Danyelo 12:2 - Baibo Busansulushi Bwa Libuku Ili

² Bantu baanji baanji abo boona mubulongo bwa cishi ca panshi balaakubuka. Bamwi balaakubukila kuba abuumi butamaani, sombi bamwi balaakubukila kulenshekwa nsoni akuba cintu ceelete kushibulukwa kwalyoonse alyoonse.

Danyelo 12:2 Marejeleo ya Msalaba

Tushimpi 12:8

Na muntu ulicite busongo, bantu balamulumbaisha, sombi na muntu taacite maano, bantu balamusebaanya.

Isaya 26:19

“Bantu banu bakafwa balaakubuka alimwi. Mibili yabo ilaakuba abuumi. Mwebo noonse nomuli mushuumbwe amubuke. Amubuke akwiimba cakusangalala. Bweenka mume mbootontosha inshi akubusha shishango, mbweeke ubo Mwaami Lesa mbweshi akabushe bakafwa kale kale.”

Isaya 66:24

“Balaakunyamuka akuya mukubona mituntu ya baabo bakaashukila ndime neMwaami Lesa. Ncakwiila mapila eshi akanoolya mituntu yabo teshi akafweewo awalo mulilo weshi ukabateente teshi ukashimishikweewo. Balaakunoolensha bunya kubantu boonse beenga babalanga.”

Jelemiya 20:11

Sombi mwebo noBaami baLesa muli kulubasu lwangu anga ngushilumamba wa nkusu ucibwene kulwana. Aboobo bantu aba batoompensha balaakulisuntula, teshi bakankomeewo, sobwe. Balaakwaalilwa akulenshekwa nsoni cakwaamba ayi nsoni shabo teshi shikalubweewo.

Esekelo 37:12

Paceebo ceeco laluka ubalwiite ayi nebo neMwaami Lesa Shinkusu shoonse ndaamba ayi, ‘Ndaakucalula shuumbwe shanu, nkamukusheemo akumuboosha kucishi canu ca Isilaeli.

Osiya 13:14

“Ndaakubapulusha kuswa kunkusu sha musena wa bafu. Ndaakubalubula kuswa munkusu sha lufu. Myaalu yako olufu ili kuli? Kunyonyoola kwako omusena wa bafu kuli kuli? “Teshi nkabeewo ankuumbu pabantu aba.

Mateyo 25:46

Mpomunyaawo abo balaakuya kumapensho atamaani, sombi baluleme balaakwinjila mubuumi butamaani.”

Milimo ya Batumwi 24:15

Ntoolangila muli Lesa, bweenka mbuli mbobalangila aba, ayi bantu boonse bali kabotu abatabete kabotu pameenso akwe Lesa, balaakubuka kuswa kubafu.

Milimo ya Batumwi 7:60

Kuswawaawo wakafukama akupaila muliswi lya peculu ayi, “Nkambo, amubalekelele cibiibi ici ncebatoocita!” Ndyaakamana kwaamba boobo, wakatula moyo. Alakwe Saulo wakasumina ayi bacita kabotu kumucaya.

Bene Loma 9:21

Sa shikubumba mwiine taacite nkusu shakubumbamo nongo shobilo mubulongo mbwaacite, imwi ya makwebo anene alimwi aya makwebo aniini?

1 Bene Tesalonika 4:14

Tulashoma ayi Jesu wakafwa akubuka kuswa kubafu alimwi ayi abo bakafwa kabashoma muli Jesu, Lesa ulaakubabusha kuswa kubafu akubatola kwiculu pantu pomwi aJesu.

Ciyubululo 20:12

Lyalo ndakabona bafu, balemekwa abantubo, boonse kabeemfwi kunembo lya cuuna ca bwaami. Lyalo mabuku akacalulwa alimwi libuku limwi lyakacalulwa, ndyelibuku lya boomi. Bafu bakoomboloshekwa kweelana amicito yabo bweenka mbomwakalinga kulembetwe mumabuku.