shikulama bene Isilaeli.

Danyelo 2:32

Mutwi wa ncico wakapangwa agolodi wine wine, ntiti alimwi amaansa shakalinga sha silifa, lifumo alimwi amabelo shakalinga sha bulonse.

Danyelo 2:38

Wakamulengesha kuba muleli wa bantu boonse, banyama alimwi abayuni boonse. Anu mutwi wa golodi uleemikanina ndimwe.

Danyelo 2:40

Lyalo kulaakwisa bulelo bwane ubo bweshi bukabe buyumu anga ninshimbi. Nshimbi ilapwayoola akutyoloola shintu shoonse. Ono bweenka nshimbi mbweepwayoola shintu shoonse, bulelo ubo bulaakupwayoola akulyatilila malelo amwi oonse ataanshi.

Danyelo 7:23

“Wakansansulwita ayi, ‘Munyama wane uyo uleemikanina bulelo bwane ubo bweshi bukabe mucishi ca panshi alimwi bweshi bukapusaneeko amalelo amwi. Bulaakupwayoola cishi coonse ca panshi akucilyatoola.

Danyelo 8:20

“Mbelele isankwa icite meeca obilo njewabona, ileemikanina bulelo bwa bene Mediya abwa bene Pesha.

Danyelo 8:21

Mpongo ileemikanina bulelo bwa bene Gilisi. Liica linene pakati ka meenso a njiyo lileemikanina mwaami wakutaanguna wa bulelo ubo.

Sekaliya 6:3

catatu amaaki atuba, alimwi cane amaaki akalinga amabalamabala.

Sekaliya 6:6

Cikoci cakalinga kukwelwa amaaki ashiya cakaya kumatwa kucishi ca Babiloni, maaki atuba akaya kumbo, aalo maaki amabalamabala akaya kucishi cakalinga kumalenge.