Danyelo 11:35 - Baibo Busansulushi Bwa Libuku Ili

³⁵ Bamwi pakati ka basongo balaakupenga, kwaamba ayi baboteshekwe cakumaninina akulengeshekwa kubula kampenda kushikila kumeelelesho, ee, kuciindi ico cakabamba mwaami Lesa.

Danyelo 11:35 Marejeleo ya Msalaba

2 Makani 32:31

Beshikwiimikanina bamaami ba bene Babiloni ndibakesa mukwiipusha shacitondesho ca nkusu sha kwiculu ico cakacitika mucishi, Lesa wakamulekabo ayi acite mbwaasuni kwaamba ayi abone na inga watolelela kushomeka.

Tushimpi 17:3

Silifa uleeleshelwa munongo inene pamulilo, mumunyumbi muleeleshelwa golodi, sombi moyo wa muntu uleeleshekwa aMwaami Lesa.

Isaya 27:9

Ono shibiibi sha bene Isilaeli shilaakulekelelwabo na bakapwayoole mabwe a shipaililo sha bakunsengwe kushikila akabebo anga mbusu. Ee, cakutashiya shipaililo shakutentelaawo tununkila kabotu nabi cikoshanyo cakwe Ashela lesa mwanakashi.

Danyelo 11:27

Lyalo bamaami bobilo abo bakwikala akulya pantu pomwi kabacite miyeeyo ibiibi akubecana. Sombi taaku ceshi cikaswitilile ceebo meelelesho alaakucitika paciindi cibambitwe ico ceshi cikanoocili kunembo.

Danyelo 11:29

“Mukuya kwanshiku, mwaami uyo ulaakuya mukulwana cishi ca Ijipiti alimwi, sombi ciindi ico shintu shilaakumweendela bumbi.

Danyelo 11:33

“Bamatanjilili basongo balaakulwiitako baanji pakati ka bantu abo. Sombi kwaciindi ciniini bamatanjilili abo bamwi balaakucaikwa munkondo, bamwi kutentwa, bamwi kupambwa buboni akuwaalwa muntolongo.

Danyelo 11:40

“Ono meelelesho a mwaami wa bene Silya aakuba pafwaafwi, mwaami wa bene Ijipiti ulaakumulwana, sombi alakwe ulaakulwana mwaami uyo ankusu shakwe shoonse mukusebensesha shikoci sha nkondo, maaki amaato anene aanji. Ulaakulwana shishi shiinji akunyonyoola cakupyanga anga ngamaanshi asefuka kuswa mumulonga.

Danyelo 12:3

Basongo balaakunoobala bweenka butuba mwiculu, abo batanjilila bantu baanji mubululami, balaakunoobala anga ninyenyeenshi kwalyoonse alyoonse.”

Danyelo 12:4

Kuswawaawo wakandwiita ayi, “Ono webo Danyelo cala libuku ili akalamatila wakeshibilo kushikila kumeelelesho aciindi. Baanji balaakuya uku akooku kuya mukufusha busongo.”

Danyelo 8:10

Liica ilyo lyakaba ankusu abuumbi cakulwanabo alikoto lya nyenyeenshi sha kwiculu. Lyakawaala shimwi panshi akushilyatoola.

Danyelo 8:17

Mpomunyaawo Gabuliyelo wakesa weemikana kulubasu lwangu, sombi ndakaloonda abuumbi cakwaamba ayi ndakawita panshi. Mpeeke wakandwiita ayi, “Webo omuntu, kutika ncecaamba cili anga nciloto ici. Citokwaamba kuciindi ca kumeelelesho acishi ca panshi.”

Danyelo 8:19

Mpomunyaawo wakaamba ayi, “Ntookulwiita ceshi cikacitike kunembo muciindi ca bukali bwakwe Lesa. Cili anga nciloto citootondeka kuciindi ca meelelesho.

Danyelo 9:27

Muleli uyo ulaakuba acipangano ciyumu abantu baanji kwamyaaka ili 7. Musa wa ciindi ico waakwiinda, ulaakukasha kubenga milambu akupa shipo. Mpeeke ulaakubika Cintu cilya Ciloondesha pakansunswa ka ciluli ca Ŋanda yakwe Lesa alimwi cilaakunooli waawo kushikila uyo wakacibikaawo akanyonyoolwe kweelana akubamba kwakwe Lesa.”

Abakuku 2:3

Ee, waaleembe ceebo ciindi ca ngawo tacina kushikila. Nakubi boobo ciindi ca ngawo citoosa cakufwambaana. Ncakwiila alaakucitika cancinencine. Nabi aboneke kucelwa mukucitika, ukaalindilebo mukwiinga alaakucitika cancinencine alimwi teshi akacelwewo, sobwe.

Sekaliya 13:9

Bamucipansha comwi ico ceshi cikacaale, ndaakubasalasha. Ncakwiila ndaakubasalasha mumulilo bweenka silifa mbooboteshekwa. Ndaakubeelesha bweenka golodi mbooweeleshekwa mumulilo. Balaakumpaila anebo ndaakubakumbula. Ndaakunoobeeta ayi, ‘Bantu bangu.’ Abalo balaakunokwaamba ayi, ‘Mwaami Lesa ngoLesa wesu.’ ”

Mateyo 16:17

Mpeeke Jesu wakamukumbula ayi, “Ulicite coolwe Simoni omwanaakwe Jona! Teshi muntu wakuyubulwiita ceeci, sombi mbaTa ba kwiculu.

Mateyo 26:56

Sombi shoonse ishi shacitika kwaamba ayi shakalemba balaluki bakulukulu shicitike cancinencine.” Mpeeke bashikwiiya bakwe boonse bakamupalangana, bamushiya eenka.

Joni 15:2

Balatimbula musampi uli woonse muli ndime utacati shisepo, sombi musampi uyo ucata shisepo balaukwesoola misampi yamweela kwaamba ayi ube kabotu akucata shisepo shiinji kwiindaawo.

Joni 20:25

Aboobo bashikwiiya bamwi abo bakamulwiita ayi, “Twababona Baami!” Tomasi wakabakumbula ayi, “Inga nshisuminiiwo, sombibo nkabone shilonda sha misipikili mumaansaakwe akwinjisha munwe wangu mushilonda isho alimwi alyaansa lyangu kumbafu nkwaakayaswa lisumo.”

Milimo ya Batumwi 13:13

Paulo alimwi abaabo mbwaakalingaabo, bakaswa kuPafosi akutanta mubwaato bunene kuya kundabala ya Pega mucishi ca Pamfilya. Nkomunya uko, Joni Maako wakabashiya, waboolela kuJelusalemu.

Dutolonomi 8:16

Muluyanga wakamupa mana kwaamba ayi mulye, cakulya citana kulyaawo bamashali banu bakulukulu. Wakatuma makatasho pali ndimwe ayi amweeleshe, kwaamba ayi kumeelelesho akamuboteshele shintu shoonse.

Jemusi 1:2

Nobamakwesu, kamusangalala abuumbi na mwashikilwa mapensho apusenepusene,

Ciyubululo 14:15

Mpeeke kwakesa munjelo umwi wakaswa muŊanda yakwe Lesa akoolobesha wooyo wakalinga kushiite palikumbi ayi, “Talika kusebensesha cicekeshi cako mukwiinga ciindi cakutebula cashikila. Shoonse shakutebula mucishi ca panshi shamaninina kupya!”

Ciyubululo 17:17

Balaakucita boobo ceebo Lesa walengesha kwaamba ayi banoocita coonse ncaasuni, kwiinda mukunyumfwana kupa nkusu shabo shakweendelesha kumunyama kushikila shoonse Lesa nshaakaamba shikacitike cancinencine.

Ciyubululo 2:10

Utaloondi mapensho eshi akakucitikile. Nyumfwa! Mubiibi ulaakumusunka kwiinda mukulengesha bamwi ba mulikoto lyako ayi bawaalwe muntolongo alimwi ulaakupenshekwa abuumbi kwanshiku shili likumi. Koshomeka kuli ndime, nabi bakakucaileewo, lyalo ndaakukupa mushini wa buumi butamaani.’

Ciyubululo 7:14

Nebo ndakamukumbula ayi, “Ndimwe mwishi, nkambo.” Lyalo wakandwiita ayi, “Aba mbobantu bakapula mumapensho anene. Bakacapa mingaanjo yabo akwiitubya mubulowa bwa Mwanaambelele.