Danyelo 11:40 - Baibo Busansulushi Bwa Libuku Ili

⁴⁰ “Ono meelelesho a mwaami wa bene Silya aakuba pafwaafwi, mwaami wa bene Ijipiti ulaakumulwana, sombi alakwe ulaakulwana mwaami uyo ankusu shakwe shoonse mukusebensesha shikoci sha nkondo, maaki amaato anene aanji. Ulaakulwana shishi shiinji akunyonyoola cakupyanga anga ngamaanshi asefuka kuswa mumulonga.

Danyelo 11:40 Marejeleo ya Msalaba

Isaya 21:1

Ono ngaaya maswi aamba paBabiloni. Malwesa alaakwisa kuswa kucishi cilensha boowa, bweenka kapupuulwa mbokakwenga mucishi cakumalenge.

Isaya 5:28

Mifwi yabo ilikolete alimwi mata abo alibambitwe kale. Shoondo sha maaki abo nshiyumubo anga ndibwe, aalo mawilo a shikoci shabo sha nkondo alacicabo anga nkapupuulwa.

Isaya 66:15

Amubone Mwaami Lesa waashika amulilo! Cikoci cakwe ca nkondo cilibo anga nkapupuulwa. Utoosa calunteente mukutondesha bukali bwakwe ee, kukalooka kwakwe kulaakuba anga nkwa mulilo.

Jelemiya 4:13

Amubone, utoosabo anga ngamakumbi, shikoci shakwe sha nkondo shitoosa buulukabo anga nkapupuulwa aalo maaki akwe aleenda lubilo kwiinda bamumbankwashi. Mapensho kuli ndiswe! Ncakwiila twamanaawo!

Esekelo 38:4

Ndaakukusandulula, nkakukobe ndobo mumicendwa yako akukutola mubusha pantu pomwi alikoto lyako linene lya bashilumamba. Ndaakutola maaki ako, bashilumamba beshikulwanina pamaaki bacite ashilwanisho shabo, likoto lya bashilumamba baanji bacite mayawo anene aaniini, boonse kabanyamwite mipeeni mumaansa.

Esekelo 38:9

Webo abashilumamba bako boonse alimwi amishobo imwi iinji njooli ayo, mulaakuya munkondo akulwana anga ncipuupu cinene. Mulaakubabo anga ndikumbi lyafwekelesha cishi.’ ”

Danyelo 11:10

“Baana basankwa ba mwaami wa bene Silya balaakulibambila kuya kunkondo akubunganya likoto lya bashilumamba linene. Likoto lya bashilumamba ilyo lilaakunyonyoola cakupyanga anga ngamaanshi asefuka atakoonshi kushinkilwa. Lilaakushika akuciyubilo ca bulelo bwa bene Ijipiti.

Danyelo 11:11

Mwaami wa bene Ijipiti ulaakuya mubukali bwakwe akulwana mwaami wa bene Silya akucata busha likoto linene lya bashilumamba bakwe.

Danyelo 11:13

“Mwaami wa bene Silya ulaakuboolela kumishaabo akubunganya likoto lya bashilumamba linene liinda litaanshi. Paakwiinda myaaka iinji, ulaakuya mukulwana alikoto linene lya bashilumamba licite shilwanisho shoonse sheelete.

Danyelo 11:22

Ulaakucaya likoto lya bashilumamba linene abuumbi pantu pomwi amupailishi munene wakwe Lesa.

Danyelo 11:25

“Pesule ulaakubunganya likoto linene lya bashilumamba ayi alwane mwaami wa bene Ijipiti. Alakwe mwaami wa bene Ijipiti ulaakulibambila kumulwana alikoto lya bashilumamba baanji, sombi ulaakumwaalilwa ceebo ulaakwiindwa kumaano.

Danyelo 11:35

Bamwi pakati ka basongo balaakupenga, kwaamba ayi baboteshekwe cakumaninina akulengeshekwa kubula kampenda kushikila kumeelelesho, ee, kuciindi ico cakabamba mwaami Lesa.

Danyelo 11:39

Ulaakukoma shiyubilo shiyumu abuumbi kwiinda mukucafwikwa alesa mweensu uyo. Ulaakupa bulemu buunji kubaabo beshi bakanoosuminisha bwaami bwakwe. Ncakwiila ulaakunoobapa shuuna sha peculu akubapako shipansha sha cishi ayi ncilambu.

Danyelo 11:7

Ono shikamukowa womwi wa mwanakashi uyo ulaakuba mwaami. Mwaami uyo ulaakulwana likoto lya bashilumamba lya mwaami wa bene Silya. Ulaakwinjila muciyubilo cabo akubakoma.

Danyelo 12:4

Kuswawaawo wakandwiita ayi, “Ono webo Danyelo cala libuku ili akalamatila wakeshibilo kushikila kumeelelesho aciindi. Baanji balaakuya uku akooku kuya mukufusha busongo.”

Danyelo 12:9

Alakwe wakakumbula ayi, “Danyelo, nyamuka unooya. Maswi aya ngabushishi alimwi alyeelete kunooli abushishi kushikila kumeelelesho aciindi.

Danyelo 8:17

Mpomunyaawo Gabuliyelo wakesa weemikana kulubasu lwangu, sombi ndakaloonda abuumbi cakwaamba ayi ndakawita panshi. Mpeeke wakandwiita ayi, “Webo omuntu, kutika ncecaamba cili anga nciloto ici. Citokwaamba kuciindi ca kumeelelesho acishi ca panshi.”

Abakuku 3:14

Mwakayasa mutanjilili wa bamucita shibi alisumo lyakwe mwiine. Mwakamuyasa ciindi likoto lyakwe lya bashilumamba ndilyakesa anga nkapupuulwa kwaamba ayi litupalanganye. Wakalinga kusangalala anga wesa mukunyonyoola bakandu cabushishi.

Sekaliya 9:14

Mwaami Lesa ulaakuboneka peculu lya bantu bakwe. Ulaakunowaala mifwi yakwe anga nkubeka kwa mfula. Mwaami Lesa Shinkusu shoonse ulaakulisha lupeenga lwa nkondo akweendela mucipuupu ca kumalenge.

Ciyubululo 16:12

Alakwe munjelo wasanu awomwi wakapukwita shakalinga mumbale yakwe ifongomene paMulonga unene wa Yufuletisi. Mulonga uyu wakayuma kwaamba ayi bamaami ba kwicwe bacane pakwiinda.

Ciyubululo 9:16

Lyalo ndakalwiitwa ayi bashilumamba beshikulwanina pamaaki bakalinga shuulu ashuulu.