Danyelo 11:36 - Baibo Busansulushi Bwa Libuku Ili

³⁶ “Mwaami wa bene Silya ulaakucita cili coonse ncaasuni. Ulaakulisumpula akulipa bulemu kwiinda pabalesa boonse alimwi ulaakucobola aLesa Wiindaawo pabalesa boonse. Ulaakucita boobo kushikila ciindi ca bukali bakwe Lesa cikeende mukwiinga Lesa ulaakucita ceenka ico ncaakayeeya.

Danyelo 11:36 Marejeleo ya Msalaba

Kulumbaisha 136:2

Amulumbe Lesa wa balesa boonse, ee, mukwiinga lusuno lwakwe ndwamuyayaya.

Kulumbaisha 33:10

Mwaami Lesa ulanyonyonganya miyeeyo ya bantu bakunsengwe, ee, ulalengesha bantu abo kubula kucita miyeeyo njebabamba.

Tushimpi 19:21

Muntu inga kaacite miyeeyo iinji, sombi nkuyanda kwakwe Lesa kulengesha ayi icitike.

Isaya 10:23

Mwaami Lesa, ee, Mwaami Lesa Shinkusu shoonse ndushinisho utoolengesha cishi cino coonse kunyonyoolwa kweelana ambwaakaamba.

Isaya 10:25

Coonoonobo bukali bwangu pali ndimwe butoomana. Lyalo ntoobukila mbabo kwaamba ayi mbanyonyoole.

Isaya 10:5

Mwaami Lesa waamba ayi, “Mapensho kuli ndiwe Asilya! Ee, ndiwe nsebensesha anga nimpimfwa ya kuumisha baabo bankalasha.

Isaya 14:13

Wakaamba mumoyo wako ayi, ‘Ntootanta kwiculu kwiine nkabike cuuna cangu ca bwaami peculu lya nyenyeenshi shakwe Lesa. Ndaakubika cuuna cangu peculu lya kalundu kakubunganinaawo, ee, peene pansonga ya kalundu kasalalite.

Isaya 14:14

Ndaakutanta peculu lya makumbi akuba anga nguLesa wa kwiculu Wiindaawo.’

Isaya 26:20

Kamuya nobene misheesu, amunjile mumaandaanu. Amulicalile mushipinda shanu kushikila bukali bwakwe Lesa bwiinde.

Isaya 30:33

Musena wakutentelaako shintu wakabambwabo kale kale. Uko kweenka nkweshi kukabe mulilo wakutentelaamo mwaami wa bene Asilya. Cilindi ca mulilo uyo cakalongola alimwi ncinene. Cilindi ico cilicite nkuni shiinji abuumbi. Ono kuyoya kwa Mwaami Lesa, uko kuli anga ngumulilo wa salufa, nkweshi kukakumike mulilo pankuni isho.

Isaya 46:10

Kuswa kumatalikilo ndakaambila limwi sheshi shikacitike. Ee, ndakashaambila limwi kashitana kucitika. Nebo ndakaamba ayi miyeeyo yangu teshi ikeelewo munshila alimwi ayi ndaakucita shintu shoonse nshendapinga kucita.

Isaya 57:9

Mulalinaneeka mafuta eendaawo kununkila amafuta amwibo akuya mukulambila lesa Moleki. Kulangoola balesa abo mulacita kutuma beshinkombe banu kulaale ee, cakubatumabo nabi kushuumbwe kwiine.

Esekelo 28:2

“Webo omuntu, lwiita mwaami wa Taya ayi nebo neMwaami Lesa Shinkusu shoonse ndaamba ayi, ‘Mukulisumpula kwa moyo wako ulaamba ayi, Ndi lesa. Ndekala pacuuna ca bwaami cakwe lesa pakati ka lweenge. Sombi webo uli muntubo, teshi ndiwe lesa, sobwe, nakubi kwaamba ayi ulalibona anga uli musongo mbuli lesa.

Esekelo 35:13

Mwakalinga kuntwaangila akwaamba makani abiibi pali ndime kwakutalitibuka, nebo nemwiine kaandinyumfwila.’ ”

Danyelo 11:16

Mwaami wa bene Silya uyo weshi akabalwaane ulaakucita cili coonse ncaasuni. Taaku muntu nabi womwi weshi akakonshe kumulwana. Ulaakwikala muCishi Cakashomeshekwa alimwi cishi ico coonse kacili mumaansaakwe.

Danyelo 11:3

“Lyalo mwaami shinkusu shiinji ulaakuboneka. Lakwe ulaakulela bulelo bunene abuumbi akucita cili coonse nceenga kaasuni.

Danyelo 11:37

Mwaami uyo ulaakusuula balesa ba bamashali bakwe bakulukulu akusuula lesa uyo banakashi ngobasunishi. Ulaakucita boobo ceebo ulaakulipa bulemu kwiinda balesa boonse.

Danyelo 12:7

Munjelo uyo wakalinga kufwete shakufwala sha nsalu iteshimite alimwi uyo wakalinga kwiimfwi peculu lya maanshi wakatambika maansa obilo oonse kwiculu. Lyalo ndakamunyumfwa kaashomesha cakulumbila muliina lyakwe Lesa waLyoonse alyoonse ayi, “Ciindi ico cilaakuba ca myaaka yotatwe amusa. Mapensho eshi akese pabantu bakwe Lesa aakumana, shintu shoonse ishi shilaakwiinda.”

Danyelo 2:47

Kuswawaawo mwaami Nebukadinesa wakaambila Danyelo ayi, “Ndushinisho Lesa wako nguLesa wa balesa, nguMwaami wa bamaami alimwi nguLesa uyubulula shishisitwe. Ndaamba boobo ceebo wacikonsha kunjubulwita shishisitwe ishi.”

Danyelo 4:35

Kuli nguwe bantu boonse ba mucishi balabonekabo anga taaku mbobabete. Lakwe uleendelesha baanjelo ba kwiculu pantu pomwi abantu ba mucishi ca panshi. Taaku muntu weenga wamukasha kucita cintu, nabi kumwiipusha ayi, ‘Wacitilanshi bobulya?’

Danyelo 5:19

Ono ceebo cakwaamba ayi wakabasumpula abuumbi, bantu ba mumishobo yoonse, bashikanda shipusenepusene abamumilaka yoonse bakalinga kubaloonda akubalemeka. Bashali banu abo bakalinga kucaya muntu uli woonse ngweenga kabasuni kucaya. Bakalinga kulekelela muntu uli woonse ngweenga kabasuni kulekelela. Bakalinga kusumpula uli woonse ngweenga kabasuni kusumpula alimwi bakalinga kubombya uli woonse ngweenga kabasuni kubombya.

Danyelo 5:20

Sombi ndibakatalika kulisumpula, kuba beshicimpamya alimwi beshilunkutwe bakakushikwa pacuuna ca bwaami akuswa pamusena wa bulemu.

Danyelo 7:8

Ndindakalinga kuyeeya pameeca ayo, ndakabona kaliica kaniini kakaswa pakati ka meeca amwi. Pakuswa kakatupula meeca amwi otatwe ayo akalingaawo kale. Kaliica ako kakalinga kucite meenso a muntu amulomo wakalinga kwaamba cakulisumpula.

Danyelo 8:19

Mpomunyaawo wakaamba ayi, “Ntookulwiita ceshi cikacitike kunembo muciindi ca bukali bwakwe Lesa. Cili anga nciloto citootondeka kuciindi ca meelelesho.

Danyelo 8:4

Ndakeebela mbelele isankwa iyo keetatukila banyama bamwi kumbo, kumatwa alimwi akumalenge. Taaku munyama wakalinga kukonsha kuyiimika nabi kufuna umwi kuswa munkusu sha njiyo. Yakalinga kucitabo kulilabo nceensuni akuba abulemu.

Sekaliya 11:16

Ceebo ndisuni kuleta mweembeshi mucishi uyo weshi akanoobula kubikila maano kuli sheesho shisowekete, kuyandoola twaana, kushilika shalicisa nabi kusanina shili kabotu. Sombi lakwe ulaakunoolya nyama sha mbelele shiinite abuumbi akupwaya shoondo sha nshisho.

Joni 5:30

“Nebo taaku nceenga ndaciita palwaangu nemwiine. Ndoombolosha bweenka Lesa mbwaandwiita. Aboobo koombolosha kwangu kuliluleme mukwiinga nshikakatili kucita nsheensuni, sombi shiyanda wooyo wakantuma.

Joni 6:38

Mukwiinga ndakaswa kwiculu kwisa mukucita sheesho shiyanda wooyo wakantuma, kuteshi shiyanda ndime nemwiine, sobwe.

Milimo ya Batumwi 4:28

Bakabungana pantu pomwi kwaamba ayi bacite shoonse isho mwebo nshemwakalinga kubambite kale kwiinda munkusu shanu alimwi akuyanda kwanu.

Dutolonomi 10:17

Mwaami Lesa, Lesa wanu nguLesa wa balesa, Mwaami wa baami, uleendaawo alimwi ngushinkusu, weelete kuloondwa. Taasalululi alimwi taatambuli makulo.

2 Bene Tesalonika 2:3

Mutasuminishi muntu uli woonse ayi amubeece. Ceebo Bushiku teshi bukashikile bantu kabatana kwaashuka camamanino alimwi Muntu Mubiibi ulya uyo utoolindilabo kunyonyoolwa kaatana kuboneka.

2 Bene Tesalonika 2:4

Muntu uyo ulaakupikisha shoonse shiitwa ayi balesa nabi isho bantu nshebapaila alimwi ulaakuliyeeyela kwiindaawo nkusu pasheesho shoonse. Ulaakwiinjila akwikala muŊanda yakwe Lesa kaalibanda ayi, “Ndime Lesa.”

2 Bene Tesalonika 2:8

Lyalo Muntu Mubiibi ulya ulaakuyubululwa. Ono Mwaami wesu Jesu pakwisa, ulaakumucaya kwiinda mukumuyoyela akumunyonyoola kubulemu mbweshi akeshiteemo.

Joshuwa 22:22

“Shinkusu shoonse Ulya nguLesa alimwi nguMwaami Lesa! Shinkusu shoonse Ulya nguLesa alimwi nguMwaami Lesa! Ulishi ncetwacitila bobulya, abalo bene Isilaeli bamwi boonse abeshibe! Na ncakwiila twacita ceeci mubwaashu nabi mukutanyumfwila Mwaami Lesa, sunu lyeenka mutumaneewo.

Ciyubululo 10:7

Sombi na munjelo wasanu abobilo akalishe lupeenga lwakwe, Lesa ndyeshi akacite kubamba kwakwe kwa bushishi kweelana ambwaakalwiita basebenshi bakwe, balaluki bakulukulu.”

Ciyubululo 12:14

Mwanakashi uyo wakapekwa mapapaminwa obilo a mumbankwashi kwaamba ayi oolukile kuluyanga kumusena wakwe uko nkweshi akalamwe kabotu kwamyaaka ili yotatwe amusa, kuloonda shinshimwe.

Ciyubululo 13:1

Kuswawaawo, ndakabona munyama kaaswa mumaanshi. Wakalinga kucite meeca likumi alimwi amitwi yosanwe ayobilo. Ono kulwiica lomwi alomwi kwakalinga mushini alimwi akwalo kumutwi womwi awomwi kwakalinga liina lyamucobwe kuli Lesa.

Ciyubululo 17:17

Balaakucita boobo ceebo Lesa walengesha kwaamba ayi banoocita coonse ncaasuni, kwiinda mukunyumfwana kupa nkusu shabo shakweendelesha kumunyama kushikila shoonse Lesa nshaakaamba shikacitike cancinencine.

Ciyubululo 17:3

Mpomunyaawo Mushimu Usalashi wakantanjilila, alakwe munjelo wakantola kuluyanga. Nkomunya uko ndakabona mwanakashi kaashiite pamunyama usalalabo pyu. Pamubili wa munyama uyu woonse pakalinga kulembetwe meena a mucobwe kuli Lesa. Wakalinga kucite mitwi yosanwe ayobilo alimwi ameeca ali likumi.