Danyelo 11:27 - Baibo Busansulushi Bwa Libuku Ili

²⁷ Lyalo bamaami bobilo abo bakwikala akulya pantu pomwi kabacite miyeeyo ibiibi akubecana. Sombi taaku ceshi cikaswitilile ceebo meelelesho alaakucitika paciindi cibambitwe ico ceshi cikanoocili kunembo.

Danyelo 11:27 Marejeleo ya Msalaba

2 Samwelo 13:26

Sombi Abusalomu wakaamba ayi, “Ono na mwebo tamusuni, amusuminishebo Amunoni mukwesu lakwe ese.” Mpomunyaawo mwaami wakeepusha ayi, “Ino nceebonshi?”

Kulumbaisha 12:2

Womwi awomwi ulabeca shikamukobonyina. Balalumbaisha cakubeca akwaamba camyoyo yobilo.

Kulumbaisha 52:1

Omubile webo, ceebonshi ulalisumpwita pabubi? Kushomeka kwakwe Lesa nkwalyoonse alyoonse.

Kulumbaisha 58:2

Sobwe. Mumyoyo yanu mulayeeyabo bubi mbomukonsha kucita, alimwi mulaleta shimfulunganya mucishi.

Kulumbaisha 62:9

Bakandu mboobubo anga ngumuuwo, abalo babile balibo anga ngumuuya wayoyekwa linkanda lyomwi. Na babikwa pacipimo taaku mbobalema, boonse pantu pomwi balyuubitebo anga ngumuuya wayoyekwa linkanda lyomwi.

Kulumbaisha 64:6

Balapinga kucita miyeeyo italuleme. Balaamba ayi, “Twapanga muyeeyo ubotu abuumbi!” Ncakwiila miyeeyo amyoyo ya bantu ilishupite.

Tushimpi 12:20

Mumyoyo ya bantu bayeeya kucita shibiibi muli bubeshi, sombi abo bacita shintu shileta luumuno balaakusekelela.

Tushimpi 19:21

Muntu inga kaacite miyeeyo iinji, sombi nkuyanda kwakwe Lesa kulengesha ayi icitike.

Tushimpi 26:23

Bweenka nongo yakaboteshekwa asilifa uteshi wa makwebo, mbweeke ubo muntu waamba shibotu mumoyo kooyeeya bubi mbwaabete.

Esekelo 17:9

“Ono nebo neMwaami Lesa Shinkusu shoonse ndeepusha ayi, ‘Sa cisamu ici inga cakomena kabotu? Sa mumbankwashi mutaanshi inga taacitumuni, kupululaako shisepo, kuponsolako misampi alimwi akwiileka ayi iyume? Inga takuyandiki lyaansa lyankusu nabi bantu baanji ayi citumunwe.

Danyelo 10:1

Mumwaaka watatu wa bwaami bwakwe Sailasi mwaami wa bene Pesha, Danyelo uyo wakalinga kwiitwa ayi Beloteshasa wakayubulwitwa makani kuswa kuli Lesa. Makani ayo akalinga alushinisho alimwi akalinga kwaamba pankondo iyoosha. Makani ayo akesa kuli nguwe mucili anga nciloto.

Danyelo 11:28

Mwaami wa bene Silya ulaakuboolela kumishaabo abuboni buunji ubo mbweshi akasaale, sombi kaacisuni kunyonyoola kupaila kwa bantu bakwe Lesa. Ulaakucita mbuli mbwaasuni akuboolela kumishaabo.

Danyelo 11:29

“Mukuya kwanshiku, mwaami uyo ulaakuya mukulwana cishi ca Ijipiti alimwi, sombi ciindi ico shintu shilaakumweendela bumbi.

Danyelo 11:35

Bamwi pakati ka basongo balaakupenga, kwaamba ayi baboteshekwe cakumaninina akulengeshekwa kubula kampenda kushikila kumeelelesho, ee, kuciindi ico cakabamba mwaami Lesa.

Danyelo 11:40

“Ono meelelesho a mwaami wa bene Silya aakuba pafwaafwi, mwaami wa bene Ijipiti ulaakumulwana, sombi alakwe ulaakulwana mwaami uyo ankusu shakwe shoonse mukusebensesha shikoci sha nkondo, maaki amaato anene aanji. Ulaakulwana shishi shiinji akunyonyoola cakupyanga anga ngamaanshi asefuka kuswa mumulonga.

Danyelo 8:17

Mpomunyaawo Gabuliyelo wakesa weemikana kulubasu lwangu, sombi ndakaloonda abuumbi cakwaamba ayi ndakawita panshi. Mpeeke wakandwiita ayi, “Webo omuntu, kutika ncecaamba cili anga nciloto ici. Citokwaamba kuciindi ca kumeelelesho acishi ca panshi.”

Danyelo 8:19

Mpomunyaawo wakaamba ayi, “Ntookulwiita ceshi cikacitike kunembo muciindi ca bukali bwakwe Lesa. Cili anga nciloto citootondeka kuciindi ca meelelesho.

Abakuku 2:3

Ee, waaleembe ceebo ciindi ca ngawo tacina kushikila. Nakubi boobo ciindi ca ngawo citoosa cakufwambaana. Ncakwiila alaakucitika cancinencine. Nabi aboneke kucelwa mukucitika, ukaalindilebo mukwiinga alaakucitika cancinencine alimwi teshi akacelwewo, sobwe.

Milimo ya Batumwi 1:7

Jesu wakabaambila ayi, “Teshi ncito yanu yakwishiba ciindi ndyeshi shikacitike isho shili munkusu sha baTa.

Milimo ya Batumwi 17:31

Mukwiinga wakasala bushiku bomwi mbweshi akoomboloshe bantu boonse mucishi mubululami, kwiinda mumuntu uyo ngwaakasala. Wakabonesha shoonse ishi kubantu kwiinda mukubusha muntu uyo kuswa kubafu!”

1 Bene Tesalonika 5:1

Ono nobamakwesu, taciyandiki ayi tumulembele shabushiku Mwaami Jesu ndyeshi akese panshi alimwi.